ವಾಹನ ಮಾಲೀಕರಿಗೆ ಶುಭ ಸುದ್ದಿ. ಅಂತಾರಾಷ್ಟ್ರೀಯ ಕಚ್ಚಾ ತೈಲ ಬೆಲೆಯು ಬ್ಯಾರೆಲ್ ಒಂದಕ್ಕೆ 50ರಿಂದ 60 ಡಾಲರ್ ನಡುವೆ ಸ್ಥಿರವಾದಲ್ಲಿ, ಸರಕಾರವು ಕೂಡ ಇತ್ತೀಚೆಗೆ ಏರಿಸಿದ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳನ್ನು ಇಳಿಸಲಿದೆ ಎಂದು ಪೆಟ್ರೋಲಿಯಂ ಸಚಿವ ಮುರಳಿ ದೇವ್ರಾ ಭರವಸೆ ನೀಡಿದ್ದಾರೆ.
ಅಂತಾರಾಷ್ಟ್ರೀಯ ಕಚ್ಚಾ ತೈಲ ಬೆಲೆಯು ಬ್ಯಾರೆಲ್ ಒಂದಕ್ಕೆ 70 ಡಾಲರ್‌ಗಿಂತ ಹೆಚ್ಚಾದ ಹಿನ್ನೆಲೆಯಲ್ಲಿ ಕಳೆದ ವಾರ ಸರಕಾರವು ಪೆಟ್ರೋಲ್ ಲೀಟರಿಗೆ 4 ರೂ. ಹಾಗೂ ಡೀಸೆಲ್ ಲೀಟರಿಗೆ 2 ರೂ. ಏರಿಕೆ ಮಾಡಿತ್ತು.
ಆ ಬಳಿಕ ಕಚ್ಚಾ ತೈಲ ಬೆಲೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕುಸಿಯುತ್ತಾ ಬಂದಿತ್ತು. ಬುಧವಾರ ಇದರ ಬೆಲೆ 61.58 ಡಾಲರ್ ಇದ್ದು, ಜುಲೈ ತಿಂಗಳ ಸರಾಸರಿ ಬೆಲೆ 65.34 ಇದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ