ಕೊರಿಯ ವಲಯದಲ್ಲಿ ಅಣ್ವಸ್ತ್ರ ಯುದ್ಧದ ಕರಿಯ ಮೋಡಗಳು ಆವರಿಸಿದೆಯೆಂದು ಉತ್ತರಕೊರಿಯ ಎಚ್ಚರಿಸಿದ್ದು, ತನ್ನ ಪರಮಾಣು ಶಸ್ತ್ರಾಗಾರವನ್ನು ಬಲಪಡಿಸುವುದಾಗಿ ಪ್ರತಿಜ್ಞೆ ಮಾಡಿದೆ.ಅಮೆರಿಕ ಮತ್ತು ಅದರ ಮಿತ್ರರಾಷ್ಟ್ರ ದಕ್ಷಿಣಕೊರಿಯ ಅಮೆರಿಕದ ಪರಮಾಣು 'ರಕ್ಷಣೆ'ಯ ಅಡಿಯಲ್ಲಿ ಹೊಸ ಯುದ್ಧಕ್ಕೆ ಪ್ರಚೋದನೆ ನೀಡಲು ಪ್ರಯತ್ನಿಸುತ್ತಿದೆಯೆಂದು ಉತ್ತರಕೊರಿಯ ಸುದ್ದಿಪತ್ರಿಕೆ ರೋಡೊಂಗ್ ಸಿನ್‌ಮನ್ ಆರೋಪಿಸಿದೆ.
ಗಂಟೆಗಳು ಕಳೆಯುತ್ತಿದ್ದಂತೆ ಅಣ್ವಸ್ತ್ರ ಸಮರದ ಕರಿಯ ಮೋಡವು ಕೊರಿಯ ವಲಯದಲ್ಲಿ ಆವರಿಸಿದೆ ಎಂದು 1950-53ರ ಸಂಘರ್ಷ ವಾರ್ಷಿಕದ ಸಂಕೇತವಾಗಿ ಸುದೀರ್ಘ ಲೇಖನದಲ್ಲಿ ಅದು ತಿಳಿಸಿದೆ. ಯಾವುದೇ ಸಂದರ್ಭದಲ್ಲಿ ಹೊಸ ಯುದ್ಧ ಭುಗಿಲೇಳಬಹುದು ಎಂದು ಪತ್ರಿಕೆ ತಿಳಿಸಿದ್ದು,ಉತ್ತರ ಕೊರಿಯ ತನ್ನ ಪರಮಾಣು ಶಸ್ತ್ರಾಗಾರ ಬಲಪಡಿಸುವಿಕೆ ಮುಂದುವರಿಸುತ್ತದೆಂದು ನುಡಿದರು.
ಅಮೆರಿಕದ ವೈರತ್ವದ ನೀತಿ ಮುಂದುವರಿಯುವ ತನಕ ನಾವು ಅಣ್ವಸ್ತ್ರ ಪ್ರತಿರೋಧ ವ್ಯವಸ್ಥೆ ಕೈಬಿಡುವುದಿಲ್ಲ ಮತ್ತು ಇನ್ನಷ್ಟು ಬಲಪಡಿಸುತ್ತೇವೆಂದು ಅದು ಹೇಳಿದೆ. ಸೋಲ್‌ನಲ್ಲಿ ಸಂಪ್ರದಾಯವಾದಿ ಸರ್ಕಾರ ಅಧಿಕಾರಕ್ಕೆ ಬಂದ ಬಳಿಕ ಉತ್ತರಕೊರಿಯ ವಿರುದ್ಧ ದೃಢ ನಿಲುವನ್ನು ಅನುಸರಿಸಿದ್ದರಿಂದ ಗಡಿಯಾಚೆಯ ಸಂಬಂಧ ಹದಗೆಟ್ಟಿದೆ.
ಏಪ್ರಿಲ್ ಆರಂಭದಲ್ಲಿ ದೂರವ್ಯಾಪ್ತಿಯ ರಾಕೆಟ್ ಉಡಾವಣೆ ಮತ್ತು ಮೇನಲ್ಲಿ ಅಣ್ವಸ್ತ್ರ ಪರೀಕ್ಷೆ ನಡೆಸಿದ್ದರಿಂದ ಅಂತಾರಾಷ್ಟ್ರೀಯ ಆಕ್ರೋಶ ವ್ಯಕ್ತವಾಗಿದೆ.ಸಣ್ಣ ವ್ಯಾಪ್ತಿಯ ಕ್ಷಿಪಣಿಗಳನ್ನು ಕೂಡ ಉತ್ತರಕೊರಿಯ ಹಾರಿಸಿದ್ದು, ಸಂಭವನೀಯ ಯುದ್ಧದ ಬಗ್ಗೆ ಮತ್ತೆ ಮತ್ತೆ ಎಚ್ಚರಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ