ಪಾಕಿಸ್ತಾನದಲ್ಲಿ ನಾಲ್ಕು ಶಕ್ತಿಕೇಂದ್ರಗಳ ನಡುವೆ ಅಭಿಪ್ರಾಯ ಭೇದದಿಂದ ರಾಷ್ಟ್ರದ ಜ್ವಲಂತ ಸಮಸ್ಯೆಗಳ ಪರಿಹಾರಕ್ಕೆ ಅಡ್ಡಬಂದಿವೆಯೆಂದು ರಾಜಕೀಯದಲ್ಲಿ ಮುಖ್ಯ ಪಾತ್ರವಹಿಸಿರುವ ಉನ್ನತ ಧರ್ಮಗುರು ತಿಳಿಸಿದ್ದಾರೆ.
ಟಿವಿ ಕಾರ್ಯಕ್ರಮಕ್ಕೆ ಮಾತನಾಡುತ್ತಿದ್ದ ಜಮೈತ್ ಉಲೇಮ-ಎ-ಇಸ್ಲಾಂನ ಮುಖ್ಯಸ್ಥ ಫಝಲ್ ಉರ್ ರೆಹ್ಮಾನ್, ಅಧ್ಯಕ್ಷಹುದ್ದೆ, ಪ್ರಧಾನಮಂತ್ರಿ ಕಚೇರಿ, ಸುಪ್ರೀಂಕೋರ್ಟ್ ಮತ್ತು ಸೇನೆಯ ಮುಖ್ಯಕಚೇರಿ ನಡುವೆ ಸಂಘರ್ಷದ ಕಾರಣದಿಂದ ಪಾಕಿಸ್ತಾನ ತನ್ನ ಜ್ವಲಂತ ಸಮಸ್ಯೆಗಳ ಪರಿಹಾರಕ್ಕೆ ವಿಫಲವಾಗಿದೆಯೆಂದು ಆನ್ಲೈನ್ ನ್ಯೂಸ್ ಏಜೆನ್ಸಿ ವರದಿ ಮಾಡಿದೆ.
ಯಾವುದೇ ಪರಿಹಾರ ಇತ್ಯರ್ಥಕ್ಕೆ ಸಂಸತ್ತು ಉತ್ತಮ ವೇದಿಕೆಯಾಗಿದೆ ಎಂದು ಹೇಳಿದ ಅವರು, ಇತರೆ ರಾಷ್ಟ್ರಗಳ ಪ್ರೇರಣೆ ಮೇಲೆ ರಾಷ್ಟ್ರದ ನಾಯಕತ್ವ ನಿರ್ಧಾರ ಕೈಗೊಳ್ಳುವುದನ್ನು ತರಾಟೆಗೆ ತೆಗೆದುಕೊಂಡರು. ಅಮೆರಿಕದ ಒತ್ತಡದ ಮೇಲೆ ತಾಲಿಬಾನ್ ವಿರುದ್ಧ ಕಾರ್ಯಾಚರಣೆ ಉಲ್ಲೇಖಿಸಿ ಅದು ಹೇಳಿದೆ. ಭಯೋತ್ಪಾದನೆ ವಿರುದ್ಧ ಹೋರಾಟವು ಅಮೆರಿಕದ ಯುದ್ಧವಾಗಿದ್ದು, ಪಾಕಿಸ್ತಾನಕ್ಕೆ ಅದು ಸಂಬಂಧಿಸಿಲ್ಲ ಎಂದು ರೆಹಮಾನ್ ತಿಳಿಸಿದ್ದು, ಪಾಕಿಸ್ತಾನವು ಅಮೆರಿಕದ ಅಸ್ತ್ರವಾಗಿದ್ದು, ತನ್ನ ಬಾಸ್ ಮೆಚ್ಚುಗೆಗೆ ಸೇವೆಸಲ್ಲಿಸುತ್ತಿದೆಯೆಂದು ವ್ಯಂಗ್ಯವಾಡಿದರು. |