ಮಾಲೆಗಾಂವ್ ಸ್ಫೋಟದ ಪ್ರಮುಖ ಆರೋಪಿ ಲೆಫ್ಟಿನೆಂಟ್ ಕರ್ನಲ್ ಶ್ರೀಕಾಂತ್ ಪುರೋಹಿತ್, ನಾರ್ಕೋ ಅನಾಲಿಸಿಸ್ ಪರೀಕ್ಷೆ ವೇಳೆ ಬಾಂಬ್ ಸ್ಫೋಟದ ಸಂಚು ನಡೆಸಿರುವುದನ್ನು ಒಪ್ಪಿಕೊಂಡಿರುವುದಾಗಿ ಮೂಲಗಳು ಹೇಳಿವೆ.
ಗುರುವಾರ ಎಟಿಎಸ್ ಬಂಧನಕ್ಕೀಡಾಗಿರುವ ಸ್ವಾಮಿ ದಯಾನಂದ ಪಾಂಡೆ, ಸಾಧ್ವಿ ಪ್ರಗ್ಯಾಸಿಂಗ್ ಠಾಕೂರ್ ಹಾಗೂ ತಾನು ಸೇರಿ ಸ್ಫೋಟದ ಸಂಚನ್ನು ರೂಪಿಸಿರುವುದಾಗಿ ಪುರೋಹಿತ್ ಒಪ್ಪಿಕೊಂಡಿದ್ದಾರೆಂದು ಹೇಳಲಾಗಿದೆ.
ನಂದೇಡ್ ಮತ್ತು ಅಜ್ಮೀರ್ ಸ್ಫೋಟಗಳನ್ನು ಬಂಧಿತ ಸ್ವಾಮಿ ದಯಾನಂದ್ ಪಾಂಡೆ ರೂಪಿಸಿರುವುದು ಹೌದೆಂದೂ ಪುರೋಹಿತ್ ಒಪ್ಪಿಕೊಂಡಿರುವುದಾಗಿಯೂ ಮೂಲಗಳು ಹೇಳಿವೆ.
ಸಿಮಿ ಸಂಘಟನೆಯು ನಡೆಸಿರುವ ಸ್ಫೋಟಗಳ ವಿರುದ್ಧ ದ್ವೇಷ ಸಾಧಿಸಲು ತಾನು ಈ ಕೃತ್ಯಕ್ಕೆ ಇಳಿದಿರುವುದಾಗಿ ಪುರೋಹಿತ್ ಹೇಳಿದ್ದಾರೆ.
ಸ್ವಾಮಿ ದಯಾನಂದ ಪಾಂಡೆ ತನಗೆ ಪ್ರಗ್ಯಾ ಸಿಂಗ್‌ರನ್ನು ಪರಿಚಯಿಸಿರುವುದಾಗಿಯೂ ಪುರೋಹಿತ್ ಪರೀಕ್ಷೆ ವೇಳೆಗೆ ಹೇಳಿದ್ದಾರೆ. ಸಾಧ್ವಿ ಪ್ರಗ್ಯಾಸಿಂಗ್ ಠಾಕೂರ್ ಇದೀಗಾಗಲೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರ ವಶದಲ್ಲಿದ್ದಾರೆ.
ಭಯೋತ್ಪಾದನಾ ಕೃತ್ಯಗಳ ಕುರಿತು ಕನಿಷ್ಠ 500 ಮಂದಿಯನ್ನು ತರಬೇತುಗೊಳಿಸಿರುವುದಾಗಿ ತಿಳಿಸಿದ ಪುರೋಹಿತ್, ಅಹಮದಾಬಾದ್ ಆಶ್ರಮವು ತಮಗೆ ಆಶ್ರಯ ನೀಡಿತ್ತು ಎಂದು ನಾರ್ಕೋ ಅನಾಲಿಸಿಸ್ ಪರೀಕ್ಷೆ ವೇಳೆ ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ