ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಗಾಂಧೀಜಿಯ ನೂರು ಕೋಟಿ ರೂ ಪ್ರತಿಮೆಗೆ ಮೊಮ್ಮಗ ವಿರೋಧ (Gandhi | Dandi | anniversary | sculpture)
Feedback
Print
ಗಾಂಧೀಜಿಯ ನೂರು ಕೋಟಿ ರೂ ಪ್ರತಿಮೆಗೆ ಮೊಮ್ಮಗ ವಿರೋಧ 
ನವದೆಹಲಿ, ಸೋಮವಾರ, 26 ಅಕ್ಟೋಬರ್ 2009( 17:35 IST )
PTI
PTI1930ರ ಮಾರ್ಚ್ 12ರಿಂದ ಎಪ್ರಿಲ್ 6ರ ತನಕ ನಡೆದ 390 ಕಿಲೋಮೀಟರ್ ದೂರದ ಬೃಹತ್ ಜಾಥಾದ ಸ್ಮರಣೆಯನ್ನು ವಿಜೃಂಭಣೆಯಿಂದ ಆಚರಿಸುವ ಯೋಜನೆಗೆ ನಕಾರ ಸೂಚಿಸಿರುವ ಗಾಂಧಿಯವರ ಮೊಮ್ಮಗ, ಪಶ್ಚಿಮ ಬಂಗಾಳದ ರಾಜ್ಯಪಾಲ ಹಾಗೂ ದಂಡಿ ಸಮಿತಿಯ ಅಧ್ಯಕ್ಷರೂ ಆಗಿರುವ ಗೋಪಾಲ ಗಾಂಧಿಯವರು ಇದು ಗಾಂಧಿ ತತ್ವಗಳಿಗೆ ಅಸಂಬದ್ಧವಾದುದು ಎಂದು ಹೇಳಿದ್ದಾರೆ.
ಇದರೊಂದಿಗೆ ಗಾಂಧೀಜಿಯವರು ದಂಡಿ ಯಾತ್ರೆ ಕೈಗೊಂಡಿದ್ದ ವೇಳೆ ಅವರನ್ನು ಅನುಸರಿಸಿದ್ದ 78 ಅನುಯಾಯಿಗಳನ್ನು ಸುತ್ತುವರಿದ ಗಾಂಧೀಜಿಯವರ 60 ಅಡಿ ಎತ್ತರದ ಪ್ರತಿಮೆಯನ್ನು ನೂರು ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಿಸುವ ಯೋಜನೆಯನ್ನೂ ಅವರು ನಿರಾಕರಿಸಿದ್ದಾರೆ.
ದಂಡಿಯಾತ್ರೆಯ ಸ್ಮರಣೆಗಾಗಿ ಇಷ್ಟೊಂದು ದೊಡ್ಡ ಮಟ್ಟದಲ್ಲಿ ಹಣ ವ್ಯಯಿಸುವುದು ಸಮಂಜಸವಲ್ಲ ಮತ್ತು ಇದು ಗಾಂಧಿ ತತ್ವಗಳಿಗೆ ಅಸಂಬದ್ಧವಾಗಿದೆ ಎಂದು ಹೇಳಿದ್ದಾರೆ. ರಾಷ್ಟ್ರದ ಮುಕ್ಕಾಲು ಪಾಲು ಮಂದಿ ಅತಿವೃಷ್ಟಿ ಹಾಗೂ ಅನಾವೃಷ್ಟಿಯಿಂದ ಬಳಲುತ್ತಿರುವಾಗ ಇಷ್ಟು ದೊಡ್ಡ ಮಟ್ಟದಲ್ಲಿ ವ್ಯಯಿಸುವುದು ಸೂಕ್ತವಲ್ಲ. ಇದಲ್ಲದೆ ಗುಜರಾತಿನಲ್ಲೂ ಸಾಕಷ್ಟು ಸಮಸ್ಯೆಗಳಿವೆ ಎಂದು ಗೋಪಾಲ್ ಗಾಂಧಿ ಹೇಳಿದ್ದಾರೆ. ಪ್ರತಿಮೆ ನಿರ್ಮಾಣಕ್ಕೆ ನಿಯೋಜಿತರಾಗಿದ್ದ ಶಿಲ್ಪಿ ಲತಿಕ ಕಾಟ್ ಅವರಿಗೂ ಈ ಕುರಿತು ಮಾಹಿತಿ ನೀಡಲಾಗಿದೆ.
ಬದಲಿಗೆ, ದಂಡಿ ಸತ್ಯಾಗ್ರಹಿಗಳ ಹೆಸರನ್ನು ಪ್ರಮುಖವಾಗಿ ಕೆತ್ತುವ ಮೂಲಕ ಸೂಕ್ತ ಸ್ಮಾರಕವನ್ನು ನಿರ್ಮಿಸಲು ಸಮಿತಿ ನಿರ್ಧರಿಸಿದೆ.