ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ರಾಕ್‌ಲೈನ್‌ರ ರಿಮೇಕ್- ಸ್ವಮೇಕ್! (Rockline Venkatesh | Remake | Manasare | Yogaraj Bhat)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ರಾಕ್‌ಲೈನ್‌ರ ರಿಮೇಕ್- ಸ್ವಮೇಕ್! (Rockline Venkatesh | Remake | Manasare | Yogaraj Bhat)
Feedback
Print
ರಾಕ್‌ಲೈನ್‌ರ ರಿಮೇಕ್- ಸ್ವಮೇಕ್! 
 | ||
|
ಏನೇ ಇರಲಿ. ಮೊನ್ನೆ ಮೊನ್ನೆ ಶುದ್ಧ ಸ್ವಮೇಕ್ ಚಿತ್ರವಾದ ಯೋಗರಾಜ ಭಟ್ಟರ ಮನಸಾರೆಯ ಪತ್ರಿಕಾಗೋಷ್ಠಿಯಲ್ಲಿ ನಿರ್ಮಾಪಕ ರಾಕ್ಲೈನ್ ಹೇಳಿದ್ದು ಇದನ್ನೇ. ಹಲವಾರು ಬಾರಿ ನಿರ್ದೇಶಕರು ಕಥೆ ಹಿಡಿದು ನನ್ನ ಬಳಿ ಬರುವಾಗ ಇದು ಅದರಿಂದ ಸ್ಪೂರ್ತಿ ಪಡೆದದ್ದು ಎಂದೆಲ್ಲ ಬೇರೆ ಚಿತ್ರಗಳನ್ನು ಉದಾಹರಿಸುತ್ತಾರೆ. ಎಷ್ಟೋ ಸಲ ನಾಯಕ, ನಾಯಕಿ ಸೇರಿದಂತೆ ಎಲ್ಲ ತಂತ್ರಜ್ಞರು ಎಲ್ಲರೂ ಸಿದ್ಧವಾಗಿದ್ದರೂ ಕೊನೆಗೆ ಚಿತ್ರದ ಕತೆಯೇ ಅಂತಿಮವಾಗಿರುವುದಿಲ್ಲ. ಇಂತಹ ಸಂದರ್ಭದಲ್ಲಿ ಸ್ವಮೇಕ್ ಸಹವಾಸ ಯಾಕೆ ಎಂದುಕೊಂಡು ಸ್ಪೂರ್ತಿ ಪಡೆದ ಚಿತ್ರದ ಯಥಾವತ್ ರೀಮೇಕ್ ಚಿತ್ರವನ್ನು ಬಳಸಿಕೊಳ್ಳಬೇಕಾದ ಅನಿವಾರ್ಯತೆ ಬರುತ್ತದೆ ಎನ್ನುತ್ತಾರೆ ರಾಕ್ಲೈನ್.
ಆದರೆ, ಇವರು ಯೋಗರಾಜ ಭಟ್ಟರ ಮನಸಾರೆ ಬಗ್ಗೆ ಸಂಪೂರ್ಣ ದಿಲ್ ಖುಷ್ ಆಗಿದ್ದಾರೆ. ಕಾರಣ ಭಟ್ಟರ ಮೊದಲೇ ಸಿದ್ಧವಾದ ಚಿತ್ರದ ಕಥೆ. ಪರಿಪಕ್ವ ನಿರ್ದೇಶನ, ಪೂರ್ವ ತಯಾರಿ. ರಾಕ್ಲೈನ್ ಹೇಳುವಂತೆ, ಭಟ್ಟರು ಒಬ್ಬ ಉತ್ತಮ ನಿರ್ದೇಶಕರು. ಈವರೆಗೆ ನಾನು ಕಂಡ ನಿರ್ದೇಶಕರಲ್ಲಿ ಭಟ್ಟರು ನನಗೆ ಅಚ್ಚರಿ ಮೂಡಿಸಿದ್ದಾರೆ. ಚಿತ್ರತಂಡ ಆಯ್ಕೆಯ ಮೊದಲೇ ಸಂಪೂರ್ಣ ಕಥೆಯನ್ನು ಕೈಯಲ್ಲಿ ಹಿಡಿದು ಕೂತಿದ್ದರು ಅವರು. ಮನಸಾರೆ ಅದ್ಭುತವಾಗಿ ಮೂಡಿ ಬಂದಿದೆ. ಹಾಡುಗಳಂತೂ ಫೆಂಟಾಸ್ಟಿಕ್. ಇದು ಈ ವರ್ಷದ ಹಿಟ್ ಚಿತ್ರವಾಗಿ ಹೊರಹೊಮ್ಮಿದರೆ ಆಶ್ಚರ್ಯವಿಲ್ಲ ಎಂದು ವಿವರಿಸಿದ್ದೇ ವಿವರಿಸಿದ್ದು. ಇವರ ನಿರ್ಮಾಣದ ರೀಮೇಕ್ ಚಿತ್ರ ದೇವ್ರು ಇನ್ನು ಚಿತ್ರೀಕರಣ ಪೂರ್ಣಗೊಂಡಿಲ್ಲ.