ಬ್ಯಾಂಕಿಂಗ್ ಮತ್ತು ಆಯ್ದ ಕೆಲವು ಬ್ಲೂಚಿಪ್ ಕಂಪನಿಗಳ ಶೇರುಗಳು ವಹಿವಾಟಿನಿಂದ ಬಿಎಸ್ಇ-30 ಸೂಚ್ಯಂಕ ಏರಿಕೆ ಕಂಡಿತು.
ಪ್ರಾರಂಭದಲ್ಲಿ ಹಿನ್ನಡೆ ಅನುಭವಿಸಿದ ಶೇರು ಪೇಟೆ ನಂತರದ ಅರ್ಧಗಂಟೆಯ ವಹಿವಾಟಿನಲ್ಲಿ ಒಟ್ಟು 165 ಅಂಶಗಳ ಏರಿಕೆಯೊಂದಿಗೆ ವಹಿವಾಟು ಮುಕ್ತಾಯಗೊಳಿಸಿತು.
ಯುಎಸ್ ಫೆಡರಲ್ ಬ್ಯಾಂಕ್, ಬಡ್ಡಿದರ ಕಡಿಮೆ ಮಾಡುವ ನಿಟ್ಟಿನಲ್ಲಿ ಯೋಚಿಸುತ್ತಿದೆ ಎಂಬ ಊಹೆ, ಬ್ಯಾಂಕಿಂಗ್ ವಲಯದ ಶೇರುಗಳ ಬೆಲೆ ಏರಿಕೆಗೆ ಕಾರಣವಾಯಿತು.
ಒಂದು ವೇಳೆ ಯುಎಸ್ ಫೆಡರಲ್ ಬ್ಯಾಂಕ್ ಬಡ್ಡಿದರ ಕಡಿತಗೊಳಿಸುವ ನಿರ್ಧಾರಕ್ಕೆ ಬಂದಲ್ಲಿ ಸ್ಥಳಿಯ ಶೇರು ಪೇಟೆಗಳಲ್ಲಿ ಉತ್ತಮ ವಹಿವಾಟು ನಡೆಯಲಿದೆ ಎಂದು ಶೇರು ದಲ್ಲಾಳಿಗಳು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
|