ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಈಕೆಯೀಗ 'ಬೇಬಿ'ಯಲ್ಲ. ಆದರೆ ಅದೇ ಶ್ಯಾಮಿಲಿ! (Shamilee | Ajith | Shalini | Bhairavi | Shambhavi)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಈಕೆಯೀಗ 'ಬೇಬಿ'ಯಲ್ಲ. ಆದರೆ ಅದೇ ಶ್ಯಾಮಿಲಿ! (Shamilee | Ajith | Shalini | Bhairavi | Shambhavi)
Feedback
Print
ಈಕೆಯೀಗ 'ಬೇಬಿ'ಯಲ್ಲ. ಆದರೆ ಅದೇ ಶ್ಯಾಮಿಲಿ! 
WD
ಯಾರಿವಳು? ಅಂತ ಈಗಲಾದರೂ ಅರ್ಥವಾಗಿರಬಹುದು. ಹೌದು. ಈಕೆ ಅದೇ ಬೇಬಿ ಶ್ಯಾಮಿಲಿ. 90ರ ದಶಕದಲ್ಲಿ ಮತ್ತೆ ಹಾಡಿತು ಕೋಗಿಲೆ, ಭೈರವಿ, ಶಾಂಭವಿ, ಶ್ವೇತಾಗ್ನಿ, ಕರಳಿನ ಕುಡಿ, ಹೂವು ಹಣ್ಣು... ಹೀಗೆ ಹತ್ತು ಹಲವು ಚಿತ್ರಗಳಲ್ಲಿ ನಟಿಸಿ ಮನೆಮಾತಾದ ಪುಟ್ಟ ಹುಡುಗಿ. ಆದರೆ ಈಗ ಈಕೆ ಬೇಬಿಯಲ್ಲ. ಕೇವಲ ತನ್ನ ನಾಲ್ಕನೇ ವಯಸ್ಸಿನಲ್ಲೇ ಮಣಿರತ್ನಂ ಅವರ ಅಂಜಲಿ ಚಿತ್ರದಲ್ಲಿ ಪ್ರೇಕ್ಷಕರಲ್ಲಿ ಕಣ್ಣೀರಧಾರೆಯೇ ಹರಿಯುವಷ್ಟು ಮನೋಜ್ಞವಾಗಿ ನಟಿಸಿ ಮನೆಮಾತಾದ ಬೇಬಿ ಶ್ಯಾಮಿಲಿ ಮತ್ತೆ ಕನ್ನಡ, ತಮಿಳು ತೆಲುಗು, ಮಲಯಾಳಂಗಳಲ್ಲಿ ಹಲವು ಚಿತ್ರಗಳಲ್ಲಿ ನಟಿಸಿ ಮನೆಮಗಳೇ ಆದಳು. ಈಗ ಮತ್ತೆ ಪೂರ್ಣ ಪ್ರಮಾಣದ ನಾಯಕಿಯಾಗಿ ಚಿತ್ರರಂಗದಲ್ಲಿ ನೆಲೆಯೂರುವ ಎಲ್ಲ ಲಕ್ಷಣಗಳೂ ಕಾಣುತ್ತಿವೆ.
ಇತ್ತೀಚೆಗಷ್ಟೇ ಬಿಡುಗಡೆ ಕಂಡ ತೆಲುಗು ಚಿತ್ರ ಓಯ್ ಬಗ್ಗೆ ಪ್ರೇಕ್ಷಕರವರ್ಗದಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಶ್ಯಾಮಿಲಿ ಅಭಿನಯದ ಬಗ್ಗೆಯೂ. ಅಷ್ಟೇ ಅಲ್ಲ. ಚಿತ್ರದ ಹಾಡುಗಳೂ ಈಗ ಎಲ್ಲೆಡೆ ತನ್ನ ಝೇಂಕಾರ ಮೊಳಗಿಸುತ್ತಿದೆ. ಹೀಗಾಗಿ ಸದ್ಯ ಶ್ಯಾಮಿಲಿ ದಿಲ್ ಖುಷ್.
WD
ನಾಲ್ಕರ ಹರೆಯದಿಂದಲೇ ಕ್ಯಾಮರಾ ಎದುರಿಸಿದ ಅನುಭವ ಹೊಂದಿದ ನಿಮಗೆ ಕ್ಯಾಮರಾ ಎದುರಿಸೋದು ದೊಡ್ಡ ವಿಷಯವೇ ಆಗಿರಲಿಕ್ಕಿಲ್ಲ ಎಂದರೆ, ಶ್ಯಾಮಿಲಿ ಇಲ್ಲಪ್ಪ ಎನ್ನುತ್ತಾ ಹುಬ್ಬೇರಿಸುತ್ತಾಳೆ. ಈಗ ಆಕೆ ನೀಡುವ ವಿವರಣೆಯೇ ಬೇರೆ. ಬಾಲನಟಿಯಾಗಿ ಹಲವು ವರ್ಷಗಳಿಂದ ಚಿತ್ರರಂಗವನ್ನು ನೋಡಿದ್ದೇನೆ ನಿಜ. ಆದರೆ, ಕ್ಯಾಮರಾ ಎದುರಿಸದೆ ಹೆಚ್ಚುಕಡಿಮೆ ದಶಕವೇ ಕಳೆದಿದೆ. ಇದರಿಂದ ನನಗೆ ಕ್ಯಾಮರಾ ಎದುರಿಸುವುದು ಹೊಸ ಅನುಭವದಂತೆ ಭಾಸವಾಯಿತು ಎನ್ನುತ್ತಾಳೆ.
WD
ಅದೆಲ್ಲಾ ಹಾಗಿರಲಿ. ತಮಿಳಿನಿಂದಲೇ ಬಾಲನಟಿಯಾಗಿ ಪ್ರಸಿದ್ಧಿಯ ಉತ್ತುಂಗಕ್ಕೇರಿದ ಶ್ಯಾಮಿಲಿಗೆ ತಮಿಳು ಚಿತ್ರರಂಗದಲ್ಲಿ ಭಾರೀ ಅಭಿಮಾನಿ ಬಳಗ ಹೊಂದಿದ್ದರೂ, ತೆಲುಗಿಗೆ ವಲಸೆ ಹೋಗೋ ಅನಿವಾರ್ಯತೆ ಏಕಿತ್ತು ಎಂದರೆ ಶ್ಯಾಮಿಲಿ, ತೆಲುಗಿನಿಂದಲೇ ಮತ್ತೊಂದು ಇನ್ನಿಂಗ್ಸ್ ಆರಂಭಿಸುವ ಉಮೇದು ಇರಲಿಲ್ಲ. ಕಾಲೇಜು ದಿನಗಳಲ್ಲೇ ನನಗೆ ಚಿತ್ರರಂಗದಿಂದ ಹಲವು ಅವಕಾಶಗಳು ಬಂದಿದ್ದವು. ಆದರೆ ಆಗ ನಾನು ಕೇವಲ ನನ್ನ ಓದಿಗೆ ಗಮನ ಕೊಟ್ಟೆ. ಅದೇ ಸಂದರ್ಭ ಓಯ್‌ನಲ್ಲಿ ಅವಕಾಶ ಬಂತು. ಚಿತ್ರದ ಕಥೆ ಚೆನ್ನಾಗಿದೆ ಅನಿಸಿತು. ಹಾಗಾಗಿ ಒಪ್ಪಿಕೊಂಡೆ ಅಷ್ಟೆ ಎನ್ನುತ್ತಾಳೆ.
ಒಂದು ಕಾಲದಲ್ಲಿ ಪ್ರಸಿದ್ಧಿಯ ಉತ್ತುಂಗಕ್ಕೇರಿದ ಈ ಶಾಮಿಲಿ ಬೇಬಿಗೆ ಮನೆಯಲ್ಲೇ ಚಿತ್ರರಂಗದ ವಾತಾವರಣವಿದ್ದರೂ, ತಾನು ಸ್ಪರ್ಧೆಯಿಂದ ಮಾತ್ರ ದೂರ ಎನ್ನುತ್ತಾಳೆ. ಉತ್ತಮ ಅವಕಾಶ ಬಂದರೆ ನಟಿಸುತ್ತೇನೆ. ನಂಬರ್‍ ಗೇಮ್ ನನಗೆ ಬೇಡ. ನನಗೆ ನನ್ನದೇ ಆದ ವ್ಯಕ್ತಿತ್ವವಿದೆ. ಅದನ್ನು ಬಿಟ್ಟು ಕ್ಷುಲ್ಲಕವಾಗಲು ನನಗೆ ಇಷ್ಟವಿಲ್ಲ ಎಂದು ಖಡಕ್ ಆಗಿಯೂ ಮಾತಾಡುತ್ತಾಳೆ.
WD
ಹಾಗಾದರೆ ಇತ್ತೀಚೆಗಷ್ಟೇ ಶ್ಯಾಮಿಲಿ ತನ್ನ ಅಕ್ಕ ಶಾಲಿನಿಯ ಗಂಡ, ನಟ ಅಜಿತ್ ಜತೆಗೆ ತಮಿಳಿನಲ್ಲಿ ನಟಿಸಲು ಅವಕಾಶ ಬಂದರೆ ಒಪ್ಪುತ್ತೀರಾ ಎಂದರೆ, ಅಯ್ಯೋ ಇಲ್ಲಪ್ಪ. ಅಜಿತ್ ಜತೆಗೆ ನಾನು ನಟಿಸಲು ಸಾಧ್ಯವೇ ಇಲ್ಲ. ಅಜಿತ್ ನನಗೆ ಅಣ್ಣನಿದ್ದಂತೆ. ಆತನಿಗೂ ನಾನೊಬ್ಬ ಪುಟ್ಟ ತಂಗಿಯಿದ್ದಂತೆ. ಆತನ ಜತೆಗೆ ಸಿನಿಮಾದಲ್ಲಿ ಮರ ಸುತ್ತೋದಾ..? ಸಾಧ್ಯವೇ ಇಲ್ಲ. ಅಜಿತ್ ಜತೆಗೆ ಚಿತ್ರದಲ್ಲಿ ನಟಿಸೋದು ಎಂದಿಗೂ ಸಾಧ್ಯವಾಗದ ಮಾತು. ಅಜಿತ್‌ಗೂ ಇದು ಇಷ್ಟವಿಲ್ಲ ಎನ್ನುತ್ತಾಳೆ.
ಹಾಗಾದರೆ, ವಿಜಯ್ ಜತೆಗೆ ಯಾವುದೋ ಚಿತ್ರದಲ್ಲಿ ನಟಿಸುತ್ತಿದ್ದೀರಿ ಎಂಬ ಸುದ್ದಿಯಿದೆಯಲ್ಲ ಎಂದರೆ, ಇದು ಸುಳ್ಳು ಸುದ್ದಿ. ಸದ್ಯದವರೆಗೆ ವಿಜಯ್ ಜತೆಗೆ ಯಾವುದೇ ಚಿತ್ರಕ್ಕೂ ಸಹಿ ಮಾಡಿಲ್ಲ ಎನ್ನುತ್ತಾಳೆ ಶ್ಯಾಮಿಲಿ.
WD
ಸದ್ಯಕ್ಕೆ ಶ್ಯಾಮಿಲಿಗೆ ತಮಿಳಿನಿಂದ ಸಾಕಷ್ಟು ಅವಕಾಶ ಬರುತ್ತಿದೆ. ಮಳಯಾಳಂನಿಂದಲೂ ಅವಕಾಶಗಳಿಗೇನೂ ಕಡಿಮೆಯಿಲ್ಲ. ಆದರೆ ಕರ್ನಾಟಕದಲ್ಲೂ ಅಪಾರ ಅಭಿಮಾನಿಗಳನ್ನು ಹೊಂದಿರುವ ಶ್ಯಾಮಿಲಿಗೆ ಕನ್ನಡದಲ್ಲಿ ನಟಿಸಲು ಮಾತ್ರ ಅವಕಾಶ ಇನ್ನೂ ಬಂದಿಲ್ಲ. ಈಕೆಯನ್ನು ಯಾರು ಕನ್ನಡಕ್ಕೆ ಕರೆತರುತ್ತಾರೋ ನೋಡಬೇಕು.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಬೇಬಿ ಶ್ಯಾಮಿಲಿ, ಓಯ್, ಭೈರವಿ, ಶಾಂಭವಿ, ಮತ್ತೆ ಹಾಡಿತು ಕೋಗಿಲೆ, ಶಾಲಿನಿ, ಅಜಿತ್