ಹಿಂದಿಯ ಖ್ಯಾತ ನಟ ನಾನಾ ಪಾಟೇಕರ್ ಕನ್ನಡದ 'ಯಕ್ಷ' ಚಿತ್ರದಲ್ಲಿ ನಟಿಸುತ್ತಿರುವುದು ಹಳೇ ಸುದ್ದಿ. ನಾಯಕನಾಗಿ ಯೋಗಿ ಮತ್ತು ನಾಯಕಿಯಾಗಿ ದೆಹಲಿಯ ನಟಿ ರೂಬಿ ಕಾಣಿಸಿಕೊಳ್ಳಲಿರುವ ಈ ಚಿತ್ರದ ಶೂಟಿಂಗ್ ಕಿತ್ತೂರು ಕೋಟೆಯಲ್ಲಿ ಭರದಿಂದ ಸಾಗಿದೆ.
ಬೆಳಗಾವಿ ಜಿಲ್ಲೆಯ ಐತಿಹಾಸಿಕ ಕಿತ್ತೂರು ಚೆನ್ನಮ್ಮ ಕೋಟೆಯ ಸನ್ನಿವೇಶದಲ್ಲಿ ಪಾಟೇಕರ್, ಸಹನಟರೊಂದಿಗೆ ಫೈಟ್ ಮಾಡುವ ದೃಶ್ಯಗಳನ್ನು ಸೆರೆಹಿಡಿಯಲಾಯಿತು.
ಬರಿಯ ಕೋಮು ಗಲಭೆಗಳಿಗೆ ಸಂಬಂಧಪಟ್ಟ ಚಿತ್ರಗಳಲ್ಲಿ ನಟಿಸಿ ಬೇಸರವಾಗಿದೆ. ಇನ್ನು ಮುಂದೆ ಉತ್ತಮ ಕತೆಗಳಿರುವ ಚಿತ್ರಗಳಲ್ಲಿ ನಟಿಸಬೇಕೆಂದು ತೀರ್ಮಾನಿಸಿರುವೆ ಎಂದು ನಾನಾ ಪಾಟೇಕರ್ ಶೂಟಿಂಗ್ ಬಿಡುವಿನಲ್ಲಿ ಹೇಳಿಕೊಳ್ಳುತ್ತಾರೆ.