ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮತ್ತೆ ಟಿವಿಯಲ್ಲಿ 'ಕಾಮಿಡಿ ಟೈಮ್' ಮಾಡಲಿರುವ ಗಣೇಶ್! (Ganesh | Comedy Time | Udaya TV | Golden Star | Mungaru Male)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮತ್ತೆ ಟಿವಿಯಲ್ಲಿ 'ಕಾಮಿಡಿ ಟೈಮ್' ಮಾಡಲಿರುವ ಗಣೇಶ್! (Ganesh | Comedy Time | Udaya TV | Golden Star | Mungaru Male)
Feedback
Printಮತ್ತೆ ಟಿವಿಯಲ್ಲಿ 'ಕಾಮಿಡಿ ಟೈಮ್' ಮಾಡಲಿರುವ ಗಣೇಶ್! 
MOKSHA
ಹೌದು. ಕಾಮಿಡಿ ಟೈಂನ ಎರಡನೇ ಇನ್ನಿಂಗ್ಸ್ ಆರಂಭಿಸಲು ಗಣೇಶ್ ಸಿದ್ಧರಾಗಿದ್ದಾರೆ. ಆದರೆ ಈ ಕಾಮಿಡಿ ಟೈಂ ನೂರಾರು ಕಂತುಗಳಲ್ಲಿ ಮುಗಿಯದ ಸರಣಿಯಾಗಿ ಬರೋದಿಲ್ಲ. ಕೇವಲ ಐದು ಕಂತುಗಳಲ್ಲಿ ಪ್ರಸಾರವಾಗಲಿರುವ ಈ ವಿಶೇಷ ಕಾರ್ಯಕ್ರಮ ಡಿಸೆಂಬರ್ ಮೊದಲ ವಾರದಿಂದ ಉದಯ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.
ಮತ್ತೆ ಅಭಿಮಾನಿಗಳ ಜತೆ ಮಾತನಾಡುತ್ತಿರುವುದು ನನಗೆ ಖುಷಿ ಕೊಟ್ಟಿದೆ. ಈಗಾಗಲೇ ಈ ಕುರಿತು ಅಭಿಮಾನಿ ನೋಡುಗರಿಂದ ಪತ್ರಗಳ ಸುರಿಮಳೆಯೇ ಬಂದಿದೆ ಎನ್ನುತ್ತಾರೆ ಗಣೇಶ್.
ಗಣೇಶ್ ಖ್ಯಾತಿಯ ಉತ್ತುಂಗಕ್ಕೇರಿದರೂ, ಪ್ರತಿ ಬಾರಿಯೂ ಅಭಿಮಾನಿಗಳು ಅವರ್ನನು ಕೇಳುತ್ತಿದ್ದುದು ಒಂದೇ ಪ್ರಶ್ನೆ. ಮತ್ತೆ ಕಾಮಿಡಿ ಟೈಂ ಮತ್ತೆ ಯಾಕೆ ಮಾಡಬಾರದು? ಎಂಬುದು ಗಣೇಶ್ ಅಭಿಮಾನಿಗಳ ಆತ್ಮೀಯ ಕೋರಿಕೆಯ ಪ್ರಶ್ನೆಯಾಗಿತ್ತು. ಅದಕ್ಕಾಗಿ ಗಣೇಶ್ ಮತ್ತೆ ಕಾಮಿಡಿ ಟೈಂ ಕಿರೀಟ ತೊಟ್ಟಿದ್ದಾರೆ. ಆದರೆ ಈ ಬಾರಿ ಮಾತ್ರ ಕಾಮಿಡಿ ಟೈಂ ಕಾರ್ಯಕ್ರಮವನ್ನು ಅವರು ಸ್ವಲ್ಪ ವಿಭಿನ್ನವಾಗಿ ಮಾಡಲಿದ್ದಾರಂತೆ. ಹಾಗೆನ್ನುವ ಮೂಲಕ ಅಭಿಮಾನಿಗಳ ಕುತೂಹಲದ ಟೆಂಪರೇಚರ್ರನ್ನೂ ಏರಿಸಿದ್ದಾರೆ.
ಒಟ್ಟಾರೆ ಕೆಲವು ವರ್ಷಗಳಿಂದ ಕಿರುತೆರೆಯಿಂದ ಮಾಯವೇ ಆಗಿದ್ದ ಗೋಲ್ಡನ್ ಸ್ಟಾರ್ ಗಣೇಶನ ಕಾಮಿಡಿಯನ್ನು ಪ್ರೇಕ್ಷಕರು ಹೇಗೆ ಸ್ವೀಕರಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕು.