ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಬಿಜೆಪಿಯನ್ನು ದೇವರು ಕೂಡ ಕ್ಷಮಿಸಲ್ಲ: ಈಶ್ವರಪ್ಪ (BJP | Yeddyurappa | Ishwarappa | Congress | JDS)
Feedback
Printಬಿಜೆಪಿಯನ್ನು ದೇವರು ಕೂಡ ಕ್ಷಮಿಸಲ್ಲ: ಈಶ್ವರಪ್ಪ 
ಶಿವಮೊಗ್ಗ, ಸೋಮವಾರ, 28 ಡಿಸೆಂಬರ್ 2009( 11:23 IST )
NRB
ಸೋಮವಾರ ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಆಡಳಿತಾರೂಢ ಬಿಜೆಪಿಯಲ್ಲಿ ಭಿನ್ನಮತ ಬಹಿರಂಗವಾಗಿರುವುದಕ್ಕೆ ಬೇಸರ ವ್ಯಕ್ತಪಡಿಸಿದರು. ಅಲ್ಲದೇ, ಈ ಕಾರಣಕ್ಕೆ ದೇವರು ಕೂಡ ನಮ್ಮನ್ನು ಕ್ಷಮಿಸುವುದಿಲ್ಲ ಎಂದು ಹೇಳಿದರು.
ಬಿಜೆಪಿಯಲ್ಲಿ ಭಿನ್ನಮತ ಸ್ಫೋಟಗೊಂಡ ಹಿನ್ನೆಲೆಯಲ್ಲಿ ನಾಳೆ ಬೆಂಗಳೂರಿನಲ್ಲಿ ಸಭೆ ನಡೆಯಲಿದ್ದು, ಎಲ್ಲಾ ಸಮಸ್ಯೆಗಳಿಗೂ ಪರಿಹಾರ ಕಂಡುಕೊಳ್ಳಲಾಗುವುದು ಎಂದು ಈ ಸಂದರ್ಭದಲ್ಲಿ ವಿಶ್ವಾಸ ವ್ಯಕ್ತಪಡಿಸಿದರು.
ರಾಜ್ಯದಲ್ಲಿ ಮುಖ್ಯಮಂತ್ರಿ ಯಡಿಯೂರಪ್ಪ ನೇತೃತ್ವದ ನಾಯಕತ್ವ ಬದಲಾವಣೆ ಆಗಲೇಬೇಕು ಎಂದು ರೆಡ್ಡಿ ಬ್ರದರ್ಸ್ ಬಣ ಬಂಡಾಯದ ಕಹಳೆ ಮೊಳಗಿಸಿ ಸಾಕಷ್ಟು ರಾದ್ಧಾಂತ ಸೃಷ್ಟಿಸಿತ್ತು. ಪಕ್ಷದೊಳಗಿನ ಗೊಂದಲವೆಲ್ಲಾ ಪರಿಹಾರವಾಗಿದೆ ಎಂದು ಬಿಜೆಪಿ ಹೇಳಿಕೊಳ್ಳುತ್ತ ಬರುತ್ತಿರುವಾಗಲೇ ರೇಣುಕಾಚಾರ್ಯ ಬಣ ಭಿನ್ನರಾಗ ಎತ್ತಿತ್ತು.
ರೇಣುಕಾಚಾರ್ಯ ಕೂಡ ಸಚಿವಗಿರಿ ಅಲಂಕರಿಸಿದ ಬೆನ್ನಲ್ಲೇ ಪಕ್ಷದೊಳಗಿನ ಆಂತರಿಕ ಕಲಹ ಮತ್ತಷ್ಟು ಬಿಗಡಾಯಿಸುವ ಮೂಲಕ ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರ್ಕಾರ ಗೊಂದಲದ ಗೂಡಾಗಿದೆ.