ಜಾಗತಿಕವಾಗಿ ಭೀತಿ ಮೂಡಿಸುತ್ತಿರುವ ಹಂದಿಜ್ವರ ರಾಜಧಾನಿಗೂ ಹರಡಿದ್ದು, ಇದೀಗ ಸ್ವೀಡನ್ ದೇಶದ ಮಹಿಳೆ ಸೇರಿದಂತೆ ಮೂರು ಮಂದಿಗೆ ಎಚ್1ಎನ್1 ಸೋಂಕಿನ ಶಂಕೆ ಇದ್ದು, ಅವರನ್ನು ರಾಜೀವ್ ಗಾಂಧಿ ಎದೆರೋಗಗಳ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಭಾರತದ ಎಂಜಿನಿಯರ್, ಸ್ವೀಡನ್ ಮಹಿಳೆ ಮತ್ತು ಏರ್ ಫ್ರಾನ್ಸ್ ಸಂಸ್ಥೆಯ ಉದ್ಯೋಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅವರ ರಕ್ತವನ್ನು ಪುಣೆಯ ರಾಷ್ಟ್ರೀಯ ವೈರಾಣು ಸಂಸ್ಥೆಗೆ ಪರೀಕ್ಷೆಗೆ ಕಳುಹಿಸಿಕೊಡಲಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
ಆಸ್ಪತ್ರೆಯಲ್ಲಿ ಈಗಾಗಲೇ ದಾಖಲಾಗಿರುವ ಒಟ್ಟು ಆರು ವ್ಯಕ್ತಿಗಳ ರಕ್ತವನ್ನು ರಾಷ್ಟ್ರೀಯ ವೈರಾಣುಗಳ ಸಂಸ್ಥೆಗೆ ಕಳುಹಿಸಲಾಗಿದ್ದು, ಈ ಪೈಕಿ ಇಬ್ಬರಿಗೆ ಸೋಂಕು ತಗುಲಿದೆ ಎಂದು ದೃಢಪಟ್ಟಿದೆ. ಇನ್ನೂ ನಾಲ್ವರ ರಕ್ತ ಪರೀಕ್ಷೆಯ ಬಗ್ಗೆ ಮಾಹಿತಿ ಬರಬೇಕಿದೆ ಎಂದು ಆರ್‌‌ಜಿಐಸಿಡಿ ಸಂಸ್ಥೆ ನಿರ್ದೇಶಕ ಡಾ. ಶಶಿಧರ್ ತಿಳಿಸಿದ್ದಾರೆ.
ಈ ಹಿಂದೆ ದಾಖಲಾದ ಎಚ್1ಎನ್1 ಸೋಂಕಿನಿಂದ ಬಳಲುತ್ತಿರುವ ತಾಯಿ ಮತ್ತು ಮಗಳು ಉತ್ತಮ ರೀತಿಯಲ್ಲಿ ಚಿಕಿತ್ಸೆಗೆ ಸ್ಪಂದಿಸುತ್ತಿದ್ದಾರೆ. ತಾಯಿ ಸ್ವಲ್ಪ ಮಟ್ಟಿಗೆ ಗುಣಮುಖರಾಗುತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ