ಸ್ವಾಮೀಯೇ ಶರಣಂ ಅಯ್ಯಪ್ಪ ಎಂದು ರಾಜಕುಮಾರ್ ಕುಟುಂಬದ ಸದಸ್ಯರು ಹೇಳುತ್ತಿದ್ದಾರೆ. ಹೌದು. ಇದೀಗ ರಾಜ್ ಕುಮಾರ್ ಕುಟುಂಬದ ಸದಸ್ಯರು ಅಯ್ಯಪ್ಪನ ದರ್ಶನಕ್ಕೆ ಹೊರಟು ನಿಂತಿದ್ದಾರೆ. ಈಗಾಗಲೇ ರಾಜು ಕುಟುಂಬ ವರ್ಗವಿಡೀ ಅಯ್ಯಪ್ಪ ದರ್ಶನದ ಹಿನ್ನೆಲೆಯಲ್ಲಿ ನಡೆದ ಸಾಂಪ್ರದಾಯಿಕ ಪೂಜಾ ಸಮಾರಂಭದಲ್ಲಿ ಭಾಗವಹಿಸಿ ಪ್ರಯಾಣ ಆರಂಭಿಸಿದ್ದಾರೆ.
ನಟ ಶಿವರಾಂ ಜೊತೆಯಲ್ಲಿ ನಮ್ಮ ಅಪ್ಪು ಅಲಿಯಾಸ್ ಪುನೀತ್ ಸೇರಿದಂತೆ 40 ಮಂದಿ ಗೆಳೆಯರು ಅಯ್ಯಪ್ಪನ ದರ್ಶನಕ್ಕೆ ಹೊರಟಿದ್ದೇವೆ ಎಂದು ವಿವರ ನೀಡುತ್ತಾರೆ ಶಿವರಾಜ್ ಕುಮಾರ್.
ಇವರ ಜೊತೆಗೆ ರಾಘವೇಂದ್ರ ರಾಜ್ ಕುಮಾರ್, ಅವರ ಮಕ್ಕಳು, ಗೋವಿಂದರಾಜ್ ಅವರ ಮಕ್ಕಳು, ನಿರ್ಮಾಪಕರಾದ ಕುಮಾರ್, ವೆಂಕಟೇಶ್, ನಿರ್ದೇಶಕ ರಘುರಾಂ ಸೇರಿದಂತೆ ಹಲವು ಸ್ನೇಹಿತರು ಜೊತೆಯಾಗಿ ಹೊರಟಿದ್ದಾರಂತೆ. ಪ್ರಯಾಣ ಶುಭವಾಗಲಿ ಎಂದು ಹಾರೈಸೋಣ.