ಇರಾನ್ ಅಧ್ಯಕ್ಷ ಅಹಮ್ಮದಿನೆಜಾದ್ ಆಗಮನ ಮಂಗಳವಾರ, 29 ಏಪ್ರಿಲ್ 2008( 20:17 IST )

ನವದೆಹಲಿ: ಇರಾನ್ ಅಧ್ಯಕ್ಷ ಅಹಮ್ಮದಿನೆಜಾದ್ ಭಾರತ ಭೇಟಿಗಾಗಿ ನವದೆಹಲಿಯಲ್ಲಿ ಬಂದಿಳಿದಿದ್ದಾರೆ. ಅವರ ಈ ಭೇಟಿಯ ವೇಳೆ ಭಾರತ-ಪಾಕಿಸ್ತಾನ-ಇರಾನ್ ನಡುವಿನ ಮಹತ್ವಾಕಾಂಕ್ಷಿ ಅನಿಲ ಕೊಳೆವೆ ಯೋಜನೆಯು ಚರ್ಚೆಗೆ ಬರಲಿದೆ. ಮೂರು ರಾಷ್ಟ್ರಗಳನ್ನೊಳಗೊಂಡಿರುವ ಈ ಯೋಜನೆಯು ವೆಚ್ಚದ ಕುರಿತಂತೆ ಒಮ್ಮತಾಭಿಪ್ರಾಯಕ್ಕೆ ಬರಲಾರದೆ, ನೆನೆಗುದಿಗೆ ಬಿದ್ದಿತ್ತು. ಇದಲ್ಲದೆ, ಇರಾನ್ ಅಧ್ಯಕ್ಷರ ಭೇಟಿಯ ವೇಳೆ ಉಭಯ ರಾಷ್ಟ್ರಗಳ ದ್ವಿಪಕ್ಷೀಯ ಸಂಬಂಧದ ಕುರಿತು ಮಾತುಕತೆ ನಡೆಯಲಿದೆ.