ಪಕ್ಷಾಂತರ ಮಾಡಲು, ಪಕ್ಷ ಬಿಡಲು, ಪಕ್ಷ ಸೇರಲು, ನಾಮಪತ್ರ ಸಲ್ಲಿಸಲು ಹೀಗೆ ಎಲ್ಲದಕ್ಕೂ ಹೋಮ, ಪೂಜೆ-ಪುನಸ್ಕಾರ ಮಾಡುವುದು ರಾಜಕಾರಣಿಗಳಿಗೆ ಸಂಪ್ರದಾಯವಾಗಿಬಿಟ್ಟಿದೆ, ಇದೀಗ ಬೆಂಗಳೂರು ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ ಜಮೀರ್ ಅಹ್ಮದ್ ಕೂಡ ಹೋಮದ ಮೊರೆ ಹೋಗಿದ್ದಾರೆ.
ಬೆಂಗಳೂರು ಕೇಂದ್ರ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿರುವ ಜಮೀರ್ ಅವರ ಗೆಲುವಿಗಾಗಿ ಅವರ ಬೆಂಬಲಿಗ ವೆಂಕಟೇಶ್ ಎಂಬವರು ಸಂಪಂಗಿರಾಮನಗರದ ನಿವಾಸದಲ್ಲಿ ಸೋಮವಾರ ಹೋಮ ಏರ್ಪಡಿಸಿದ್ದರು.
ಬಿಳಿ, ಅಗಿ, ಕಪ್ಪು ಪ್ಯಾಂಟ್ ಧರಿಸಿ ಹೆಗಲ ಮೇಲೆ ಶಲ್ಯ ಹಾಕಿದ್ದ ಜಮೀರ್ ಅವರು ಹಿಂದೂ ವಿಧಿ ವಿಧಾನಗಳ ಪ್ರಕಾರ ಗೆಲುವು ಹಾಗೂ ಕಾರ್ಯಸಿದ್ದಿಗಾಗಿ ನಡೆಸುವ ಸುದರ್ಶನ ಹೋಮ ಮತ್ತು ಕಾರ್ಯಸಿದ್ದಿ ಯಾಗದಲ್ಲಿ ಪಾಲ್ಗೊಂಡರು. ಕೊರಳಿಗೆ ಹಾರ ಹಾಕಿಸಿಕೊಂಡು ಪುರೋಹಿತರ ಮಧ್ಯದಲ್ಲಿ ಕುಳಿತ ಅವರು ಹೋಮ ಕುಂಡಕ್ಕೆ ಹವಿಸ್ಸು ಅರ್ಪಿಸಿದರು.
ನಾನು ಮೊದಲು ಹಿಂದೂಸ್ತಾನಿ, ನಂತರ ಕನ್ನಡಿಗ ಆ ಮೇಲೆ ಮುಸ್ಲಿಂ . ನನ್ನ ಗೆಲುವಿಗೆ ಬೆಂಬಲಿಗರು ಆಯೋಜಿಸಿದ್ದ ಹೋಮದಲ್ಲಿ ಕೋಮು ಸೌಹಾರ್ದತೆಯಿಂದ ಪಾಲ್ಗೊಂಡಿದ್ದೇನೆ ಎಂದರು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ