ಮುಖ್ಯ ಪುಟ » ಸುದ್ದಿ ಜಗತ್ತು » ವ್ಯವಹಾರ » ಷೇರುಸೂಚ್ಯಂಕ » ಐಟಿ ಶೇರುಗಳ ಜಿಗಿತ; ವಾರಂತ್ಯದಲ್ಲಿ ಶೇ. 0.4ರಷ್ಟು ಏರಿಕೆ (Indian stock market | Sensex | BSE | Latest News in Kannada)
ಐಟಿ ಶೇರುಗಳ ಜಿಗಿತ; ವಾರಂತ್ಯದಲ್ಲಿ ಶೇ. 0.4ರಷ್ಟು ಏರಿಕೆ
ಮುಂಬೈ, ಶನಿವಾರ, 17 ಸೆಪ್ಟೆಂಬರ್ 2011( 15:07 IST )
ಕಳೆದೊಂದು ವಾರದಲ್ಲಿ ಐಟಿ ಶೇರುಗಳ ಉತ್ತಮ ವಹಿವಾಟಿನಿಂದಾಗಿ ವಾರಂತ್ಯದ ವಹಿವಾಟಿನಲ್ಲಿ ಮುಂಬೈನ ಬಿಎಸ್ಇ ಸೂಚ್ಯಂಕ ಶೇಕಡಾ 0.4ರಷ್ಟು ಏರುಗತಿ ಸಾಧಿಸಿದೆ.
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ತನ್ನ ಹಣಕಾಸು ನೀತಿಯಲ್ಲಿ ಬಡ್ಡಿದರಗಳನ್ನು ಏರಿಕೆಗೊಳಿಸಿದ್ದರ ಹೊರತಾಗಿಯೂ ಪ್ರಬಲ ಜಾಗತಿಕ ವಹಿವಾಟಿನ ಬೆಂಬಲದೊಂದಿಗೆ ಶೇರುಪೇಟೆ ಮುನ್ನಡೆ ದಾಖಲಿಸುವಲ್ಲಿ ಯಶಸ್ವಿಯಾಗಿದೆ.
ಶುಕ್ರವಾರದ ವಹಿವಾಟಿನಲ್ಲಿ 57 ಪಾಯಿಂಟ್ ಏರಿಕೆ ಕಂಡಿದ್ದ ಸಂವೇದಿ ಸೂಚ್ಯಂಕವು 16,934 ಅಂಶಗಳಿಗೆ ತಲುಪಿದ್ದವು. ಅದೇ ರೀತಿ ರಾಷ್ಟ್ರೀಯ ಶೇರುಪೇಟೆ ನಿಫ್ಟಿ ಸಹ 9 ಪಾಯಿಂಟ್ ಏರಿಕೆ ಕಂಡು 5084 ಅಂಶಗಳಿಗೆ ತಲುಪಿತ್ತು. ಆ ಮೂಲಕ ವಾರಂತ್ಯದ ವಹಿವಾಟಿನಲ್ಲಿ ಉಭಯ ಸೂಚ್ಯಂಕಗಳು ಶೇಕಡಾ 0.4ರಷ್ಟು ಏರಿಕೆ ದಾಖಲಿಸಿದೆ.
ಪ್ರಸಕ್ತ ವಾರದಲ್ಲಿ ತಂತ್ರಗಾರಿಕೆ ಶೇರುಗಳು ಒಟ್ಟಾರೆ ಶೇಕಡಾ 3ರಷ್ಟು ಏರುಗತಿ ದಾಖಲಿಸಿತ್ತು. ಇದರಲ್ಲಿ ಇನ್ಭೋಸಿಸ್ ಶೇರುಗಳು ಅತಿ ಹೆಚ್ಚು ಶೇಕಡಾ 5.3ರಷ್ಟು ಏರಿಕೆ ಕಂಡಿತ್ತು.