ರಾಜಸ್ಥಾನದ ಬಾರ್ಮರ್ ಜಿಲ್ಲೆಯ ಗಗಾರಿಯಾ ಜಿಲ್ಲೆಯಲ್ಲಿ ತನ್ನ ಪುತ್ರನ ಪರ ಚುನಾವಣಾ ಪ್ರಚಾರ ವೇಳೆ ಹಿರಿಯ ಬಿಜೆಪಿ ನಾಯಕ ಜಸ್ವಂತ್ ಸಿಂಗ್ 100 ರೂಪಾಯಿ ನೋಟುಗಳನ್ನು ಹಂಚಿದ್ದಾರೆ ಎಂದು ಆಪಾದಿಸಲಾಗಿದೆ.
ನೋಟು ಹಂಚುವ ಮೂಲಕ ಜಸ್ವಂತ್ ಚುನಾವಣಾ ನೀತಿ ಸಂಹಿತೆ ಉಲ್ಲಂಘಿಸಿದ್ದಾರೆ ಎಂದು ರಾಮಸರ್‌ನ ತಹಶೀಲ್ದಾರರು ದೂರು ದಾಖಲಿಸಿದ್ದಾರೆ ಎಂದು ಬಾರ್ಮರ್ ಜಿಲ್ಲಾ ದಂಡಾಧಿಕಾರಿ ರವಿ ಜೈನ್ ತಿಳಿಸಿದ್ದಾರೆ.
ಪ್ರಕರಣದ ಕುರಿತು ಪರಿಶೀಲನೆ ನಡೆಸಲಾಗುತ್ತಿದೆ ಮತ್ತು ವೀಡಿಯೋ ಟೇಪನ್ನು ಪರೀಕ್ಷಿಸಲಾಗುತ್ತಿದೆ ಎಂದು ಜೈನ್ ಹೇಳಿದ್ದಾರೆ. ಅವರು ಈ ಕುರಿತು ಹೆಚ್ಚಿನ ಮಾಹಿತಿ ನೀಡಲು ನಿರಾಕರಿಸಿದ್ದಾರೆ.
ತನ್ನ ಪುತ್ರನ ಪರ ಭಾರೀ ಪ್ರಚಾರಕ್ಕೆ ಇಳಿದಿರುವ ಸಿಂಗ್, ಬಾರ್ಮರ್ ಜಿಲ್ಲೆಯ ಗದ್ರಾರೋಡ್ ಹಾಗೂ ರಾಮಸರ್ ತೇಹ್ಶಿಲ್ ಸೇರಿದಂತೆ ವಿವಿಧೆಡೆ ಪ್ರಚಾರ ನಡೆಸಿದ್ದಾರೆ.
ಆಡ್ವಾಣಿ ಪ್ರತಿಕ್ರಿಯೆ
ಜಸ್ವಂತ್ ಸಿಂಗ್ ಅವರು ನಿಜವಾಗಿಯೂ ತಪ್ಪು ಎಸಗಿದ್ದಾರೆ ಎಂದಾದಲ್ಲಿ ಅವರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ಪಕ್ಷದ ವರಿಷ್ಠ ಎಲ್.ಕೆ. ಆಡ್ವಾಣಿ ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ