ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್ » ತಾರಾ ಪರಿಚಯ » ಸಿಂಹವಿಲ್ಲದ ಸಫಾರಿಯಂತೆ ಫಿರೋಜ್ ಇಲ್ಲದ ಬಾಲಿವುಡ್ (Without Feroz Khan, Mumbai is like a safari without a lion’)
ಮನರಂಜನೆ » ಬಾಲಿವುಡ್ » ತಾರಾ ಪರಿಚಯ » ಸಿಂಹವಿಲ್ಲದ ಸಫಾರಿಯಂತೆ ಫಿರೋಜ್ ಇಲ್ಲದ ಬಾಲಿವುಡ್ (Without Feroz Khan, Mumbai is like a safari without a lion’)
Feedback
Print
ಸಿಂಹವಿಲ್ಲದ ಸಫಾರಿಯಂತೆ ಫಿರೋಜ್ ಇಲ್ಲದ ಬಾಲಿವುಡ್ 
 | ||
|
ಹೀಗಿದ್ದ ಫಿರೋಜ್ ಮೊನ್ನೆ ಮೊನ್ನೆ ಫಿರೋಜ್ ಖಾನ್ ತಮ್ಮ ಜೀವನಯಾತ್ರೆ ಮುಗಿಸಿ ಹೊರಟುಹೋದರು. ತಮ್ಮ ವಿನೂತನ ಸ್ಟೈಲ್‌ಗಳಿಂದಲೇ ಖ್ಯಾತಿವೆತ್ತ ಫಿರೋಜ್ ಯಾವಾಗಲೂ ಬಾಲಿವುಡ್ ಬಳಗವಷ್ಟೇ ಅಲ್ಲ ಎಲ್ಲರಿಂದಲೂ ಆಗಾಗ ನೆನಪಿಸಿಕೊಳ್ಳುತ್ತಲೇ ಇರುವ ಪ್ರತಿಭಾವಂತ ನಟ. ಬಹಳ ಇಷ್ಟಪಡುತ್ತಿದ್ದ ಬೆಂಗಳೂರಿನಲ್ಲೇ ತಮ್ಮ ಕೊನೆಯ ದಿನಗಳನ್ನು ಕಳೆದ ಫಿರೋಜ್ ತಮ್ಮ ಇಚ್ಛೆಯಂತೆಯೇ ಬೆಂಗಳೂರಿನಲ್ಲೇ ಮಣ್ಣಾದರು. ಪಿರೋಜ್ ಸ್ಮರಣೆಗಾಗಿ ಮಗ ಹಾಗೂ ನಟ ಫರ್ದೀನ್ ಖಾನ್ ಹಾಗೂ ಮಗಳು ಲೈಲಾ ಖಾನ್ ನೇತೃತ್ವದಲ್ಲಿ ಮುಂಬೈನಲ್ಲಿ ಫಿರೋಜ್ ಶೋಕಕೂಟ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.
ಫಿರೋಜ್ ಖಾನ್ ತಮ್ಮ ಸಂಜಯ್ ಖಾನ್ ಈ ಕಾರ್ಯಕ್ರವನ್ನು ಪೂರ್ತಿಯಾಗಿ ಸಂಘಟಿಸಿದರು. ಕಾರ್ಯಕ್ರಮದಲ್ಲಿ ಫಿರೋಜ್ ಆಪ್ತ ಬಳಗ, ಗೆಳೆಯರು, ಚಿತ್ರೋದ್ಯಮದ ಸಹಕಲಾವಿದೆಯರು, ಕಲಾವಿದರು ಸೇರಿದಂತೆ ಹಲವರು ಪಾಲ್ಗೊಂಡಿದ್ದರು. ಧರ್ಮೇಂದ್ರ, ವಹೀದಾ ರೆಹಮಾನ್, ಮುಮ್ತಾಜ್, ಝೀನತ್ ಅಮನ್, ಸಿಮಿ ಗೇರ್‌ವಾಲ್, ಅಮಿತಾಬ್ ಬಚ್ಚನ್, ಜಯಾ ಬಚ್ಚನ್, ಅಭಿಷೇಕ್ ಬಚ್ಚನ್, ಐಶಷ್ವರ್ಯಾ ರೈ, ಅಮರ್ ಸಿಂಗ್, ಸಂಜಯ್ ದತ್, ಮಾನ್ಯತಾ, ಶಾರುಖ್ ಖಾನ್, ಗೌರಿ ಖಾನ್, ಹೃತಿಕ್ ರೋಷನ್, ಸುಸಾನೆ ಖಾನ್, ವಿದ್ಯಾ ಬಾಲನ್, ಮನೀಷಾ ಕೊಯಿರಾಲ್, ಸುಬ್ರತೋ ರಾಯ್, ಮಾಜಿ ಮುಖ್ಯಮಂತ್ರಿ ವಿಲಾಸ್ ರಾವ್ ದೇಶ್‌ಮುಖ್... ಹೀಗೆ ದಿಗ್ಗಜರೆಲ್ಲರೂ ಬಂದು ಫಿರೋಜ್ ಆತ್ಮಕ್ಕೆ ಚಿರಶಾಂತಿ ಕೋರಿದರು.
 | ||
|
ಈ ಶೋಕಕೂಟ ಫರ್ದೀನ್‌ರಂತೆ ನಟ ಧರ್ಮೇಂದ್ರರಿಗೂ ಅಷ್ಟೇ ಬೇಸರದ ಕೂಟ. ಕಾರಣ ಧರ್ಮೇಂದ್ರ ಫಿರೋಜ್ ಅವರ ಪರಮಾಪ್ತ ಗೆಳೆಯ. 1959ರಿಂದಲೇ ಧರ್ಮೇಂದ್ರ ಹಾಗೂ ಫಿರೋಜ್ ಪರಿಚಿತರು. ಹಾಗೂ ಪರಿಚಯದ ಮೊದಲ ದಿನದಿಂದಲೇ ಗೆಳೆತನದ ಬೆಸುಗೆ ಆರಂಭವಾಗಿತ್ತು. ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಧರ್ಮೇಂದ್ರ, ''ನನಗೆ ಫಿರೋಜ್ ಬೆಂಗಳೂರಿನಿಂದ ಮುಂಬೈಗೆ ಬಂದ ಆಱಂಭದದಿನಗಳಿಂದಲೂ ಉತ್ತಮ ಗೆಳೆಯ. ಅದ್ಹೇಗೋ ಫಿರೋಜ್‌ನ ಕಣ್ಣುಗಳು ನನಗೆ ಮೊದಲ ನೋಟದಲ್ಲೇ ಗೆಳೆತನದ ಬೆಸುಗೆ ನೀಡಿತು. ನಾನು ಅವರ ಬಳಿ ಹೋಗಿ ನನ್ನ ಗೆಳೆಯನಾಗುವೆಯಾ ಎಂದಾಗ, ಫಿರೋಜ್ ನನ್ನನ್ನು ಅಪ್ಪಿಕೊಂಡು, ಇಂದಿನಿಂದ ನಾವಿಬ್ಬರೂ ಜೀವನದುದ್ದಕ್ಕ ಜೀವದ ಗೆಳೆಯರು ಎಂದಿದ್ದರು'' ಎಂದು ಧರ್ಮೇಂದ್ರ ಹಳೆಯ ದಿನಗಳನ್ನು ನೆನಪಿಸಿಕೊಂಡು ಬಿಕ್ಕಿದರು.
 | ||
|
ನಟ ಸಂಜಯ್ ದತ್ ಕೂಡಾ ಫಿರೋಜ್ ಬಗ್ಗೆ ಎರಡು ಮಾತಾಡಿದರು. ''ನಾನು ನನ್ನ ಬಾಲಿವುಡ್ ಮೊದಲ ದಿನಗಳಿಂದಲೂ ನ್ನನ ಕೂದಲನ್ನು ಕೊಂಚ ಉದ್ದವಾಗಿ ಬೆಳೆಸುತಿದ್ದೆ. ಅಷ್ಟೇ ಅಲ್ಲ ಅರ್ಧ ಶರ್ಟ್ ಗುಂಡಿಗಳನ್ನು ಹಾಗೇ ಬಿಚ್ಚಿ ಇರುತ್ತಿದ್ದೆ. ನಾನು ಯಾಕೆ ಹಾಗೆ ಮಾಡುತ್ತಿದ್ದೆ ಎಂದರೆ, ಆ ಮೂಲಕವಾದರೂ ನಾನು ಫಿರೋಜ್‌ರಂತೆ ಕಾಣಿಸಲಿ ಎಂಬುದಕ್ಕೆ'' ಎಂದರು.
ಫಿರೋಜ್‌ರ ಮೊದಲ ದಿನಗಳ ನಾಯಕಿ ನಟಿ ಮುಮ್ತಾಜ್ ಕೂಡಾ ತಮ್ಮ ಫಿರೋಜ್ ಜತೆಗಿನ ಹಳೆಯ ದಿನಗಳನ್ನು ನೆನಪಿಸಿಕೊಂಡರು. ''ಜರ್ಮನಿಯಲ್ಲಿ ಅಪ್‌ರಾಧ್ ಚಿತ್ರದ ಶೂಟಿಂಗಿನಲ್ಲಿದ್ದೆ. ಬೆಲೆಬಾಳುವ ವಾಚ್ ಒಂದು ನನ್ನ ಕಣ್ಣಿಗೆ ಬಿತ್ತು. ಆಸೆಯಾಯಿತು. ಆದರೆ ಅಷ್ಟು ಬೆಲೆಯನ್ನು ತೆರುವಷ್ಟು ನನ್ನ ಬಳಿ ದುಡ್ಡಿರಲಿಲ್ಲ. ಆಗ ಫಿರೋಜ್ ನನ್ನ ಬಳಿ ಬಂದು 'ತೆಗೋ ಮಗು' ಎಂದು ಪ್ರೀತಿಯಿಂದ ಹೇಳಿದರು. ಅವರು ಆ ವಾಚನ್ನು ನನಗೆ ಗಿಫ್ಟ್ ಆಗಿ ನೀಡಿದರು'' ಎಂದರು. ಈಗ ಮುಮ್ತಾಜ್ ಮಗಳು ನತಾಶಾ ಫರ್ದೀನ್ ಖಾನ್ ಹೆಂಡತಿ. ಅರ್ಥಾತ್ ಫಿರೋಜ್ ಖಾನ್ ಸೊಸೆ.
ಮುಮ್ತಾಜ್ ಕೊನೆಗೆ ಹೇಳಿದ್ದು ಹೀಗೆ. ''ರಕ್ಷಿತಾರಣ್ಯದಲ್ಲಿ ಸಫಾರಿ ಹೋಗಿ ಅಲ್ಲಿ ಸಿಂಹವನ್ನು ನೋಡದೆ ವಾಪಸ್ಸು ಬಂದು ಬಿಟ್ಟರೆ ಅದು ಉತ್ತಮ ಸಫಾರಿ ಎನಿಸುವುದಿಲ್ಲ. ಹಾಗೆಯೇ ಸಿಂಹವಿಲ್ಲದ ಸಫಾರಿಯಂತೆ ಫಿರೋಜ್ ಇಲ್ಲದ ಬಾಲಿವುಡ್'' ಎಂದು ಮುಮ್ತಾಜ್ ಭಾವನಾತ್ಮಕವಾಗಿ ನುಡಿದರು.
 | ||
|