Feedback
Print
ಸಾಗರದಡಿಯ ರೋಮಾಂಚನ ಸಾಹಸ ಈ ಬ್ಲೂ 
 | ||
|
ಆದರೆ, ಈಗ ಬಾಲಿವುಡ್‌ನಲ್ಲಿ ಗಾಳಿಯಾಡುತ್ತಿರುವ ಮಾತುಗಳೆಲ್ಲವೂ 'ಬ್ಲೂ' ಬಗ್ಗೆಯೇ. ಸಿನಿಮಾದ ಸಂಗೀತ, ನಿರ್ದೇಶನ, ಕಥೆ ಎಲ್ಲವುಗಳ ಬಗ್ಗೆ ಥರಹೇವಾರಿ ಮಾತುಗಳು ಸುಳಿದಾಡುತ್ತಿವೆ. ಒಟ್ಟಿನಲ್ಲಿ ಬಾಲಿವುಡ್ ಮಟ್ಟಿಗೆ ಇಂಥದ್ದೊಂದು ಸಿನಿಮಾ ಈವರೆಗೆ ಬಂದಿಲ್ಲ. ಸಾಹಸ ಪ್ರವೃತ್ತಿಯ ಸಿನಿಮಾಗಳು ಭಾರತೀಯ ಸಿನಿಮಾ ರಂಗದಲ್ಲಿ ಬಂದುದೇ ಕಡಿಮೆ ಎನ್ನಬಹುದು. ಅದರಲ್ಲೂ ಸಾಗರದೊಳಗಿನ ಅಡ್ವೆಂಚರ್ ದೂರದ ಮಾತೇ ಸರಿ. ಮೊದಲೆಲ್ಲ ಪಾಶ್ಚಾತ್ಯ ಸಿನಿಮಾಗಳ ಸಂಸ್ಕೃತಿಗೂ ಭಾರತೀಯ ಚಿತ್ರರಂಗದ ಸಂಸ್ಕೃತಿಗೂ ಸಾಕಷ್ಟು ವ್ಯತ್ಯಾಸ ಕಾಣುತ್ತಿತ್ತು. ಮೊದಲು ಇಂತಹುದಕ್ಕೆ ಬೇಕಾದ ತಾಂತ್ರಿಕತೆ ನೈಪುಣ್ಯ, ಬಜೆಟ್ ಎಲ್ಲವೂ ಸಾಲುತ್ತಿರಲಿಲ್ಲ. ಈಗ ಇವೆಲ್ಲವನ್ನು ಕ್ರೋಢೀಕರಿಸಿಕೊಂಡು ಹಾಲಿವುಡ್ ಮಾದರಿಯ ಸಾಗರದೊಳಗಿನ ಅಡ್ವೆಂಚರ್ ಈ ವರ್ಷದಲ್ಲಿ ಹೊರಬರಲಿದೆ.
 | ||
|
ಈ ಸಿನಿಮಾದ ನಿರ್ದೇಶಕರು ಆಂಟೊನಿ ಡಿಸೋಜಾ. ಈ ಹಿಂದೆ ಬಿಗ್ ಹಿಟ್‌ಗಳಾದ ಜಬ್ ವಿ ಮೆಟ್, ಗೋಲ್‌ಮಾಲ್ ರಿಟರ್ನ್ಸ್‌ಗಳನ್ನು ನಿರ್ಮಿಸಿದ 'ಶ್ರೀ ಅಷ್ಟವಿನಾಯಕ ಸಿನಿ ವಿಷನ್ಸ್ ಲಿಮಿಟೆಡ್' ಬ್ಯಾನರ್‌ನಡಿಯ ಆಶ್ರಯವೂ ಬ್ಲೂಗೆ ಸಿಕ್ಕಿದೆ. ಸಿನಿಮಾದ ಚಿತ್ರೀಕರಣ ಬಹಾಮಾದಲ್ಲಿ ಮಾಡಲಾಗಿದೆಯಂತೆ. ಚಿತ್ರಕ್ಕೆ ಸಂಗೀತ ನಿರ್ದೇಶನ ನೀಡಿದ್ದು ಎರಡು ಆಸ್ಕರ್ ಗರಿ ಹೊತ್ತಿರುವ ಎಲ್ಲರ ಹೆಮ್ಮೆಯ ಎ.ಆರ್.ರೆಹಮಾನ್. ಜತೆಗೆ ಆಸ್ಟ್ರೇಲಿಯಾದ ಸೆನ್ಸೇಶನಲ್ ಪಾಪ್ ಗಾಯಕಿ ಕೈಲಿ ಮಿನಾಗ್. ಸಿನಿಮಾದ ಸಂಗೀತವನ್ನು ಕೇಳುತ್ತಿದ್ದರೆ, ಮಗ್ನರಾಗಿಬಿಡುವಷ್ಟು ಚೆನ್ನಾಗಿದೆಯಂತೆ ಎಂಬ ಅಂತೆಕಂತೆಗಳ ಹವಾ ಈಗ ಬಾಲಿವುಡ್ ತುಂಬೆಲ್ಲ ವ್ಯಾಪಿಸಿದೆ.
 | ||
|
ಸಾಹಸಮಯ ರೋಮಾಂಚನಗೊಳಿಸುವ ದೃಶ್ಯಗಳ ಜತೆಗೆ ಉತ್ತಮ ಸೌಂಡ್ ಎಫೆಕ್ಟ್ ಕೂಡಾ ಇದರಲ್ಲಿದೆಯಂತೆ. ಆಸ್ಕರ್ ಪಡೆದ ಭಾರತೀಯ ರೆಸಲ್ ಪೂಕುಟ್ಟಿ ಈ ಚಿತ್ರದಲ್ಲಿ ಸೌಂಡ್ ಮಿಕ್ಸಿಂಗ್ ಮಾಡಿದ್ದಾರಂತೆ.
ಇನ್ನೂ ಸಿನಿಮಾದ ನಿರ್ಮಾಣ ಕಾರ್ಯ ಆಗಿಲ್ಲವಂತೆ. ಚಿತ್ರ ಬಿಡುಗಡೆಯ ಬಗ್ಗೆ ಇನ್ನೂ ನಿಖರವಾದ ಮಾಹಿತಿಗಳು ಗೊತ್ತಿಲ್ಲ. ಅಲ್ಲಿವರೆಗೂ ಕಾಯಬೇಕು. ಇದಲ್ಲದೆ, ಹಲವರು ಇದನ್ನು ಕೇವಲ ಹಾಲಿವುಡ್‌ನ ಕಾಪಿ ಎಂದು ಟೀಕಿಸಿ ಗೇಲಿ ಮಾಡಿದ್ದಾರೆ. ಸಿನಿಮಾದಲ್ಲಿ ನಿಜವಾಗಿಯೇ ಏನಿದೆ ಎಂದು ತಿಳಿಯಲು, ಈ ಎಲ್ಲ ಸಂಶಯಗಳಿಗೆ ಉತ್ತರ ಬರಲು ಇನ್ನೂ ಸಾಕಷ್ಟು ಸಮಯ ಕಾಯಬೇಕು.
 | ||
|