Kumaraswamy | Anitha kumaraswamy | Lokayukta | High court | Karnataka News | Bangalore News | ಪ್ಲೀಸ್...ಪತ್ನಿಗೆ ಕುರ್ಚಿ ಕೊಡಿ ಎಂದ ಎಚ್‌ಡಿಕೆ: ಜಡ್ಜ್ ನಕಾರ

ಪ್ಲೀಸ್...ಪತ್ನಿಗೆ ಕುರ್ಚಿ ಕೊಡಿ ಎಂದ ಎಚ್‌ಡಿಕೆ: ಜಡ್ಜ್ ನಕಾರ

ಬೆಂಗಳೂರು, ಶನಿವಾರ, 10 ಸೆಪ್ಟೆಂಬರ್ 2011( 11:29 IST )

ಜಂತಕಲ್ ಮೈನಿಂಗ್ ಗುತ್ತಿಗೆ ನವೀಕರಣ ಮತ್ತು ವಿಶ್ವಭಾರತಿ ಸೊಸೈಟಿಗೆ ನೆರವು ಪ್ರಕರಣದ ವಿಚಾರಣೆ ಹಿನ್ನೆಲೆಯಲ್ಲಿ ಶುಕ್ರವಾರ ಲೋಕಾಯುಕ್ತ ವಿಶೇಷ ನ್ಯಾಯಾಲಯದ ಕಟಕಟೆಯಲ್ಲಿ ಕೈಮುಗಿದು ನಿಂತ ಶಾಸಕಿ ಅನಿತಾಕುಮಾರಸ್ವಾಮಿಗೆ ಕುಳಿತುಕೊಳ್ಳಲು ಅವಕಾಶ ನಿರಾಕರಿಸಿದ ಪ್ರಸಂಗ ನಡೆಯಿತು.

ತಾಜಾ ಸುದ್ದಿ, ಕನ್ನಡ ಸುದ್ದಿ, ಕನ್ನಡ ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ

ಲೋಕಾಯುಕ್ತ ವಿಶೇಷ ನ್ಯಾಯಾಲಯದ ಕಟಕಟೆಯಲ್ಲಿ ಕುಮಾರಸ್ವಾಮಿ ಮತ್ತು ಅನಿತಾ ಕುಮಾರಸ್ವಾಮಿ ಸಾಮಾನ್ಯ ಆರೋಪಿಗಳಂತೆ ಕೈಮುಗಿದು ನಿಂತಿದ್ದರು.

ಆದರೆ, ಆನಿತಾ ಕುಮಾರಸ್ವಾಮಿಯವರು ಬೆನ್ನು ನೋವಿನಿಂದ ಬಳಲುತ್ತಿದ್ದು, ಅವರಿಗೆ ಕುಳಿತುಕೊಳ್ಳಲು ಅವಕಾಶ ನೀಡುವಂತೆ ಕುಮಾರಸ್ವಾಮಿ ಪರ ವಕೀಲರು ನ್ಯಾಯಾಧೀಶರಿಗೆ ಮನವಿ ಮಾಡಿದರು.

ಈ ಮನವಿಯನ್ನು ಮಾನ್ಯ ಮಾಡದ ನ್ಯಾಯಾಧೀಶರು, ಕಲಾಪವನ್ನು ಮುಂದುವರಿಸುವ ಮೂಲಕ ಪರೋಕ್ಷವಾಗಿ ಆರೋಪಿಗಳು ಎದ್ದು ನಿಲ್ಲಲಿ ಎಂಬ ಸೂಚನೆಯನ್ನು ನ್ಯಾಯಾಧೀಶ ಎನ್.ಕೆ.ಸುಧೀಂದ್ರರಾವ್ ರವಾನಿಸಿದರು.

ಸುಮಾರು 25 ನಿಮಿಷಗಳ ಕಾಲ ನಡೆದ ಕಲಾಪದಲ್ಲಿ ಆರೋಪಿ ಕುಮಾರಸ್ವಾಮಿ ದಂಪತಿ ಪರ್ಯಾಯ ಮಾರ್ಗವಿಲ್ಲದೆ ನೂರಾರು ವಕೀಲರು, ಸಾರ್ವಜನಿಕರೆದುರು ನಿಲ್ಲಲೇಬೇಕಾದ ಪ್ರಸಂಗ ಎದುರಾಯಿತು.

ಕುಮಾರಸ್ವಾಮಿ ದಂಪತಿ ಖುದ್ದು ಹಾಜರಾತಿ ಹಿನ್ನೆಲೆಯಲ್ಲಿ ನ್ಯಾಯಾಲಯದ ಒಳಗೂ-ಹೊರಗೂ ಭಾರಿ ಪೊಲೀಸ್ ಬಂದೋಬಸ್ತ್ ಮಾಡಲಾಗಿತ್ತು. ಕಳೆದ 10 ದಿನಗಳಲ್ಲಿ ನಗರ ಸಿಟಿ ಸಿವಿಲ್ ಕೋರ್ಟ್‌ಗೆ ಆರೋಪಿಯಂತೆ ಹಾಜರಾದ ಎರಡನೇ ಮಾಜಿ ಮುಖ್ಯಮಂತ್ರಿ ಇವರಾಗಿದ್ದು, ಈ ಘಟನೆ ನ್ಯಾಯಾಂಗದ ಇತಿಹಾಸದಲ್ಲಿ ಹೊಸ ದಾಖಲೆ ಮಾಡಿದೆ.

ಇವನ್ನೂ ಓದಿ

ಛೇ...ಕೋರ್ಟ್‌ಗೆ ಹೆದರಿಲ್ಲ, ವಕೀಲರು ಬೇಡ ಅಂದ್ರು: ಕುಮಾರಸ್ವಾಮಿ

ಎಚ್‌ಡಿಕೆಗೆ ರಿಲೀಫ್: ಬಿ.ಎಸ್.ಯಡಿಯೂರಪ್ಪಗೂ ಜಾಮೀನು ಸಿಗುತ್ತಾ?

ಸುಳ್ಳು ನೆಪ ಬೇಡ ಸೆ.7ಕ್ಕೆ ಹಾಜರಾಗಿ: ಎಚ್‌ಡಿಕೆ ದಂಪತಿಗೆ ಕೋರ್ಟ್

ಕೊನೆಗೂ ಎಚ್‌ಡಿಕೆಗೆ ಜಾಮೀನು: ಅರೆಸ್ಟ್ ಭೀತಿಯಿಂದ ಪಾರು

ಕಟಕಟೆ ಏರಿದ ಎಚ್‌ಡಿಕೆ ದಂಪತಿ;ವಿಚಾರಣೆ ಸೆ.24ಕ್ಕೆ ಮುಂದೂಡಿಕೆ

ಇದನ್ನು ಸಹ ಶೋಧಿಸು: ಕುಮಾರಸ್ವಾಮಿ, ಲೋಕಾಯುಕ್ತ, ಅನಿತಾ ಕುಮಾರಸ್ವಾಮಿ, ಹೈಕೋರ್ಟ್, ಕನ್ನಡ ಸುದ್ದಿ, ಕರ್ನಾಟಕ ಸುದ್ದಿ, ರಾಷ್ಟ್ರೀಯ ಸುದ್ದಿ, ಬ್ರೇಕಿಂಗ್ ನ್ಯೂಸ್, ತಾಜಾ ಕನ್ನಡ ಸುದ್ದಿ, ರಾಜಕೀಯ, ಬೆಂಗಳೂರು ಸುದ್ದಿ, ಭಾರತೀಯ ಸುದ್ದಿ, ಕರ್ನಾಟಕ ರಾಜಕೀಯ, ಕನ್ನಡ