ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಜಗ್ಗೇಶ್ ಬಿಟ್ಟು ಕೋಮಲ್ ಕೈಹಿಡಿದ ಗುರು! (Jagesh | Komal | Guruprasad | Eddelu Manjunatha)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಜಗ್ಗೇಶ್ ಬಿಟ್ಟು ಕೋಮಲ್ ಕೈಹಿಡಿದ ಗುರು! (Jagesh | Komal | Guruprasad | Eddelu Manjunatha)
Feedback
Print
ಜಗ್ಗೇಶ್ ಬಿಟ್ಟು ಕೋಮಲ್ ಕೈಹಿಡಿದ ಗುರು! 
MOKSHA
ಈಗ ಗುರುಪ್ರಸಾದ್‌ಗೆ ಸಿಕ್ಕವರು ಇನ್ಯಾರೂ ಅಲ್ಲ. ಸಾಕ್ಷಾತ್ ಜಗ್ಗೇಶರ ತಮ್ಮ ಕೋಮಲ್! ಅಣ್ಣ ಹೋದರೆ ಹೋಗಲಿ, ಅಣ್ಣನಂತಿರುವ ಇನ್ನೊಬ್ಬ ತಮ್ಮನಿದ್ದಾನಲ್ಲ ಎಂದು ಗುರುಪ್ರಸಾದ್ ತಮ್ಮ ಇನ್ನೊಂದು ಚಿತ್ರಕ್ಕೆ ಅಣಿಯಾಗುತ್ತಿದ್ದಾರಂತೆ. ಸಿನಿಮಾ ಯಾವುದು, ಯಾವಾಗ ಆಸೆಟ್ಟೇರುತ್ತದೆ ಎಂಬೆಲ್ಲಾ ವಿಷಯಗಳು ಇನ್ನೂ ಗೌಪ್ಯ. ಚಿತ್ರದ ಬಗ್ಗೆ ಎಲ್ಲಾ ವಿವರಗಳನ್ನು ನಿರ್ಮಾಪಕರು ಸದ್ಯದಲ್ಲೇ ಹೊರಹಾಕಲಿದ್ದಾರಂತೆ.
ಒಟ್ಟಾರೆ, ಇವರಿಬ್ಬರ ಹಾವು-ಮುಂಗುಸಿ ಜಗಳದಿಂದ ಚಿತ್ರರಂಗ ಒಂದು ಉತ್ತಮ ಜೋಡಿಯನ್ನು ಕಳೆದುಕೊಂಡಿದ್ದು ಸುಳ್ಳಲ್ಲ ಎಂದು ಹಲವರು ಮಾತನಾಡುವ ಹೊತ್ತಿಗೆ ಗುರುಪ್ರಸಾದ್ ಹೊಸ ದಾರಿ ಹುಡುಕಿದ್ದು ಎಷ್ಟರ ಮಟ್ಟಿಗೆ ಸಕ್ಸಸ್ಸು ಆಗುತ್ತೆ ನೋಡಬೇಕು. ಅತ್ತ ಜಗ್ಗೇಶ್ ಕೂಡಾ ಗುರುಗೆ ಠೂ ಬಿಟ್ಟು ನನಗೆ ಗಾಂಧಿನಗರದ ಹಲವು ಕೆರೆಗಳ ನೀರು ಕುಡಿದು ಗೊತ್ತು ಎನ್ನುತ್ತಾ ನಿರ್ದೇಶನಕ್ಕೆ ಹೊರಟು ಸಫಲರಾಗುತ್ತಾರೋ ಎಂಬುದಕ್ಕೆ ಕಾಯಬೇಕು. ಆದರೆ ಇತ್ತ ಜಗ್ಗೇಶ್ ತಮ್ಮ ಕೋಮಲ್ ಮಾಡಿದ ಯಾವುದೇ ಚಿತ್ರ ಮಿ.ಗರಗಸ ಹೊರತುಪಡಿಸಿ ಅಂಥ ಯಶಸ್ಸು ಕಂಡಿಲ್ಲವಾದರೂ ಹಾಕಿದ ದುಡ್ಡಿಗೆ ಕೋಮಲ್ ಎಂದೂ ಮೋಸ ಮಾಡಿಲ್ಲ ಎಂಬುದನ್ನಂತೂ ಗುರುಪ್ರಸಾದ್ ಚೆನ್ನಾಗಿ ಅರ್ಥಮಾಡಿಕೊಂಡಿರಬೇಕು. ಹೊಸ ಜೋಡಿಗಾಗಿ ಕಾಯಬೇಕು.