ನ್ಯಾನೋ ಕಾರುಗಳ ಉತ್ಪನ್ನಗಿಂತ ಹಲವು ಪಟ್ಟು ಬೇಡಿಕೆ ಹೆಚ್ಚಾದ ಹಿನ್ನೆಲೆಯಲ್ಲಿ ಕಂಪೆನಿ ಗ್ರಾಹಕರ ಬೇಡಿಕೆ ಪೂರೈಕೆ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ ಎಂದ ಮೂಲಗಳು ತಿಳಿಸಿವೆ. ಇಂಜಿನಿಯರಿಂಗ್‌ನ ಅದ್ಭುತ ತಂತ್ರಜ್ಞಾನವನ್ನು ಹೊಂದಿದ ನ್ಯಾನೋ ಕಾರಿಗೆ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ದೊರೆಯುತ್ತಿರುವುದಾಗಿ ನಾನು ಭಾವಿಸಿದ್ದೇನೆ ಎಂದು ಎರ್ನೆಸ್ಟ್ ಆಂಡ್ ಯಂಗ್‌ ಕಂಪೆನಿಯ ರಾಕೇಶ್ ಬಾತ್ರಾ ಹೇಳಿದ್ದಾರೆ. ಮೂಲಗಳ ಪ್ರಕಾರ ಉತ್ತರಖಾಂಡ್‌ನಲ್ಲಿರುವ ಟಾಟಾ ಮೋಟಾರ್ಸ್ ಘಟಕದಿಂದ 2009-10ರ ಸಾಲಿನಲ್ಲಿ 50 ಸಾವಿರದಿಂದ 60 ಸಾವಿರ ಕಾರುಗಳ ತಯಾರಿಕೆ ಮಾತ್ರ ಸಾಧ್ಯವಾಗುತ್ತಿದ್ದು, ಗುಜರಾತ್‌ನ ಸನಂದ್‌‌ನಲ್ಲಿರುವ ಟಾಟಾ ಮೋಟಾರ್ಸ್ ಘಟಕ 2010ರಲ್ಲಿ ಕಾರ್ಯಾರಂಭ ಮಾಡಲಿದೆ ಎಂದು ತಿಳಿಸಿವೆ. ಮಹಾರಾಷ್ಟ್ರದ ಪುಣೆಯಲ್ಲಿರುವ ಘಟಕದಿಂದ ಮಧ್ಯಂತರ ಸಮಯದಲ್ಲಿ ಹೆಚ್ಚುವರಿ ಅಗತ್ಯತೆಗಳನ್ನು ಮಾತ್ರ ಪೂರೈಸಲು ಸಾಧ್ಯವಾಗುತ್ತದೆ. ಆದರೆ ವಿದೇಶಗಳಿಗೆ ನ್ಯಾನೋ ಕಾರುಗಳನ್ನು ರಫ್ತು ಮಾಡಲು ಸಾಧ್ಯವಾಗದು ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ. ಕಚ್ಚಾ ವಸ್ತುಗಳ ದರಗಳ ತೊಳಲಾಟದ ಹಿನ್ನೆಲೆಯಲ್ಲಿ ಟಾಟಾ ಮೋಟಾರ್ಸ್ ನ್ಯಾನೋ ಕಾರಿಗೆ ಒಂದು ಲಕ್ಷ ದರವನ್ನು ನಿರಂತರ ಕಾಯ್ದುಕೊಂಡು ಬರಲು ಸಾಧ್ಯವಾಗುತ್ತದೆಯೇ? ಎನ್ನುವ ಪ್ರಶ್ನೆ ಉದ್ಯಮಿಗಳನ್ನು ಕಾಡುತ್ತಿದೆ. ಸುರಕ್ಷೆತೆಯಲ್ಲಿ ರಾಜಿಯಿಲ್ಲದೇ ಸೂಕ್ತ ದರದಲ್ಲಿ ಕಾರು ತಯಾರಿಸಬೇಕಾಗುತ್ತದೆ.ಮುಂಬರುವ ಕೆಲ ವರ್ಷಗಳವರೆಗೆ ನಿರಂತರ ದರದ ಸ್ಥಿರತೆಯನ್ನು ಕಾಪಾಡಿಕೊಂಡು ಬರುವುದು ಕಠಿಣವಾಗಿದೆ ಎಂದು ಬಿಜಿನೆಸ್ ಸ್ಟ್ಯಾಂಡರ್ಡ್ ಸಂಪಾದಕ ಬಿಜೊಯ್ ಕುಮಾರ್ ಅಭಿಪ್ರಾಯಪಟ್ಟಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
