ದತ್ತಪೀಠ: ಬಿಗಿ ಬಂದೋಬಸ್ತ್ ಚಿಕ್ಕಮಗಳೂರು, ಮಂಗಳವಾರ, 23 ಅಕ್ಟೋಬರ್ 2007( 12:32 IST )

ಬಹು ವಿವಾದಿತ ಚಿಕ್ಕಮಗಳೂರಿನ ದತ್ತಪೀಠಲ್ಲಿ ಸಂಕೀರ್ತನ ಯಾತ್ರೆಗೆ ಕ್ಷಣಗಣನೆ ಆರಂಭಗೊಂಡಿದೆ. ಈ ಬಾರಿ ದತ್ತ ಪೀಠದ ಸಂಕೀರ್ತನೆ ಯಾತ್ರೆಗೆ ಜಿಲ್ಲಾಡಳಿತ ಅನುಮತಿ ನೀಡುವ ಬಗ್ಗೆ ಗೊಂದಲ ತಲೆ ದೋರಿದೆ. ಕೋಮುಸೌಹಾರ್ದತಾ ವೇದಿಕೆ ಸಂಕೀರ್ತನಾ ಯಾತ್ರೆಗೆ ಅವಕಾಶ ನೀಡಬಾರದು ಎಂದು ಪಟ್ಟಿ ಹಿಡಿದಿದ್ದರೆ, ಸ್ಥಳೀಯ ಶಾಸಕ ಸಿಟಿ ರವಿ ನೇತೃತ್ವದ ಹಿಂದು ಸಂಘಟನೆಗಳ ನಾಯಕರು ದತ್ತಯಾತ್ರೆಯನ್ನು ನಡೆಸಿಯೇ ತೀರುತ್ತೇವೆ ಎಂದಿದ್ದಾರೆ. ಯಥಾ ಸ್ಥಿತಿ ? ಈ ನಡುವೆ ದತ್ತಪೀಠ ವಿಚಾರದಲ್ಲಿ 2004 ರಿಂದ ಈಚೆಗೆ ನಡೆದು ಕೊಂಡು ಬಂದ ಯಥಾಸ್ಥಿತಿಯನ್ನು ಈ ಬಾರಿಯೂ ಪಾಲಿಸಲಾಗುವುದು ಹಾಗೂ ಅಶಾಂತಿಗೆ ಅವಕಾಶ ಕೊಡುವುದಿಲ್ಲ ಎಂದು ರಾಜ್ಯಪಾಲ ರಾಮೇಶ್ವರ ಠಾಕೂರ್ ತಿಳಿಸಿದ್ದಾರೆ. ಯಥಾಸ್ಥಿತಿ ಪಾಲನೆ ಹೊರತು ಬೇರಾವುದೇ ಮಾತುಕತೆ ಇಲ್ಲ ಎಂದು ನಾನು ಸ್ಪಷ್ಟವಾಗಿ ಹೇಳಿದ್ದೇನೆ. ನಾವೊಂದು ನಿರ್ದಿಷ್ಟ ನೀತಿಯನ್ನು ಅಳ ವಡಿಸಿಕೊಂಡಿದ್ದೇವೆ. ಆ ಬಗ್ಗೆ ಮತ್ತೊಮ್ಮೆ ಸಂವಾದಕ್ಕೆ ಆಸ್ಪದ ಇಲ್ಲ. ರಾಜ್ಯದಲ್ಲಿ ಶಾಂತಿ, ಸೌಹಾರ್ದತೆ ಸ್ಥಾಪಿಸುವುದು ಹಾಗೂ ರಾಜ್ಯದ ಸರ್ವಾಂಗೀಣ ಅಭಿವೃದ್ದಿಗೆ ಶ್ರಮಿಸುವುದು ನನ್ನ ಕೆಲಸ" ಎಂದಿದ್ದಾರೆ.