ಶುಕ್ರವಾರ: ಶಂಕರ್ ರಾಮನ್ ಕೊಲೆ ಪ್ರಕರಣ ವಿಚಾರಣೆ ಪುದುಚೇರಿ, ಶುಕ್ರವಾರ, 14 ಮಾರ್ಚ್ 2008( 12:02 IST )

ಕಾಂಚಿ ಮಠದ ಹಿರಿಯ ಮತ್ತು ಕಿರಿಯ ಸ್ವಾಮಿಗಳನ್ನು ಆರೋಪಿ ಸ್ಥಾನದಲ್ಲಿ ನಿಲ್ಲಿಸಿರುವ ಶಂಕರ್ ರಾಮನ್ ಕೊಲೆ ಪ್ರಕರಣದ ವಿಚಾರಣೆಯನ್ನು ಪುದುಚೇರಿಯ ಸೆಷನ್ಸ್ ನ್ಯಾಯಾಲಯವು ಶುಕ್ರವಾರ ಕೈಗೆತ್ತಿಕೊಳ್ಳಲಿದೆ. ಸೆಷನ್ಸ್ ನ್ಯಾಯಾಲಯದ ಮುಖ್ಯ ನ್ಯಾಯಾಧೀಶ ಡಿ. ಕೃಷ್ಣರಾಜ್ ಅವರ ಎದುರು 24 ಆರೋಪಿಗಳ ಪೈಕಿ ಹತ್ತು ಆರೋಪಿಗಳು ಮಾತ್ರ ಹಾಜರಾಗಿದ್ದು, ನ್ಯಾಯಾಲಯದ ಹಾಜರಾಗದೇ ಇರುವವರ ಸಾಲಿನಲ್ಲಿ ಕಾಂಚಿ ಮಠದ ಶ್ರೀಗಳಾದ ಜಯೇಂದ್ರ ಮತ್ತು ವಿಜಯೇಂದ್ರ ಸರಸ್ವತಿ ಸ್ವಾಮಿಗಳ ಹೆಸರು ಸೇರಿದೆ. ಪ್ರಕರಣ ಪುದುಚೇರಿ ನ್ಯಾಯಾಲಯಕ್ಕೆ ವರ್ಗಾವಣೆಗೊಂಡ ನಂತರವೂ ತಮಿಳುನಾಡಿನ ಪಬ್ಲಿಕ್ ಪ್ರಾಸಿಕ್ಯೂಟರ್ ಪ್ರಕರಣದಲ್ಲಿ ಮುಂದುವರಿಯುತ್ತಿರುವುದನ್ನು ಅಕ್ಷೇಪಿಸಿ ಕಾಂಚಿ ಮಠದ ಶ್ರೀಗಳು ಸರ್ವೋಚ್ಚ ನ್ಯಾಯಾಲಯಕ್ಕೆ ಮನವಿ ಸಲ್ಲಿಸಿದ್ದರಿಂದ ಶಂಕರ್ ರಾಮನ್ ಕೊಲೆ ಪ್ರಕರಣದ ವಿಚಾರಣೆಯನ್ನು ಸೆಷನ್ಸ್ ನ್ಯಾಯಾಲಯ ಮುಂದೂಡಿತ್ತು. ಇದಕ್ಕೂ ಮುನ್ನ ಸರ್ವೋಚ್ಚ ನ್ಯಾಯಾಲಯವು ಈರ್ವರು ಸ್ವಾಮಿಗಳಿಗೆ ಜಾಮೀನು ನೀಡಿ ಕೊಲೆ ಪ್ರಕರಣದ ವಿಚಾರಣೆಯನ್ನು ತಮಿಳುನಾಡಿನಿಂದ ಕೇಂದ್ರಾಡಳಿತದ ಪುದುಚೇರಿಗೆ ವರ್ಗಾಯಿಸಿತ್ತು.