ಮುಖ್ಯ ಪುಟ » ಸುದ್ದಿ ಜಗತ್ತು » ವ್ಯವಹಾರ » ವಾಣಿಜ್ಯ ಸುದ್ದಿ » ಶೇ.15.46ಕ್ಕೆ ಏರಿಕೆ ಕಂಡ ಆಹಾರ ಹಣದುಬ್ಬರ ದರ (Food inflation | Cereals | Milk | Costlier | Heavy rains)
Feedback
Printಶೇ.15.46ಕ್ಕೆ ಏರಿಕೆ ಕಂಡ ಆಹಾರ ಹಣದುಬ್ಬರ ದರ 
ನವದೆಹಲಿ, ಗುರುವಾರ, 23 ಸೆಪ್ಟೆಂಬರ್ 2010( 13:38 IST )
PTI
ವಾರದ ಆಧಾರದನ್ವಯ ಆಹಾರ ಹಣದುಬ್ಬರ ದರ ಕಳೆದ ವಾರಕ್ಕೆ ಹೋಲಿಸಿದಲ್ಲಿ ಶೇ.15.10ದಿಂದ ಶೇ.0.36ರಷ್ಟು ಏರಿಕೆಯಾಗಿದೆ.
ಸತತ ನಾಲ್ಕನೇ ವಾರದ ಅವಧಿಗೆ ಆಹಾರ ಹಣದುಬ್ಬರ ದರ ಏರಿಕೆ ಕಂಡಿದೆ.ಜುಲೈ ತಿಂಗಳ ಅವಧಿಯಲ್ಲಿ ಇಳಿಕೆಯ ಸೂಚನೆಗಳನ್ನು ನೀಡಿದ್ದ ಆಹಾರ ಹಣದುಬ್ಬರ ದರ ಅಗಸ್ಟ್ ಮೊದಲ ವಾರದಿಂದ ನಿರಂತರ ಏರಿಕೆ ಕಾಣುತ್ತಿದೆ.
ದೇಶದ ಹಲವು ಭಾಗಗಳಾದ ದೆಹಲಿ, ಹರಿಯಾಣಾ, ಪಂಜಾಬ್, ಉತ್ತರಪ್ರದೇಶ, ಹಿಮಾಚಲ ಪ್ರದೇಶ, ಆಸ್ಸಾಂ ಮತ್ತು ರಾಜಸ್ಥಾನ ರಾಜ್ಯಗಳಲ್ಲಿ ಸುರಿಯುತ್ತಿರುವ ಭಾರಿ ಮಳೆಯಿಂದಾಗಿ, ಆಹಾರ ವಸ್ತುಗಳ ಸರಬರಾಜಿನಲ್ಲಿ ತೊಂದರೆಯಾಗಿದೆ.
ವಾರ್ಷಿಕ ಆಧಾರದನ್ವಯ, ಭತ್ತ ಮತ್ತು ಗೋಧಿ ದರಗಳಲ್ಲಿ ಏರಿಕೆಯಾಗಿದ್ದರಿಂದ ಧಾನ್ಯಗಳ ದರಗಳಲ್ಲಿ ಶೇ.6.75ರಷ್ಟು ಏರಿಕೆಯಾಗಿದೆ.
ಏತನ್ಮಧ್ಯೆ, ದ್ವಿದಳ ಧಾನ್ಯಗಳ ದರಗಳಲ್ಲಿ ಶೇ.4.01ರಷ್ಟು ಏರಿಕೆಯಾಗಿದ್ದು, ಭತ್ತ ಮತ್ತು ಗೋಧಿ ದರದಲ್ಲಿ ಶೇ.ಕ್ರಮವಾಗಿ ಶೇ.9.21 ಮತ್ತು ಶೇ.5.52ರಷ್ಟು ದುಬಾರಿಯಾಗಿವೆ.
ಇತರ ಆಹಾರ ವಸ್ತುಗಳಾದ, ಹಾಲು ದರದಲ್ಲಿ ಕಳೆದ ವರ್ಷದ ಸೆಪ್ಟೆಂಬರ್ ತಿಂಗಳಿಗೆ ಹೋಲಿಸಿದಲ್ಲಿ ಶೇ.23.41ರಷ್ಟು ಏರಿಕೆ ಕಂಡಿದೆ. ಹಣ್ಣುಗಳ ದರಗಳಲ್ಲಿ ಶೇ.10.33ರಷ್ಟು ಏರಿಕೆ ಕಂಡಿವೆ.