ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಸಾಧು ಕೋಕಿಲಾರ ಸ್ವಾಮೀಜಿ ನಿತ್ಯಾನಂದ ಕನೆಕ್ಷನ್! (Sadhu Kokila | Nithyanda Swamy | Swamiji | Sex Scandal | Kannada Cinema)
ಸುದ್ದಿ/ಗಾಸಿಪ್
Bookmark and Share Feedback Print
 
ಸಾಧು ಕೋಕಿಲಾರ ಸ್ವಾಮೀಜಿ ನಿತ್ಯಾನಂದ ಕನೆಕ್ಷನ್!  
 
MOKSHA
ಸ್ವಾಮಿ ನಿತ್ಯಾನಂದ ಅರ್ಥಾತ್ ಕಾಮಿಸ್ವಾಮಿ ಹೆಸರು ಕೇಳಿದರೆ ಎಲ್ಲರೂ ಮಾರು ದೂರ ಜಿಗಿಯುತ್ತಿರುವಾಗ ನಮ್ಮ ಸಾಧು ಕೋಕಿಲ ಮಾತ್ರ ಇನ್ನು ಹತ್ತಿರ ಹತ್ತಿರ ಅನ್ನುತ್ತಿದ್ದಾರಂತೆ. ಸಾಧು ಕೋಕಿಲಾಗೆ ಏನು ಬಂದು ಗಂಡಾಂತರ, ಹೋಗಿ ಹೋಗಿ ಕಾಮಿಸ್ವಾಮಿ ನೋಡಲು ತವಕಿಸುತ್ತಿದ್ದಾರೆ ಅಂತ ಜನ ಮೂಗು ಮುರಿಯುತ್ತಿದ್ದರೆ, ಸಾಧು ಮಾತ್ರ ಹೇಗಾದರೂ ಮಾಡಿ ಕಾಮಿಸ್ವಾಮಿಯನ್ನು ಕಾಣುವ ತವಕ ವ್ಯಕ್ತಪಡಿಸುತ್ತಿದ್ದಾರೆ.

ಅಯ್ಯೋ ಇದೇನು ಸ್ವಾಮಿಯ ಪಾದ ತೊಳೆದು ಪೂಜೆ ಸಲ್ಲಿಸಲಿಕ್ಕಲ್ಲ. ಆತನ ಗುಣಾವಗುಣ, ನಡವಳಿಗೆ, ಹಾವ ಭಾವ ತಿಳಿದುಕೊಳ್ಳಲು ಅಷ್ಟೆ. ಬಾಲಿವುಡ್ಡಿನಲ್ಲಿ ಈಗಾಗಲೇ ರಾಮ್ ಗೋಪಾಲ್ ವರ್ಮಾ ನಿತ್ಯಾನಂದನ ಬಗ್ಗೆ ಸಿನಿಮಾ ಮಾಡಲು ಹೊರಟಿರೋದು ಗೊತ್ತೇ ಇದೆ. ಅದೇ ರೀತಿ ನಮ್ಮ ಸ್ಯಾಂಡಲ್ ವುಡ್‌ನಲ್ಲಿ ಕಾಮಿಸ್ವಾಮಿಯನ್ನು ತರಲು ಸಾಧು ಯತ್ನಿಸುತ್ತಿದ್ದಾರೆ.

MOKSHA
ನಂಬಿದರೆ ನಂಬಿ ಬಿಟ್ಟರೆ ಬಿಡಿ, ಸಾಧು ಪಾಲಿಗೆ ಇದೊಂದು ಸವಾಲಿನ ಸಂಗತಿ ಮಾತ್ರವಲ್ಲ, ಸತ್ವ ಪರೀಕ್ಷೆಯೂ ಹೌದಂತೆ. ಏಕೆಂದರೆ ಸಾಧು ಕೋಕಿಲಾ ಕಾಮಿಸ್ವಾಮಿ ಚಿತ್ರದ ಮೂಲಕ ನಿರ್ಮಾಣ ಕ್ಷೇತ್ರಕ್ಕೂ ಧುಮುಕಲು ಯತ್ನಿಸುತ್ತಿದ್ದಾರೆ. ಇದಕ್ಕಾಗಿಯೇ ಇಷ್ಟೆಲ್ಲಾ ಪ್ರಿಪರೇಷನ್ನು! ಸಾಧು ಅಂದುಕೊಂಡಂತೆ ಎಲ್ಲವೂ ಸುಸೂತ್ರವಾಗಿ ನೆರವೇರಿದರೆ ಮುಂದಿನ ಮೂರು ತಿಂಗಳ ಒಳಗೆ ಚಿತ್ರ ಸೆಟ್ಟೇರಲಿದೆಯಂತೆ.

ಆದರೆ ಇದು ಕೇವಲ ನಿತ್ಯಾನಂದನ ರಾಸಲೀಲೆಯ ಚಿತ್ರ ಅಲ್ಲವಂತೆ, ದನದಾಹಿ ಐವರು ಸ್ವಾಮಿಗಳ ಕಥೆಯಂತೆ. ಇವರೆಲ್ಲಾ ಒಂದು ಮನೆಯನ್ನು ಪ್ರವೇಶಿಸಿ ಮಧ್ಯರಾತ್ರಿ ತಿಜೋರಿ ಒಡೆಯಲು ಸಂಚು ರೂಪಿಸುವುದು, ಹಾಗೂ ಹಣವನ್ನು ಅಲ್ಲಿಂದ ಬೆಳಗಾಗುವುದರ ಒಳಗೆ ಲಪಟಾಯಿಸುವುದು ಚಿತ್ರದ ಕಥೆಯಂತೆ. ಚಿತ್ರವನ್ನು ಸಂಪೂರ್ಣ ಹಾಸ್ಯಮಯವಾಗಿ ಜನರಿಗೆ ಕಟ್ಟಿಕೊಡುವ ಯತ್ನದಲ್ಲಿ ಸಾಧು ನಿರತರಾಗಿದ್ದಾರೆ.

ಐದು ಸ್ವಾಮಿಗಳ ಪಾತ್ರವರ್ಗವೂ ಫೈನಲ್ ಆಗಿದೆ. ಒಬ್ಬ ಸಾಧು, ಇನ್ನುಳಿದ ನಾಲ್ವರ ಪಾತ್ರದಲ್ಲಿ ರಂಗಾಯಣ ರಘು, ಬುಲೆಟ್ ಪ್ರಕಾಶ್, ಕೋಮಲ್ ಹಾಗೂ ದಿಗಂತ್ ಅಂತೆ. ಹಾಂ, ಅಂದಹಾಗೆ ಚಿತ್ರದ ಹೆಸರು 'ಸ್ವಾಮೀಜಿ'. ಚಿತ್ರಕ್ಕೆ ಒಂದು ಟ್ಯಾಗ್‌ಲೈನ್ ಕೂಡಾ ಇದೆ. ಅದು 'ನಿತ್ಯಾನಂದ'!
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಸಾಧು ಕೋಕಿಲಾ, ನಿತ್ಯಾನಂದ ಸ್ವಾಮಿ, ಸ್ವಾಮೀಜಿ, ಕನ್ನಡ ಸಿನಿಮಾ, ಸೆಕ್ಸ್ ಸ್ವಾಮಿ ಸಾಧು ಕೋಕಿಲಾ, ನಿತ್ಯಾನಂದ ಸ್ವಾಮಿ, ಸ್ವಾಮೀಜಿ, ಕನ್ನಡ ಸಿನಿಮಾ, ಸೆಕ್ಸ್ ಸ್ವಾಮಿ
ಮತ್ತಷ್ಟು
ನಾನು ನನ್ನ ಕನಸು: ಅಮೂಲ್ಯಗೆ ಅದ್ಬುತ ಪಾತ್ರವಂತೆ!
ಶೀಘ್ರದಲ್ಲೇ ಬರಲಿವೆ ಶಂಕರ್ ಐಪಿಎಸ್, ತೀರ್ಥ
ಗಂಡಂದಿರೇ ಹುಷಾರ್ ಎಂದ ರಮೇಶ್ ಅರವಿಂದ್!
ನವಿಲಾದವರು ಸಿನಿಮಾಕ್ಕೆ ಖರ್ಚಾದದ್ದು ಕೇವಲ 35 ಸಾವಿರ
ಮೇ 7ಕ್ಕೆ ನಾಗತಿಹಳ್ಳಿ 'ನೂರು ಜನ್ಮಕು' ತೆರೆಗೆ
ಪ್ರೇಕ್ಷಕನ ಮನಗೆದ್ದ ಆಪ್ತ ರಕ್ಷಕ...ಶತದಿನದತ್ತ