ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್ » ಸುದ್ದಿ/ಗಾಸಿಪ್ » ರಾಮನ ಅವತಾರವೆತ್ತಲಿರುವ ಹೃತಿಕ್! (Ramayan | Sanjay Khan | Hrithik Roshan | Rama | Zayed Khan)
ಮನರಂಜನೆ » ಬಾಲಿವುಡ್ » ಸುದ್ದಿ/ಗಾಸಿಪ್ » ರಾಮನ ಅವತಾರವೆತ್ತಲಿರುವ ಹೃತಿಕ್! (Ramayan | Sanjay Khan | Hrithik Roshan | Rama | Zayed Khan)
Feedback
Print
ರಾಮನ ಅವತಾರವೆತ್ತಲಿರುವ ಹೃತಿಕ್! 
 | ||
|
ಹೌದು. ರಾಮಾಯಣ ದೊಡ್ಡ ತೆರೆಯಲ್ಲಿ ಮೂಡಿಬರಲಿದೆ. ಈ ಹಿಂದೆ ಟಿಪ್ಪು ಸುಲ್ತಾನ್‌ ಟಿವಿ ದಾರಾವಾಹಿಯನ್ನು ನಿರ್ಮಿಸುವ ಮೂಲಕ ಮುಸ್ಲಿಮರಿಂದ ಸಾಕಷ್ಟು ಟೀಕೆಗೊಳಗಾಗಿ ವಿವಾದ ಎದುರಿಸಿದ್ದ ಸಂಜಯ್ ಖಾನ್ ಈಗ ರಾಮಾಯಣವನ್ನು ಹಿರಿತೆರೆಗೆ ತರಲು ಸಿದ್ಧರಾಗಿದ್ದಾರೆ. ಚಿತ್ರದ ಹೆಸರು ದಿ ಲೆಜೆಂಡ್ ಆಫ್ ರಾಮ.
ರಾಮಾಯಣ ಸಿನಿಮಾ ಎಂದ ಮೇಲೆ ರಾಮ, ಸೀತೆ, ಲಕ್ಷ್ಮಣ ಪಾತ್ರಧಾರಿಗಳು ಯಾರು ಎಂಬ ಕುತೂಹಲ ಸಹಜವೇ. ಈವರೆಗೆ ಜೋಧಾ ಅಕ್ಬರ್ ಸಿನಿಮಾದಲ್ಲಿ ಅಕ್ಬರ್ ಪಾತ್ರದಲ್ಲಿ ಮಿಂಚಿ ಹಲವು ಪ್ರಶಸ್ತಿಗಳನ್ನು ತೆಕ್ಕೆಗೆ ಸೇರಿಸಿದ, ರೊಮ್ಯಾಂಟಿಕ್ ಪಾತ್ರದಷ್ಟೇ ಪೌರಾಣಿಕ ಪಾತ್ರದಲ್ಲೂ ಪ್ರಬುದ್ಧ ಅಭಿನಯ, ಚಾಕಚಕ್ಯತೆ ಪ್ರದರ್ಶಿಸಬಲ್ಲೆ ಎಂದು ತೋರಿಸಿಕೊಟ್ಟ ಹೃತಿಕ್ ರೋಷನ್ ರಾಮನಾಗಲಿದ್ದಾರೆ!
 | ||
|
ಈ ಚಿತ್ರವನ್ನು ತಯಾರಿಸಲು ಕಳೆದ ಮೂರು ವರ್ಷಗಳಿಂದಲೇ ಸಂಜಯ್ ಖಾನ್ ತಯಾರಿ ನಡೆಸುತ್ತಿದ್ದರಂತೆ. ಆದರೆ, ಸಂಜಯ್ ಅವರಿಗೆ ರಾಮ ಪಾತ್ರಕ್ಕೆ ಸರಿಹೊಂದುವ ಹೀರೋ ಬೇಕಾಗಿತ್ತು. ಅಳಿಯ ಹೃತಿಕ್ ರೋಷನ್ ಅಲ್ಲದೆ ಬೇರಾರು ಈ ಪಾತ್ರಕ್ಕೆ ತಾಳೆಯಾಗಲಿಕ್ಕಿಲ್ಲ ಎಂದು ಮೂರು ವರ್ಷಗಳ ಕಾಲ ಹೃತಿಕ್‌ರಿಂದ ಡೇಟ್ಸ್ ಪಡೆಯಲು ಕಾದು ಕುಳಿತಿದ್ದರಂತೆ ಸಂಜಯ್ ಖಾನ್! ಕೊನೆಗೂ ಹೃತಿಕ್ ರಾಮಾಯಣಕ್ಕಾಗಿ ಹಾಗೂ ಮಾವನಿಗಾಗಿ ಸಮಯ ಹೊಂದಿಸಿದ್ದಾರಂತೆ.
ಝಯೇದ್ ಹೇಳುವಂತೆ, ಲಕ್ಷ್ಮಣನ ಪಾತ್ರಧಾರಿಯಾಗಿ ನಾನು ತೆರೆಯಲ್ಲಿ ಬರುತ್ತಿರುವುದು ಎರಡನೇ ಬಾರಿ. ಹಿಂದೆ ಮೈ ಹೂಂ ನಾ ಚಿತ್ರದಲ್ಲಿ ಪೌರಾಣಿಕ ಪಾತ್ರವಲ್ಲದಿದ್ದರೂ ಲಕ್ಷ್ಮಣ್ ಹೆಸರಿನಲ್ಲಿ ಕಾಣಿಸಿಕೊಂಡಿದ್ದೆ. ಈಗ ಮತ್ತೆ ಲಕ್ಷ್ಮಣನಾಗುತ್ತಿದ್ದೇನೆ ಎನ್ನುತ್ತಾರೆ.
 | ||
|
ಅಂದಹಾಗೆ, ಸಂಜಯ್ ಖಾನ್ ಇಷ್ಟೆಲ್ಲ ತಯಾರಿ ನಡೆಸಿರುವ ಸಂದರ್ಭವೇ, ರಾಜ್ ಕುಮಾರ್ ಸಂತೋಷಿ ಕೂಡಾ ರಾಮಾಯಣ ಚಿತ್ರ ನಿರ್ಮಿಸುವ ಪ್ರಕರಣೆ ನೀಡಿದ್ದಾರೆ. ರಾಜ್ ಕುಮಾರ್ ಸಂತೋಷಿ ಚಿತ್ರದಲ್ಲಿ ಅಜಯ್ ದೇವಗನ್ ರಾಮನಾಗಿ, ಸೀತೆಯಾಗಿ ಕಾಜೋಲ್ ಹಾಗೂ ಲಕ್ಷ್ಮಣನಾಗಿ ರಿತೇಶ್ ದೇಶ್‌ಮುಖ್ ಕಾಣಿಸಿಕೊಳ್ಳಲಿದ್ದಾರೆ.
ಈ ಹಿಂದೆ ಲವ ಕುಶ ಎಂಬ ಚಿತ್ರದಲ್ಲಿ ಜಿತೇಂದ್ರ ಹಾಗೂ ಜಯಪ್ರದಾ ರಾಮಸೀತೆಯರಾಗಿ ತೆರೆಯ ಮೇಲೆ ಕಾಣಿಸಿಕೊಂಡಿದ್ದರು. ಆದರೆ ರಾಮಾಯಣದ ಕಥೆ ಈವರೆಗೆ ಸಿನಿಮಾ ರೂಪದಲ್ಲಿ ಬಂದಿರಲಿಲ್ಲ. ಈಗ ಎರಡು ಚಿತ್ರಗಳು ದೊಡ್ಡ ದೊಡ್ಡ ಬ್ಯಾನರ್‌ನಲ್ಲೇ ರೂಪುಗೊಳ್ಳಲಿವೆ. ಪ್ರೇಕ್ಷಕರು ಯಾವ ರಾಮನ ಪಾದಕ್ಕೆ ಮರಳುತ್ತಾರೋ ಕಾಯಬೇಕು.