ಮುಂಬೈ: ಮುಂಬೈ ಪಾತಕ ಲೋಕದ ದೊರೆ, ಸರಣಿ ಬಾಂಬ್ ಸ್ಫೋಟದ ರೂವಾರಿ ದಾವೂದ್ ಇಬ್ರಾಹಿಂನ ಕುಖ್ಯಾತ ಸಹೋದರ ಅನೀಸ್ ಇಬ್ರಾಹಿಂ ಮೇಲೆ ಪಾಕಿಸ್ತಾನದ ಕರಾಚಿಯಲ್ಲಿ ಗುಂಡಿನ ದಾಳಿ ನಡೆದಿದೆ ಎಂದು ಪ್ರಾಥಮಿಕ ವರದಿಗಳು ತಿಳಿಸಿವೆ.
ಮೂಲಗಳ ಪ್ರಕಾರ, ಕರಾಚಿಯ ಅಲ್-ಹಬೀಬ್ ಬ್ಯಾಂಕ್ ಎಟಿಎಂ ಬಳಿ ಅನೀಸ್ ಮೇಲೆ ಗುಂಡು ಹಾರಿಸಲಾಗಿದೆ. ಗುರುವಾರ ರಾತ್ರಿ ಎಟಿಎಂನಿಂದ ಹೊರಬಂದು ತನ್ನ ಕಾರಿನತ್ತ ಹೋಗುತ್ತಿದ್ದ ಅನೀಸ್ ಮೇಲೆ ಕನಿಷ್ಠ ಒಂದು ಡಜನ್ ಬುಲೆಟ್‌ಗಳನ್ನು ಸಿಡಿಸಲಾಯಿತು ಎಂದು ಮೂಲಗಳು ತಿಳಿಸಿವೆ. ಈ ಕುರಿತು ಅಧಿಕೃತ ವರದಿಗಾಗಿ ಕಾಯಲಾಗುತ್ತಿದೆ.
ಬಲೂಚ್ ಮೂಲದ ವ್ಯಕ್ತಿಗಳು ಅನೀಸ್ ಮೇಲೆ ಗುಂಡಿನ ದಾಳಿ ನಡೆಸಿದರೆಂದು ಹೇಳಲಾಗುತ್ತಿದೆ. ಅನೀಸ್ ಸ್ಥಿತಿ ಬಗ್ಗೆ ವರದಿಗಾಗಿ ನಿರೀಕ್ಷಿಸಲಾಗುತ್ತಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ