ಕೇಂದ್ರ ತನಿಖಾ ದಳದ ವಶಕ್ಕೆ ಒಪ್ಪಿಸುವುದನ್ನು ವಿರೋಧಿಸಿ ಸತ್ಯಂ ಮುಖ್ಯಸ್ಥ ಬಿ.ರಾಮಲಿಂಗಾರಾಜು ಹಾಗೂ ಇತರರು ಸಲ್ಲಿಸಿದ ಅರ್ಜಿಯನ್ನು ಹೈಕೋರ್ಟ್ ವಜಾಗೊಳಿಸಿದೆ.
ಸತ್ಯಂನ ಮಾಜಿ ಸಂಸ್ಥಾಪಕ ಬಿ.ರಾಮಲಿಂಗಾರಾಜು ವಿಚಾರಣೆ ನಡೆಸುತ್ತಿರುವ ನ್ಯಾಯಾಲಯ, ಕೇಂದ್ರ ತನಿಖೆ ದಳಕ್ಕೆ ಅಗತ್ಯವೆನಿಸಿದಲ್ಲಿ ವಿಚಾರಣೆ ನಡೆಸಲು ಅನುಮತಿ ನೀಡಿರುವುದರಲ್ಲಿ ಯಾವುದೇ ತಪ್ಪಿಲ್ಲ ಎಂದು ನ್ಯಾಯಮೂರ್ತಿ ಕೆ.ಸಿ.ಭಾನು ಹೇಳಿದ್ದಾರೆ.
ಸತ್ಯಂ ಕಂಪ್ಯೂಟರ್‌ ಸಂಸ್ಥೆಗೆ 7800 ಕೋಟಿ ರೂ. ವಂಚಿಸಿದ ಆರೋಪಿ ಸತ್ಯಂ ರಾಜು ಅವರನ್ನು ಮಾರ್ಚ್ 10 ರಿಂದ 17 ರವರೆಗೆ ಕೇಂದ್ರ ತನಿಖಾ ದಳದ ವಶಕ್ಕೆ ಒಪ್ಪಿಸುವಂತೆ ಸಿಬಿಐ ನ್ಯಾಯಾಲಯ ಹೈಕೋರ್ಟ್‌ಗೆ ಮನವಿ ಸಲ್ಲಿಸಿತ್ತು.
ನ್ಯಾಯಾಲಯದ ಆದೇಶದನ್ವಯ ಸಿಬಿಐ ಅಧಿಕಾರಿಗಳು ರಾಮಲಿಂಗಾರಾಜು ಹಾಗೂ ಸಹೋದರ ಮಾಜಿ ಸತ್ಯಂ ವ್ಯವಸ್ಥಾಪಕ ರಾಮಾರಾಜು ಮತ್ತು ಸಿಎಫ್‌ಒ ವಾಡ್ಲಮನಿ ಶ್ರೀನಿವಾಸ್, ಪ್ರೈಸ್ ವಾಟರ್‌ಹೌಸ್‌ನ ಎಸ್.ಗೋಪಾಲಕೃಷ್ಣ ಮತ್ತು ತಲ್ಲೂರಿ ಶ್ರೀನಿವಾಸ್ ಅವರನ್ನು ವಶಕ್ಕೆ ತೆಗೆದುಕೊಂಡಿದೆ ಎಂದು ಸಿಬಿಐ ಅಧಿಕಾರಿಗಳು ತಿಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ