ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಹೌದು, ನಾನು-ಸುದೀಪ್-ಯೋಗೀಶ್ ಒಂದಾಗ್ತಿದ್ದೇವೆ: ಶಿವಣ್ಣ (Shivaraj Kumar | Sudeep | Yogish | Kannada Film)
ಹೌದು, ನಾನು-ಸುದೀಪ್-ಯೋಗೀಶ್ ಒಂದಾಗ್ತಿದ್ದೇವೆ: ಶಿವಣ್ಣ   
ಬುಧವಾರ, 9 ಫೆಬ್ರವರಿ 2011( 15:05 IST )
PR
ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್, ಕಿಚ್ಚ ಸುದೀಪ್ ಮತ್ತು ಲೂಸ್‌ಮಾದ ಯೋಗೀಶ್ ನಾಯಕರಾಗಿ ಒಂದೇ ಚಿತ್ರದಲ್ಲಿ ನಟಿಸಲಿದ್ದಾರೆ ಎಂದು ಕಳೆದ ವರ್ಷವೇ ಸುದ್ದಿಯಾಗಿತ್ತು. ಅದನ್ನು ಶಿವಣ್ಣ ಮತ್ತೊಮ್ಮೆ ಕೆದಕಿದ್ದಾರೆ. ಆ ಮೂಲಕ ಬಹು ತಾರಾಗಣದ ಚಿತ್ರದಲ್ಲಿ ನಟಿಸುತ್ತಿರುವುದನ್ನು ಖಚಿತಪಡಿಸಿದ್ದಾರೆ.

ಬೆಂಗಳೂರಿನಲ್ಲಿ ಸೋಮವಾರ ನಡೆದ 'ಕೆಂಪೇಗೌಡ' ಆಡಿಯೋ ಸಿಡಿ ಬಿಡುಗಡೆ ಸಮಾರಂಭದಲ್ಲಿ ಒಳ್ಳೆ ಮೂಡಿನಲ್ಲಿದ್ದ ಶಿವಣ್ಣ, 'ತಾನು ಸುದೀಪ್ ಜತೆ ನಟಿಸಲಿದ್ದೇನೆ. ಈ ಚಿತ್ರದಲ್ಲಿ ಮೂವರು ನಾಯಕರು ಇರುತ್ತಾರೆ. ಇನ್ನೊಬ್ಬ ಲೂಸ್‌ಮಾದ ಯೋಗೀಶ್' ಎಂದರು. ಅಷ್ಟಾಗುತ್ತಿದ್ದಂತೆ ಅಲ್ಲೇ ಇದ್ದ ಸುದೀಪ್, ಹೆಚ್ಚಿನ ಮಾಹಿತಿ ಬಹಿರಂಗಪಡಿಸದಂತೆ ತಡೆಯೊಡ್ಡಿದರು.

ಶಿವಣ್ಣ ನಾಯಕತ್ವದ ಚಿತ್ರವೊಂದನ್ನು ತಾನು ನಿರ್ದೇಶಿಸಲಿದ್ದೇನೆ. ಇದರಲ್ಲಿ ಯೋಗಿ ಕೂಡ ಪ್ರಮುಖ ಪಾತ್ರವೊಂದರಲ್ಲಿ ನಟಿಸಲಿದ್ದಾರೆ. ಆ ಚಿತ್ರಕ್ಕೆ '1993' ಎಂದು ಹೆಸರಿಡಲಾಗಿದೆ. ಈ ಚಿತ್ರದ ಕಥೆ, ಚಿತ್ರಕಥೆ ಎಲ್ಲವೂ ನನ್ನದೆ. ಈ ಚಿತ್ರ ವಿಭಿನ್ನವಾಗಿ ಮೂಡಿ ಬರಲಿದೆ ಎಂದು ಡಿಸೆಂಬರ್ ಆರಂಭದಲ್ಲಿ ಸುದೀಪ್ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದನ್ನು ಇದೀಗ ಸ್ಮರಿಸಬಹುದಾಗಿದೆ.

ಹಾಗೆ ನೋಡಿದರೆ, ಸುದೀಪ್ ಚಿತ್ರದಲ್ಲಿ ಶಿವರಾಜ್ ಕುಮಾರ್ ನಟಿಸುತ್ತಿರುವುದು ಇದೇ ಮೊದಲಲ್ಲ. ಈ ಹಿಂದೆ ಸುದೀಪ್ ನಿರ್ದೇಶನದ 'ನಂ.73, ಶಾಂತಿನಿವಾಸ'ದಲ್ಲಿ ಶಿವಣ್ಣ ಅತಿಥಿ ಪಾತ್ರವೊಂದರಲ್ಲಿ ನಟಿಸಿದ್ದರು. ಆ ಚಿತ್ರದಲ್ಲಿ ದರ್ಶನ್ ಕೂಡ ಬಂದು ಹೋಗಿದ್ದರು.

ಕನ್ನಡದ ಮಟ್ಟಿಗೆ ಹೇಳುವುದಾದರೆ, ಇತ್ತೀಚಿನ ವರ್ಷಗಳಲ್ಲಿ ಬಹು ತಾರಾಗಣದ ಚಿತ್ರ ಹಿಟ್ ಆಗಿರುವ ಉದಾಹರಣೆಗಳು ಕಡಿಮೆ. ಆದರೂ ಸುದೀಪ್ ಹೊಸ ಪ್ರಯತ್ನಗಳಿಗೆ ಹೆಸರಾದವರು. ಹಾಗಾಗಿ ಮೂರು ನಾಯಕರ ಅಭಿಮಾನಿಗಳು ಹೆಚ್ಚಿನ ನಿರೀಕ್ಷೆಗಳನ್ನು ಇಟ್ಟುಕೊಳ್ಳುವುದರಲ್ಲಿ ತಪ್ಪೇನಿಲ್ಲ.
ಇವನ್ನೂ ಓದಿ
ಸುದೀಪ್ ತಾಳಕ್ಕೆ ಕುಣಿಯಲಿದ್ದಾರೆ ಹ್ಯಾಟ್ರಿಕ್ ಹೀರೋ ಶಿವಣ್ಣ
1993- ಸುದೀಪ್ ನಿರ್ದೇಶನದಲ್ಲಿ ಶಿವರಾಜ್-ಲೂಸ್ ಮಾದ
'ಜೋಗಯ್ಯ' 300 ಥಿಯೇಟರುಗಳಲ್ಲಿ ಬಿಡುಗಡೆಯಾಗತ್ತಂತೆ!
ಸೇಫಾಗಿರುವ 'ಮೈಲಾರಿ' ಇದೇ 17ರಂದು ಬರುತ್ತಿದ್ದಾನೆ
ಶಿವಣ್ಣನ 'ಮೈಲಾರಿ'ಯಲ್ಲಿ ಏನಿದೆ? ಚಿರಂಜೀವಿಗೂ ಕುತೂಹಲ!
ಇದನ್ನು ಸಹ ಶೋಧಿಸು: ಶಿವರಾಜ್ ಕುಮಾರ್, ಸುದೀಪ್, ಯೋಗೀಶ್, ಕನ್ನಡ ಸಿನಿಮಾ