ವಿಯೆನ್ನಾ ಗುರುದ್ವಾರದಲ್ಲಿ ಮೇ 24ರಂದು ಹತ್ಯೆಗೀಡಾಗಿರುವ ಸಿಖ್‌ಗುರು ಡೇರಾ ಸಚ್‌ಖಾಂಡ್ ಬಲ್ಲನ್ ಪಂಥದ ಸಂತ ರಾಮಾನಂದ ಅವರ ಮೃತದೇಹವನ್ನು ವಿಶೇಷ ವಿಮಾನದಲ್ಲಿ ಭಾರತಕ್ಕೆ ತರಲಾಗಿದೆ. ಇದೇವೇಳೆ ದಾಳಿಯ ವೇಳೆ ಗಾಯಗೊಂಡಿರುವ ಡೇರಾ ಸಚ್ ಪಂಥದ ನಾಯಕ ನಿರಂಜನ್ ದಾಸ್ ಅವರೂ ಸಹ ಅದೇ ವಿಮಾನದಲ್ಲಿ ಬುಧವಾರ ರಾತ್ರಿ ಭಾರತದಲ್ಲಿ ಬಂದಿಳಿದಿದ್ದಾರೆ.
ಕೇಂದ್ರ ಸಚಿವರಾದ ಅಂಬಿಕಾ ಸೋನಿ, ಕುಮಾರಿ ಸೆಲ್ಜಾ, ಹಾಗೂ ಪ್ರಣೀತ್ ಕೌರ್ ಈ ವೇಳೆ ವಿಮಾನ ನಿಲ್ದಾಣದಲ್ಲಿ ಉಪಸ್ಥಿತರಿದ್ದರು.
ಗುರುವಿನ ಮೃತದೇಹವನ್ನು ತರಲು ಪಂಜಾಬ್ ಸರ್ಕಾರದ ನಿಯೋಗ ಒಂದು 15 ಸೀಟುಗಳ ವಿಶೇಷ ವಿಮಾನದಲ್ಲಿ ಆಸ್ಟ್ರಿಯಾಗೆ ತೆರಳಿತ್ತು.
ವಿಮಾನದಲ್ಲಿ ಬಂದಿಳಿದ ಇವರನ್ನು ಹೆಲಿಕಾಫ್ಟರ್‌ನಲ್ಲಿ ಜಲಂಧರ್ ಸಮೀಪದ ಬಲ್ಲನ್ ಎಂಬಲ್ಲಿರುವ ಡೇರಾಗೆ ಹೆಲಿಕಾಫ್ಟರ್‌ನಲ್ಲಿ ಕರೆದೊಯ್ಯಲಾಯಿತು.
ಪಂಜಾಬ್ ಸರ್ಕಾರವು ವಿಶೇಷ ವಿಮಾನ ಹಾಗೂ ಹೆಲಿಕಾಫ್ಟರ್‌ಗಾಗಿ ಒಂದು ಕೋಟಿಗಿಂತಲೂ ಅಧಿಕ ಮೊತ್ತದ ಬಾಡಿಗೆ ನೀಡಬೇಕಿದೆ.
ಸಂಜೆ ಅಂತ್ಯಕ್ರಿಯೆ
ಗುರು ರಮಾನಂದರ ಅಂತ್ಯಕ್ರಿಯೆಯು ಸಂಜೆ ನಾಲ್ಕು ಗಂಟೆಗೆ ನಡೆಯಲಿದ್ದು ಪಂಜಾಬಿನಾದ್ಯಂತ ಬಿಗಿ ಭದ್ರತೆ ಏರ್ಪಡಿಸಲಾಗಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ