ಕೇರಾಫ್ ಆಫ್ ಫುಟ್ ಪಾತ್ ಚಿತ್ರದ ಮೂಲಕ ಹಲವು ದಾಖಲೆಗಳನ್ನು ಬರೆದ ಮಾಸ್ಟರ್ ಕಿಶನ್ ಈಗ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾನೆ. ಈ ಬಾರಿ ದಾಖಲೆ ಮಾಡುವ ಸರದಿ ಕಿಶನ್ ಕುಟುಂಬದ್ದಾಗಿದೆ.
ವಿಷಯ ಏನಪ್ಪಾ ಅಂದರೆ, ಕಿಶನ್ ತಂದೆ ಶ್ರೀಕಾಂತ್ ಇದೀಗ ಚಿತ್ರವೊಂದನ್ನು ನಿರ್ದೇಶಿಸಲಿದ್ದಾರೆ. ಈ ಮೊದಲು ತಾಯಿ ಶೈಲಜಾ ಶ್ರೀಕಾಂತ್ ‘ನೀನಿಲ್ಲದೆ ನಾನಿಲ್ಲ ಕಣೋ’ ಎಂಬ ಚಿತ್ರವನ್ನು ನಿರ್ದೇಶಿಸಿದ್ದರು. ಅಪ್ಪ ,ಅಮ್ಮ ಮತ್ತು ಮಗ ಈ ಮೂವರೂ ನಿರ್ದೇಶಕರಾಗುವ ಮೂಲಕ ಮತ್ತೊಂದು ದಾಖಲೆಯತ್ತ ದಾಪುಗಾಲಿಡುತ್ತಿದ್ದಾರೆ.
ಅಂದಹಾಗೆ ಶ್ರೀಕಾಂತ್ ನಿರ್ದೇಶನದ ನೂತನ ಚಿತ್ರದಲ್ಲಿ ಕಿಶನ್ ನಟಿಸುತ್ತಿದ್ದಾರೆ. ಚಿತ್ರವನ್ನು ಶೈಲಜಾ ಶ್ರೀಕಾಂತ್ ನಿರ್ಮಿಸುತ್ತಿದ್ದಾರೆ.