ಬಾಲಿವುಡ್ ಇತಿಹಾಸದಲ್ಲಿ ಅತ್ಯಂತ ದುಬಾರಿ ವೆಚ್ಚದ ನೃತ್ಯದ ದೃಶ್ಯ ಎಂದು ಭೂಲ್ ಭುಲಾಯಿಯ ಚಿತ್ರದ ನೃತ್ಯದ ಬಗ್ಗೆ ಪ್ರಿಯದರ್ಶನ್ ಹೇಳುತ್ತಾರೆ. ನಾವು ಎಲ್ಲಕ್ಕಿಂತ ಭಿನ್ನವಾದ ದೃಶ್ಯವನ್ನು ನೀಡಲು ಯೋಜಿಸಿ, ನಮ್ಮ ನಿರ್ಮಾಪಕರ ಜತೆ ಸಮಾಲೋಚಿಸಿದಾಗ ಈ ಕಲ್ಪನೆ ಮೂಡಿಬಂತು ಎಂದು ಅವರು ಹೇಳಿದರು.
ತಾರಾಗಣದಲ್ಲಿ ಅಕ್ಷಯ್ ಕುಮಾರ್, ವಿದ್ಯಾಬಾಲನ್ ಮತ್ತು ಶಿನೆಯ್ ಅಹುಜಾ ಇದ್ದಾರೆ. ಇದಕ್ಕೆ ಗಣೇಶ್ ಆಚಾರ್ಯ ನೃತ್ಯಸಂಯೋಜನೆ ನೀಡಿದ್ದಾರೆ. ಲಂಡನ್ನಿಂದ ಆಗಮಿಸಿದ ನೃತ್ಯಗಾತಿಯರ ಜತೆ ಸೂಪರ್ ಸ್ಟಾರ್ ಅಕ್ಷಯ್ ಕುಮಾರ್ ಮನೋಜ್ಞವಾಗಿ ನರ್ತಿಸಿದ್ದಾರೆ.
ಈ ನೃತ್ಯವನ್ನು ಮುಂಬೈ ಚಿತ್ರನಗರಿ ಮತ್ತು ಆಕ್ಷಾ ಬೀಚ್ನ ಸೌಂದರ್ಯ, ಮರುಭೂಮಿ ಸೆಟ್ಟಿಂಗ್ ಮತ್ತು ಬೃಹತ್ ಬುದ್ಧನ ಪ್ರತಿಮೆಯ ಹಿನ್ನೆಲೆಯಲ್ಲಿ ಚಿತ್ರೀಕರಿಸಲಾಗಿದೆ.