ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಕೆ.ಕಲ್ಯಾಣ್‌ರಿಂದ ಸಂಗೀತ ಪ್ರೇಮಿಗಳಿಗೆ 'ಟೈಂಪಾಸ್' ಆಲ್ಬಂ (Timepass | K.Kalyan | Album)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಕೆ.ಕಲ್ಯಾಣ್‌ರಿಂದ ಸಂಗೀತ ಪ್ರೇಮಿಗಳಿಗೆ 'ಟೈಂಪಾಸ್' ಆಲ್ಬಂ (Timepass | K.Kalyan | Album)
Feedback
Printಕೆ.ಕಲ್ಯಾಣ್‌ರಿಂದ ಸಂಗೀತ ಪ್ರೇಮಿಗಳಿಗೆ 'ಟೈಂಪಾಸ್' ಆಲ್ಬಂ 
 |
MOKSHA |
ಕನ್ನಡದ ಪಾಲಿಗೆ ಆಲ್ಬಂಗಳು ಅತಿ ವಿರಳ. ಒಂದು ರೀತಿ ಮರುಭೂಮಿಯ ಒಯಾಸಿಸ್ ಅಂದರೂ ತಪ್ಪಾಗಲಾರದು. ಈ ಸ್ಥಿತಿಯಲ್ಲಿರುವಾಗ ಕಲ್ಯಾಣ್ ಒಂದು ಆಲ್ಬಂ ಕೊಟ್ಟಿದ್ದಾರೆ. 'ಟೈಂಪಾಸ್' ಹೆಸರಿನ ಈ ಆಲ್ಬಂನಲ್ಲಿ ಐದು ಹಾಡುಗಳಿವೆ. ಡಿಫರಂಟ್ ಆಗಿದ್ದು, ಸಾಮಾನ್ಯ ಜನರ ಭಾಷೆಯಲ್ಲಿ ಹಾಡುಗಳನ್ನು ಸಿದ್ಧಪಡಿಸಲಾಗಿದೆ.
ಆಲ್ಬಂಗೆ ಅತ್ಯುತ್ತಮ ಸಾಹಿತ್ಯವನ್ನು ಇವರು ರಚಿಸಿದ್ದು, ಇದಕ್ಕಾಗಿ ಸಾಕಷ್ಟು ಶ್ರಮವನ್ನೂ ತೊಡಗಿಸಿದ್ದಾರೆ. ಒಂದು ಅಪರೂಪದ ಆಲ್ಬಂ ಇದಾಗಬೇಕೆಂದು ಅವರು ಆಶಿಸಿ ಸಿದ್ಧಪಡಿಸಿದ್ದಾರೆ. ಈ ಆಲ್ಬಂಗೆ ಕ್ಲಾಸಿಕಲ್ ಟಚ್ ನೀಡಿದ್ದಾರೆ. ಅಮ್ಮ ಆಡಿಯೋ ಸಂಸ್ಥೆ ಇದನ್ನು ಹೊರತಂದಿದೆ.
ಆಡಿಯೊ ಬಿಡುಗಡೆ ಸಮಾರಂಭ ಇತ್ತೀಚೆಗೆ ನಗರದಲ್ಲಿ ನಡೆಯಿತು. ಪುನಿತ್ ರಾಜ್ ಕುಮಾರ್, ಯೋಗರಾಜ್ ಭಟ್ ಉಪಸ್ಥಿತರಿದ್ದು ಶುಭ ನುಡಿದರು. ಪುನಿತ್ ರಾಜ್ ಕುಮಾರ್ ಇವರ ಮುಂದಿನ ಆಲ್ಬಂಗೆ ತಾವೂ ಒಂದು ಹಾಡನ್ನು ಹಾಡುವ ಇಂಗಿತ ವ್ಯಕ್ತಪಡಿಸಿದರು. ಸಿನಿಮಾ ಚಿತ್ರಗಳಲ್ಲಿ ಮಾತ್ರವಲ್ಲ, ಈ ರೀತಿಯ ಯತ್ನವನ್ನು ಅದರ ಹೊರತಾಗಿಯೂ ಕಲ್ಯಾಣ್ ಮಾಡಿದ್ದು ಮೆಚ್ಚುಗೆ ಪಡೆಯುವ ಸಂಗತಿ ಎಂದು ಯೋಗರಾಜ್ ಭಟ್ ಹೇಳಿದರು. ಇದು ಹೆಸರಿಗೆ ತಕ್ಕಂತೆ ಟೈಂಪಾಸ್ ಆಲ್ಬಂ ಆಗಿದ್ದು, ಬಿಡುವಿದ್ದಾಗೆಲ್ಲ ಕೇಳಿ ಆನಂದಿಸಬಹುದಾಗಿದೆ.