ತನ್ನ ಋಣಾತ್ಮಕ ಛಾಯೆಯನ್ನು ಮುಂದುವರಿಸಿರುವ ಭಾರತದಲ್ಲಿನ ಹಣದುಬ್ಬರ ದರವು ಜೂನ್ 27ಕ್ಕೆ ಕೊನೆಗೊಂಡ ವಾರದಲ್ಲಿ ಶೇಕಡಾ (-)1.55ರ ಕುಸಿತ ಕಂಡಿದೆ. ಅದಕ್ಕಿಂತ ಹಿಂದಿನ ವಾರ ಮೈನಸ್ 1.30 ದಾಖಲಾಗಿತ್ತು.
1995ರಲ್ಲಿ ಆರಂಭವಾಗಿದ್ದ ವಾರ್ಷಿಕ ಅಂಶಗಳ ಸಗಟು ಸೂಚ್ಯಂಕ ದರದ ಇತಿಹಾಸದಲ್ಲೇ ಜೂನ್ 6ಕ್ಕೆ ಕೊನೆಗೊಂಡ ವಾರದಲ್ಲಿ ಮೊತ್ತ ಮೊದಲ ಬಾರಿಗೆ ಋಣಾತ್ಮಕ ಹಾದಿ ಹಿಡಿತ್ತು. ಈ ಹಿಂದೆ ಹಣದುಬ್ಬರ ದರ ಋಣಾತ್ಮಕವಾಗಿ ಸಾಗಿದ್ದು 1977ರಲ್ಲಿ.
ಈ ಬಾರಿ ಜೂನ್ 27ಕ್ಕೆ ಕೊನೆಗೊಂಡ ವಾರದಲ್ಲಿ (-)1.55ರ ಕುಸಿತ ಕಂಡಿದ್ದರೆ, ಕಳೆದ ವರ್ಷದ ಇದೇ ತಿಂಗಳ ಈ ವಾರದಲ್ಲಿ ಹಣದುಬ್ಬರ ದರವು ಗರಿಷ್ಠ ಶೇಕಡಾ 12.03ನ್ನು ತಲುಪಿತ್ತು.
ಮೂಲಭೂತ ವಸ್ತುಗಳ ದರದಲ್ಲಿ ಶೇಕಡಾ 0.3ರ ಸೂಚ್ಯಂಕ ದರ ಏರಿಕೆಯಾಗಿದ್ದರೆ, ಇಂಧನ ಮತ್ತು ವಿದ್ಯುತ್ ವಿಭಾಗದಲ್ಲಿ ಯಾವುದೇ ಬದಲಾವಣೆಗಳಾಗಿಲ್ಲ. ಕಳೆದ ವಾರ ಇವುಗಳು 327.9ರ ತಾತ್ಕಾಲಿಕ ಅಂಶಗಳನ್ನು ದಾಖಲಿಸಿದ್ದವು. ಅದೇ ಹೊತ್ತಿಗೆ ಉತ್ಪಾದನಾ ವಸ್ತುಗಳ ಸೂಚ್ಯಂಕ ದರವು ಶೇಕಡಾ 0.1ರ ಕುಸಿತ ಕಂಡಿದೆ.
ಈ ವಾರದಲ್ಲಿ ಕಡಲ ಮೀನು ಶೇಕಡಾ 10ರಷ್ಟು ದುಬಾರಿಯಾಗಿದ್ದರೆ, ಉದ್ದಿನ ಬೇಳೆ, ಹಣ್ಣು ಹಂಪಲುಗಳು ಮತ್ತು ತರಕಾರಿ ಬೆಲೆ ಶೇಕಡಾ 2ರಷ್ಟು ಏರಿಕೆಯಾಗಿತ್ತು. ತೊಗರಿ ಬೇಳೆ, ಹೆಸರು ಬೇಳೆ ದರದಲ್ಲಿ ಶೇಕಡಾ 1ರ ಮೇಲ್ಮುಖ ಕಂಡಿತ್ತು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ