1912ರಲ್ಲಿ ಅಟ್ಲಾಂಟಿಕ್ ಸಾಗರದಲ್ಲಿ ಟೈಟಾನಿಕ್ ಜಲಗರ್ಭದಲ್ಲಿ ಮುಳುಗಿದ ದುರಂತದಲ್ಲಿ ಬದುಕುಳಿದ ಕಟ್ಟಕಡೆಯ ಮಹಿಳೆ ಮಿಲ್ಲಿವಿನಾ ಡೀನ್ ಭಾನುವಾರ ಇಂಗ್ಲೆಂಡ್‌ನಲ್ಲಿ ಅಸುನೀಗಿದ್ದಾರೆ. ಅವರಿಗೆ 97 ವರ್ಷ ವಯಸ್ಸಾಗಿತ್ತು. ಡೀನ್ ಅವರು ಟೈಟಾನಿಕ್ ಮುಳುಗಿದಾಗ 2 ತಿಂಗಳ ಹಸುಳೆಯಾಗಿದ್ದಳು. ಅಮೆರಿಕದ ಕನ್ಸಾಸ್‌ಗೆ ಕುಟುಂಬ ಪ್ರಯಾಣಿಸುತ್ತಿದ್ದಾಗ ಟೈಟಾನಿಕ್ ನೀರ್ಗಲ್ಲಿಗೆ ಬಡಿದು ದುರಂತ ಅಂತ್ಯ ಕಂಡಿತ್ತು.
ಡೀನ್‌ರನ್ನು ಚೀಲವೊಂದರಲ್ಲಿ ಇರಿಸಿ ಜೀವರಕ್ಷಕ ದೋಣಿಯಲ್ಲಿ ಸುರಕ್ಷಿತವಾಗಿ ಸಾಗಿಸಲಾಗಿತ್ತು. ಆಕೆಯ ತಾಯಿ ಮತ್ತು ಸೋದರ ಕೂಡ ಈ ದುರಂತದಲ್ಲಿ ಬದುಕುಳಿದಿದ್ದರೆ, ಆಕೆಯ ತಂದೆಯು ದುರಂತ ಸಾವಪ್ಪಿದ 1500 ಪ್ರಯಾಣಿಕರಲ್ಲಿ ಒಬ್ಬರಾಗಿದ್ದಾರೆ.ಹಾಂಪ್‌ಷೈರಿನಲ್ಲಿ ಆರೈಕೆ ಗೃಹದಲ್ಲಿ ಅವರು ಸತ್ತಿದ್ದಾರೆಂದು ಡೀನ್ಸ್ ಅವರ ಇಬ್ಬರು ಸ್ನೇಹಿತರು ಬಿಬಿಸಿಗೆ ತಿಳಿಸಿದ್ದಾರೆ.
ತಮ್ಮ ಜೀವಮಾನದ ಬಹುತೇಕ ಕಾಲವನ್ನು ಅವರು ಸೌತಾಂಪ್ಟನ್‌ನಲ್ಲಿ ಕಳೆದಿದ್ದಾರೆ. ಜೀವನದ ಕಡೆಯ ಕಾಲದಲ್ಲಿ ಅವರು ಆರ್ಥಿಕ ದುಸ್ಥಿತಿಗೆ ಗುರಿಯಾಗಿದ್ದರು. ತಾವು ಕಳೆದ ಆರೈಕೆ ಗೃಹದಲ್ಲಿ ಬಿಲ್ ಪಾವತಿ ಮಾಡುವುದಕ್ಕಾಗಿ ತಮ್ಮ ವಸ್ತುಗಳನ್ನು ಹರಾಜು ಹಾಕಿ 54,900 ಡಾಲರ್ ಎತ್ತಿದ್ದರು.
ಟೈಟಾನಿಕ್ ದುರಂತದಲ್ಲಿ ಪಾರಾದ ಕುಟುಂಬಕ್ಕೆ ನ್ಯೂಯಾರ್ಕ್ ಜನತೆ ಕೊಡುಗೆಯಾಗಿ ನೀಡಿದ್ದ 100 ವರ್ಷದಷ್ಟು ಹಳೆಯದಾದ ಸೂಟ್‌ಕೇಸ್‌ನ್ನು ಕೂಡ ಅವರು ಮಾರಾಟ ಮಾಡಿದ್ದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ