ಆಫ್ಘಾನಿಸ್ತಾನದಲ್ಲಿ ನಿಮ್ಮ ಶತ್ರುಗಳ ವಿರುದ್ಧ ಗೆಲ್ಲಲು ಸಾಧ್ಯವೇ ಇಲ್ಲವೆಂದು ತಾಲಿಬಾನ್ ನಾಯಕ ಮುಲ್ಲಾ ಓಮರ್‌ಗೆ ತರಬೇತಿ ನೀಡಿದ್ದ ಪಾಕಿಸ್ತಾನ ಗುಪ್ತಚರ ಏಜೆಂಟ್ ನ್ಯಾಟೊ ಪಡೆಗಳಿಗೆ ಎಚ್ಚರಿಕೆ ನೀಡಿದ್ದಾರೆ. ಸೋವಿಯತ್ ಆಕ್ರಮಣದ ವಿರುದ್ಧ ಆಫ್ಘಾನಿಸ್ತಾನದ ಪ್ರತಿರೋಧಕ್ಕೆ 1979ರಿಂದ 1989ರ ಅವಧಿಯಲ್ಲಿ ತರಬೇತಿ ಶಿಬಿರ ನಡೆಸಿದ್ದ ಕರ್ನಲ್ ಇಮಾಮ್ ಎಂದು ಹೇಳಲಾಗಿರುವ ಪಾಕ್ ಗುಪ್ತಚರ ಏಜೆಂಟ್ ನೀವು ಆಫ್ಘಾನಿಸ್ತಾನದ ಸಮರದಲ್ಲಿ ಜಯಿಸುವುದು ಸಾಧ್ಯವೇ ಇಲ್ಲವೆಂದು ಅಮೆರಿಕಕ್ಕೆ ತಿಳಿಸಿದ್ದಾರೆ.
"1970ರಿಂದ ತಾನು ಈ ಜನರೊಂದಿಗೆ ಕೆಲಸ ಮಾಡುತ್ತಿದ್ದು, ಅವರನ್ನು ಸೋಲಿಸಲು ಸಾಧ್ಯವೇ ಆಗುವುದಿಲ್ಲ. ನೀವು ಹೆಚ್ಚು ಉಗ್ರರನ್ನು ಕೊಂದಷ್ಟೂ ಅವರು ಬೆಳೆಯುತ್ತಲೇ ಇರುತ್ತಾರೆಂದು" ಅವನು ಹೇಳಿದ್ದಾನೆ. ಅಮೀರ್ ಸುಲ್ತಾನ್ ತರಾರ್ ಎಂದು ನಿಜ ಹೆಸರನ್ನು ಹೊಂದಿರುವ ಗಡ್ಡಧಾರಿ, ಉದ್ದನೆಯ ವ್ಯಕ್ತಿಯು ಅಮೆರಿಕದ ವಿಶೇಷ ಪಡೆಗಳಿರುವ ಸೇನಾ ನೆಲೆ ಫೋರ್ಟ್ ಬ್ರಾಗ್‌ನಲ್ಲಿ ತರಬೇತು ಹೊಂದಿದ್ದಾನೆ.
1970 ಮತ್ತು 1980ರ ಅವಧಿಯಲ್ಲಿ ಸುಮಾರು 95,000 ಆಫ್ಘನ್ನರಿಗೆ ಸಿಐಎ ಆರ್ಥಿಕ ನೆರವು ನೀಡುತ್ತಿದ್ದ ತರಬೇತಿ ಶಿಬಿರಗಳಲ್ಲಿ
ಅಮೀರ್ ಸುಲ್ತಾನ್ ಭಾಗವಹಿಸಿದ್ದ ಮತ್ತು ಕಾರ್ಯಾಚರಣೆಗಳಿಗೆ ವಿದ್ಯಾರ್ಥಿಗಳನ್ನು ಆಗಾಗ್ಗೆ ಜತೆಗೂಡುತ್ತಿದ್ದ. ಸೋವಿಯತ್ ಸೋಲು ಮತ್ತು ಕಮ್ಯುನಿಸ್ಟ್ ಕುಸಿತದ ಬಳಿಕ ಆಗಿನ ಪ್ರಥಮ ಅಧ್ಯಕ್ಷ ಜಾರ್ಜ್ ಬುಷ್ ಅವರನ್ನು ಶ್ವೇತಭವನಕ್ಕೆ ಕರೆಸಿಕೊಂಡು ಬರ್ಲಿನ್ ಗೋಡೆಯ ಚೂರು ಮತ್ತು ಪ್ರಥಮ ಪೆಟ್ಟು ನೀಡಿದವರಿಗೆ ಎಂದು ಕೆತ್ತಲಾದ ಹಿತ್ತಾಳೆ ಫಲಕವನ್ನು ನೀಡಿದ್ದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ