ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಪುಣೆ ಬಾಂಬ್ ಸ್ಫೋಟ: ಇಂಡಿಯನ್ ಮುಜಾಹಿದೀನ್ ಕೈವಾಡ ಶಂಕೆ
(Pune Blast | Lashkar attack | David Hedley | Jewish Chabad House | Osho Ashram | Terror Attack | Pakistan)
Feedback
Printಪುಣೆ ಬಾಂಬ್ ಸ್ಫೋಟ: ಇಂಡಿಯನ್ ಮುಜಾಹಿದೀನ್ ಕೈವಾಡ ಶಂಕೆ
ಶಾಂತಿ ಶಾಂತಿ ಎನ್ನುತ್ತಿರುವ ಭಾರತದ ಮೇಲೆ ಮತ್ತೆ ಉಗ್ರರ ದಾಳಿ
ಪುಣೆ, ಭಾನುವಾರ, 14 ಫೆಬ್ರವರಿ 2010( 08:32 IST )
WD
ಶನಿವಾರ ಸಂಜೆ ಆರಂಭದಲ್ಲಿ ಇದೊಂದು ಸಿಲಿಂಡರ್ ಸ್ಫೋಟ ಪ್ರಕರಣ ಎಂದೇ ಅಧಿಕಾರಿಗಳು ಸ್ಪಷ್ಟನೆ ನೀಡಿದ್ದರು. ಆದರೆ, ಸಂಜೆ 7.30ರ ವೇಳೆಗೆ ಪುಣೆಯ ಕೋರೆಗಾಂವ್ ಪಾರ್ಕ್ ಬಳಿಯ, ಓಶೋ ಆಶ್ರಮದ ಸಮೀಪ ಇರುವ ಜರ್ಮನ್ ಬೇಕರಿಯಲ್ಲಿ ನಡೆದ ಸ್ಫೋಟದಲ್ಲಿ ಸುಧಾರಿತ ಸ್ಫೋಟಕ ಸಧನ (ಐಇಡಿ) ಬಳಸಲಾಗಿದೆ ಮತ್ತು ಆದಕ್ಕೆ ಆರ್‌ಡಿಎಕ್ಸ್ ಕೂಡ ಮಿಶ್ರ ಮಾಡಲಾಗಿತ್ತು ಎಂದು ಆರಂಭಿಕ ತನಿಖೆಗಳು ತಿಳಿಸಿವೆ.
ಗೃಹ ಸಚಿವ ಪಿ.ಚಿದಂಬರಂ ಅವರು ಭಾನುವಾರ ಮುಂಜಾನೆಯೇ ಪುಣೆಗೆ ಧಾವಿಸಿ, ಆಸ್ಪತ್ರೆಗೆ ದಾಖಲಾಗಿರುವ ಗಾಯಾಳುಗಳನ್ನು ಭೇಟಿಯಾಗಿದ್ದಾರೆ.
ಈ ಬೇಕರಿಗೆ ವಿದೇಶೀಯರೇ ಹೆಚ್ಚು ಬರುತ್ತಿರುವುದರಿಂದ ಉಗ್ರಗಾಮಿಗಳು ಇದೇ ಕಾರಣಕ್ಕೆ ಈ ಬೇಕರಿಯನ್ನು ಸ್ಫೋಟಕ್ಕೆ ಆಯ್ದುಕೊಂಡಿದ್ದಾರೆ ಎಂದು ಹೇಳಲಾಗಿದೆ. ಘಟನೆಯಲ್ಲಿ ಮೃತಪಟ್ಟವರಲ್ಲಿ ನಾಲ್ಕು ಮಂದಿ ವಿದೇಶೀಯರಾಗಿದ್ದಾರೆ.
ಇದರೊಂದಿಗೆ, ಬನ್ನಿ, ಮಾತುಕತೆ ಮಾಡೋಣ ಎಂಬ ಭಾರತದ ಆಹ್ವಾನಕ್ಕೆ ಪಾಕಿಸ್ತಾನವೂ, 'ನಾವೇನೂ ಭಾರತದೆದುರು ಮಂಡಿಯೂರಿ ವಿನಂತಿಸಿರಲಿಲ್ಲ. ಅದುವೇ ಮಾತುಕತೆಗೆ ಆಹ್ವಾನಿಸುತ್ತಿದೆ' ಎಂದು ಮೀಸೆ ತಿರುವಿಕೊಂಡಿದ್ದ ಪಾಕಿಸ್ತಾನವು ಸಮ್ಮತಿಸಿದ್ದು, ಫೆ.25ರ ದಿನಾಂಕವನ್ನು ಈ ಮಾತುಕತೆಗಾಗಿ ನಿಗದಿಪಡಿಸಲಾಗಿತ್ತು.
ಪಾಕಿಸ್ತಾನಿ ಮೂಲದ ಕುಖ್ಯಾತ ಉಗ್ರಗಾಮಿ, ಇದೀಗ ಅಮೆರಿಕ ಪೊಲೀಸರ ಸೆರೆಯಲ್ಲಿರುವ, ಪಾಕಿಸ್ತಾನಿ ಉಗ್ರಗಾಮಿ ಸಂಘಟನೆ ಲಷ್ಕರ್ ಇ ತೋಯಿಬಾದ ಡೇವಿಡ್ ಹೆಡ್ಲಿ ಭಾರತಕ್ಕೆ ಆಗಾಗ್ಗೆ ಭೇಟಿ ನೀಡಿದ್ದಾಗ, ಈ ಆಶ್ರಮದ ಪರಿಸರವನ್ನೂ ತಪಾಸಣೆ ನಡೆಸಿದ್ದ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಇದಲ್ಲದೆ, ಈ ಸ್ಫೋಟದ ಹಿಂದೆ ಲಷ್ಕರ್‌ನಿಂದ ಪ್ರೇರಣೆ ಪಡೆದಿರುವ ಇಂಡಿಯನ್ ಮುಜಾಹಿದೀನ್‌ಗಳ ಕೈವಾಡವಿದೆ ಎಂದೂ ಮೂಲಗಳು ಶಂಕಿಸಿವೆ.
ಸ್ಫೋಟದಲ್ಲಿ ನಾಲ್ಕು ಅಂಗಡಿಗಳು ಹಾನಿಗೀಡಾಗಿವೆ. ಓಶೋ ಆಶ್ರಮಕ್ಕೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಹೆಡ್ಲಿಯು ಉಳಿದುಕೊಂಡಿದ್ದ ಹೋಟೆಲ್‌ಗೆ ಸಮೀಪದಲ್ಲೇ ಇದೆ ಈ ಬೇಕರಿ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಪುಣೆ ಸ್ಫೋಟ, ಲಷ್ಕರ್, ಪಾಕಿಸ್ತಾನ, ಡೇವಿಡ್ ಹೆಡ್ಲಿ, ಯಹೂದಿ ಛಬಾದ್ ಹೌಸ್, ಓಶೋ ಆಶ್ರಮ, ಭಯೋತ್ಪಾದನಾ ದಾಳಿ