ಇಸ್ಲಾಮಿಕ್ ಧಾರ್ಮಿಕ ಶಾಲೆ ದರ್-ಉಲ್-ಉಲೂಂ ದಿಯೋಬಂದ್ ಫ್ರಾನ್ಸ್‌ನಲ್ಲಿ ತಯಾರಾದ ಸರಕುಗಳನ್ನು ಖರೀದಿಸುವುದರ ವಿರುದ್ಧ ಫತ್ವಾ ಹೊರಡಿಸುವ ಬಗ್ಗೆ ಚಿಂತನೆ ನಡೆಸಿದೆ. ಫ್ರಾನ್ಸ್ ಅಧ್ಯಕ್ಷ ನಿಕೋಲಾಸ್ ಸಾರ್ಕೋಜಿ ಅವರು ಮುಸ್ಲಿಂ ಮಹಿಳೆಯರು ಬುರ್ಖಾ ಧರಿಸುವುದು ಗುಲಾಮಗಿರಿಯ ಸಂಕೇತವೆಂದು ಪ್ರತಿಕ್ರಿಯೆ ನೀಡಿದ್ದ ಹಿನ್ನೆಲೆಯಲ್ಲಿ ಈ ಫತ್ವಾ ಹೊರಡಿಸುವ ಬಗ್ಗೆ ಪರಿಶೀಲನೆ ನಡೆಸಿದೆ.
ಧಾರ್ಮಿಕ ಶಾಲೆಯ ಫತ್ವಾ ಶಾಖೆಯಾದ ದರ್ ಉಲ್ ಉಫ್ಬಾದ ಮುಫ್ತಿ ಮೌಲಾನಾ ಅರ್ಶದ್ ಫರೂಕಿ ತಮ್ಮ ಶಾಖೆಯು ಸಾರ್ಕೋಜಿ ಬಹಿಷ್ಕಾರಕ್ಕೆ ಕೂಡ ಕರೆ ನೀಡುವುದಾಗಿ ತಿಳಿಸಿದರು. ಅಗತ್ಯವಾದರೆ, ಎಲ್ಲ ಅನುಯಾಯಿಗಳಿಗೆ ಫ್ರೆಂಚ್ ಸರಕುಗಳ ನಿಷೇಧಕ್ಕೆ ಹುಕುಂ ವಿಧಿಸುವುದಾಗಿ ಅವರು ಹೇಳಿದ್ದಾರೆ.
ಬುರ್ಖಾ, ನಕಾಬ್ ಅಥವಾ ಪರ್ದಾ ಮಹಿಳೆಯರ ಗುಲಾಮಗಿರಿಯ ಸಂಕೇತವೆಂದು ಫ್ರೆಂಚ್ ಅಧ್ಯಕ್ಷರು ನೀಡಿದ ಪ್ರತಿಕ್ರಿಯೆಯು ಮಾನವಜನಾಂಗದ ನಾಚಿಗೆಗೇಡಿನ ಅಧ್ಯಾಯಗಳಲ್ಲಿ ಒಂದಾಗಿದೆ ಎಂದು ಅವರು ಹೇಳಿದ್ದು, ಯಾವುದೇ ಧರ್ಮದ ಆಚರಣೆಗೆ ಪೌರರಿಗೆ ಖಾತರಿ ನೀಡುವ ಅವರ ರಾಷ್ಟ್ರದ ಕಾನೂನನ್ನು ಫ್ರೆಂಚ್ ಅಧ್ಯಕ್ಷರು ಉಲ್ಲಂಘಿಸಿದ್ದಾರೆಂದು ಅವರು ತಿಳಿಸಿದರು.
ಸಾರ್ಕೋಜಿ ಪ್ರತಿಕ್ರಿಯೆಯು ಫ್ರಾನ್ಸ್‌ಗೆ ಅಪಖ್ಯಾತಿ ತರುವ ಗುರಿ ಹೊಂದಿರುವ ನೀಚ ಪಿತೂರಿ ಎಂದು ಫರೂಕಿ ಹೇಳಿದ್ದು, ಕ್ರೈಸ್ತ ಧರ್ಮದ ಮೇರಿ ಚಿತ್ರಗಳಲ್ಲಿ ಮತ್ತು ಕೆತ್ತನೆಗಳಲ್ಲಿ ಸದಾ ಅವರ ತಲೆಯನ್ನು ಮುಚ್ಚಿದ ಉಡುಪಿನಲ್ಲಿರುವುದರಿಂದ ಕ್ರೈಸ್ತಧರ್ಮದ ವಿರುದ್ಧ ಕೂಡ ಒಳಸಂಚು ಹೂಡಿದ್ದಾರೆಂದು ಅವರು ತಿಳಿಸಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ