ವಿಶ್ವಸಂಸ್ಥೆ ಭದ್ರತಾ ಮಂಡಳಿಯ ಕಾಯಂ ಸದಸ್ಯತ್ವಕ್ಕೆ ಭಾರತಕ್ಕೆ ಅಮೆರಿಕ ನೆರವು ನೀಡಬೇಕು ಎಂದು ಭಾರತ-ಅಮೆರಿಕ ಅಣ್ವಸ್ತ್ರ ಒಪ್ಪಂದ ಜಾರಿಗೆ ಬುಷ್ ಆಡಳಿತದ ಪ್ರಮುಖ ವ್ಯಕ್ತಿಯೊಬ್ಬರು ತಿಳಿಸಿದ್ದಾರೆ. ಭಾರತ ಭದ್ರತಾ ಮಂಡಳಿಯ ಕಾಯಂ ಸದಸ್ಯ ರಾಷ್ಟ್ರವಾಗಬೇಕು ಮತ್ತು ಅಮೆರಿಕ ಅದಕ್ಕೆ ಬೆಂಬಲಿಸಬೇಕು ಎಂದು ರಾಜಕೀಯ ವ್ಯವಹಾರಗಳ ಮಾಜಿ ವಿದೇಶಾಂಗ ಅಧೀನ ಕಾರ್ಯದರ್ಶಿ ನಿಕೋಲಾಸ್ ಬರ್ನ್ಸ್ ತಿಳಿಸಿದರು.
ವಾಷಿಂಗ್ಟನ್‌ನಲ್ಲಿ ಭಾರತ-ಅಮೆರಿಕ ಬಾಂಧವ್ಯ ಕುರಿತ ಚರ್ಚೆಯಲ್ಲಿ ಮಾತನಾಡುತ್ತಾ ಅವರು ಮೇಲಿನಂತೆ ತಿಳಿಸಿದ್ದಾರೆ.ಭದ್ರತಾ ಮಂಡಳಿಗೆ ಕಾಯಂ ಸದಸ್ಯಸ್ಥಾನ ಪಡೆಯಲು ಭಾರತಕ್ಕೆ ಬರ್ನ್ಸ್ ಅವರಂತಹ ಪ್ರಭಾವಶಾಲಿ ವ್ಯಕ್ತಿ ಬೆಂಬಲಿಸುತ್ತಿರುವುದು ಇದೇ ಮೊದಲಬಾರಿಯಾಗಿದೆ.ಇಲ್ಲಿಯ ತನಕ ಜಪಾನ್ ರಾಷ್ಟ್ರವನ್ನು ಮಾತ್ರ ಯುಎನ್‌ಎಸ್‌ಸಿಯ ಕಾಯಂ ಸದಸ್ಯ ರಾಷ್ಟ್ರವೆಂದು ಅಮೆರಿಕ ಅನುಮೋದನೆ ನೀಡಿತ್ತು.
ಬರ್ನ್ಸ್ ತಮ್ಮ ಭಾಷಣದಲ್ಲಿ ಬ್ರೆಜಿಲ್‌ಗೆ ಕೂಡ ಕಾಯಂ ಸ್ಥಾನ ನೀಡಬೇಕೆಂದು ಬೆಂಬಲಿಸಿದ್ದಾರೆ. ಭಾರತವನ್ನು ಹೊರಹೊಮ್ಮುತ್ತಿರುವ ಜಾಗತಿಕ ಶಕ್ತಿಯೆಂದು ಗುರುತಿಸಿದ ಹಾರ್ವರ್ಡ್ ಕೆನಡಿ ಶಾಲೆಯ ಪ್ರಾಧ್ಯಾಪಕರಾಗಿರುವ ಬರ್ನ್ಸ್, ಭಾರತ ಮತ್ತು ಅಮೆರಿಕ ಒಂದುಗೂಡಿ ಕೆಲಸ ಮಾಡಿ ಜಗತ್ತಿನ ಭವಿಷ್ಯ ರೂಪಿಸಲು ಪ್ರಮುಖ ಪಾತ್ರ ವಹಿಸಬಹುದೆಂದು ಅವರು ಅಭಿಪ್ರಾಯಪಟ್ಟರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ