ಆಸ್ಟ್ರೇಲಿಯಾದ ಮಹಿಳೆಯೊಬ್ಬಳು ತನ್ನ ಇಬ್ಬರು ಮಕ್ಕಳನ್ನು ಇಂಟರ್ನೆಟ್ನಲ್ಲಿ ಮಾರಾಟಕ್ಕಿಟ್ಟಿದ್ದಳು. ಈ ಕುರಿತು ತನಿಖೆ ನಡೆಸಲು ಹೋದ ಅಧಿಕಾರಿಗಳಿಗೆ ಆಕೆ ತಾನು ಜೋಕ್ ಮಾಡಿದ್ದೆ ಎಂದು ಹೇಳಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಗೀಲಾಂಗ್ ನಗರದ ದಕ್ಷಿಣ ಭಾಗದ ಮಹಿಳೆಯೊಬ್ಬಳು ಕಳೆದ ವಾರ ಹತ್ತು ವರ್ಷದೊಳಗಿನ ಒಂದು ಗಂಡು ಹಾಗೂ ಹೆಣ್ಣು ಮಗುವನ್ನು ಇಂಟರ್ನೆಟ್ನಲ್ಲಿ ಮಾರಾಟಕ್ಕಿಟ್ಟಿದ್ದಳು. ಇಬ್ಬರು ಮಕ್ಕಳ ಫೋಟೋಗಳನ್ನೂ ಇ ಬೇ ಹರಾಜು ನೆಟ್ನಲ್ಲಿ ಪ್ರಕಟಿಸಿದ್ದಳು.
'ಈ ಜಾಹೀರಾತನ್ನು ನೋಡಿದ ಮಕ್ಕಳ ಕಲ್ಯಾಣ ಇಲಾಖೆ ಅಧಿಕಾರಿಗಳು ಮಕ್ಕಳನ್ನು ಮಾರಾಟಕ್ಕಿಟ್ಟಿದ್ದ ಮಹಿಳೆಯನ್ನು ಪತ್ತೆ ಹಚ್ಚಿ ವಿಚಾರಣೆ ನಡೆಸಿದಾಗ ಆಕೆ ಇದೊಂದು ಜೋಕ್ ಎಂದು ಹೇಳಿದ್ದಾಳೆ ' ಎಂದು ಪೊಲೀಸರು ಹೇಳಿದ್ದಾರೆ. ಮಹಿಳೆಯ ವಿರುದ್ಧ ಯಾವುದೇ ಪ್ರಕರಣ ದಾಖಲಿಸಲಾಗಿಲ್ಲ ಎಂದು ತಿಳಿಸಿದ್ದಾರೆ.
ಈ ರೀತಿಯ ವರ್ತನೆಗಳು ಪೊಲೀಸರ ಎದೆಗುಂದಿಸಿವೆ ಎಂದು ಹೇಳಿಕೆಯೊಂದರಲ್ಲಿ ತಿಳಿಸಲಾಗಿದೆ.