ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಜಯಹೇಗೆ 25; ಮತ್ತೊಂದು ಚಿತ್ರಕ್ಕೆ ಕೈಹಾಕಿದ ಥ್ರಿಲ್ಲರ್ (Jayahe | Thriller Manju | Ayesha)
ಸುದ್ದಿ/ಗಾಸಿಪ್
Bookmark and Share Feedback Print
 
ಜಯಹೇಗೆ 25; ಮತ್ತೊಂದು ಚಿತ್ರಕ್ಕೆ ಕೈಹಾಕಿದ ಥ್ರಿಲ್ಲರ್  
 
MOKSHA
ಸಾಲು ಸಾಲು ಸೋಲುವ ಚಿತ್ರವನ್ನೇ ನಿರ್ಮಿಸಿದ ಥ್ರಿಲ್ಲರ್ ಮಂಜು ಇನ್ನೊಂದು ಚಿತ್ರ ಸಿದ್ಧತೆ ನಡೆಸಿದ್ದಾರೆ. ನಾಲ್ಕು ವಾರ ಹಿಂದೆ ತೆರೆಕಂಡ ಇವರ ಜಯಹೇ ಚಿತ್ರ ಸಂಪೂರ್ಣ ಸೋತಿಲ್ಲ. ಪ್ರತಿಷ್ಠಿತ ಕಪಾಲಿ ಚಿತ್ರಮಂದಿರದಲ್ಲಿ 25 ದಿನ ಓಡಿದೆ. ಅದೇ ಉತ್ಸಾಹದಲ್ಲಿ ತಾನು ಗೆದ್ದೆ ಎಂದುಕೊಂಡಿರುವ ಥ್ರಿಲ್ಲರ್ ನಿರ್ಮಾಪಕರನ್ನು ಹೊರತುಪಡಿಸಿ ಉಳಿದೆಲ್ಲಾ ಜಯಹೇ ತಂಡದ ಸದಸ್ಯರನ್ನೇ ಒಳಗೊಂಡು ಹೊಸ ಚಿತ್ರ ಮಾಡಲು ಹೊರಟಿದ್ದಾರೆ.

ಹೌದು. ಜಯಹೇ ಚಿತ್ರದ ಹೊಡೆತದಿಂದಲೇ ಆಚೆ ಬರಲಾಗದೇ ನರಳುತ್ತಿರುವ ನಿರ್ಮಾಪಕರನ್ನು ಕೈ ಬಿಟ್ಟು ಥ್ರಿಲ್ಲರ್ ಇದೀಗ ಗುರುಮೂರ್ತಿ ಅವರ ಕೈ ಹಿಡಿದಿದ್ದಾರೆ. ಇದೇ ಗುರುಮೂರ್ತಿ ಈ ಹಿಂದೆ ಥ್ರಿಲ್ಲರ್ ಅಭಿನಯದ ಪೊಲೀಸ್ ಸ್ಟೋರಿ, ಪೊಲೀಸ್ ಸ್ಟೋರಿ 2, ಥ್ರಿಲ್ಲರ್ ಕಿಲ್ಲರ್ ಚಿತ್ರಗಳನ್ನು ನಿರ್ಮಿಸಿದ್ದರು. ಹೊಸ ಚಿತ್ರದ ಕಥೆ, ಚಿತ್ರಕಥೆ ಹಾಗೂ ನಿರ್ದೇಶನದ ಹೊಣೆ ಥ್ರಿಲ್ಲರ್ ಅವರೇ ಹೊತ್ತಿದ್ದಾರೆ. ನಾಯಕರೂ ಅವರೇ ಆಗುವ ಸಾಧ್ಯತೆ ದಟ್ಟವಾಗಿದೆ.

ಇದೊಂದು ಆಕ್ಷನ್ ಚಿತ್ರ ಅನ್ನುವುದನ್ನು ಪ್ರತ್ಯೇಕವಾಗಿ ಹೇಳುವ ಅಗತ್ಯ ಇಲ್ಲ. ಜಯಹೇ ಚಿತ್ರದಲ್ಲಿ ಕಸರತ್ತಿನ ಜತೆ ದೈಹಿಕ ಸೌಂದರ್ಯವನ್ನೂ ಧಾರಾಳವಾಗಿ ಪ್ರದರ್ಶಿಸಿದ್ದ ಆಯೇಷಾ ಈ ಚಿತ್ರದಲ್ಲೂ ನಾಯಕಿ. ಆದರೆ ಇಷ್ಟು ಸಾಲದು ಎನ್ನುವಂತೆ ಇನ್ನೊಬ್ಬ ನಾಯಕಿಯನ್ನೂ ಬಳಸಲು ಥ್ರಿಲ್ಲರ್ ನಿರ್ಧರಿಸಿದ್ದಾರಂತೆ. ಅವರ ಹೆಸರನ್ನು ಇನ್ನೂ ಸಸ್ಪೆನ್ಸ್ ಆಗಿ ಇರಿಸಲಾಗಿದೆ. ಚಿತ್ರಕ್ಕೆ ಕೃಪಾಕರ್ ಸಂಗೀತ ಇರಲಿದೆ. ಜನಾರ್ದನ್ ಬಾಬು ಛಾಯಾಗ್ರಾಹಕರು. ಚಿತ್ರಕ್ಕೆ ಇನ್ನೂ ಹೆಸರಿಡುವ ಕಾರ್ಯ ಆಗಿಲ್ಲ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಜಯಹೇ, ಥ್ರಿಲ್ಲರ್ ಮಂಜು, ಆಯೇಷಾ
ಮತ್ತಷ್ಟು
ವಾಣಿಜ್ಯ ಮಂಡಳಿ ಮೆಟ್ಟಿಲೇರಿದ ಗಣೇಶ್ ಶಿಲ್ಪಾ 'ಕೂಲ್' ವಿವಾದ
ಬಳ್ಳಾರಿ ಜೈಲಿನಲ್ಲಿ ಹೊಡೆತ ತಿಂದ ದುನಿಯಾ ವಿಜಯ್!
ಭರ್ಜರಿಯಾಗಿ ಗೆದ್ದ ಅನಂತ್, ಸುಹಾಸಿನಿಯ ಎರಡನೇ ಮದುವೆ
'ಹುಲಿ' ಬಂತು: ಹುಡುಗ್ರೆಲ್ಲಾ ಅಲ್ಲೋ ಕಲ್ಲೋಲ..!
ಗಣೇಶ್ 'ಕೂಲ್‌'ನಿಂದ ನಿರ್ದೇಶಕ ಔಟ್, ಈಗ ಗಣೇಶ್ ನಿರ್ದೇಶಕ!
ಕೋಟಿ ಸೆಟ್ಟಿನಲ್ಲಿ ಥಯ್ಯಾ ಥಕ್ಕಾ ಕುಣಿದ ಸದಾ, ಶಿವಣ್ಣ