ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ರಾಜ್ಯಕ್ಕೆ ಮಮತಾ 'ಭರವಸೆಯ ಬಂಪರ್ ರೈಲು' (Raiway Budget 2010 | Karnataka railway | kh muniyappa | parliament | mamata banerjee)
Feedback
Printರಾಜ್ಯಕ್ಕೆ ಮಮತಾ 'ಭರವಸೆಯ ಬಂಪರ್ ರೈಲು' 
ಬೆಂಗಳೂರು, ಬುಧವಾರ, 24 ಫೆಬ್ರವರಿ 2010( 17:08 IST )
NRB
ಪ್ರಸಕ್ತ ಸಾಲಿನ ರೈಲ್ವೆ ಬಜೆಟ್‌ನಲ್ಲಿ ರಾಜ್ಯಕ್ಕೆ ಹೆಚ್ಚಿನ ಆದ್ಯತೆ ನೀಡಬೇಕೆಂದು ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ರೈಲ್ವೆ ಸಚಿವೆ ಮಮತಾ ಬ್ಯಾನರ್ಜಿ ಅವರಿಗೆ ಮನವಿಯನ್ನೂ ನೀಡಿದ್ದರು. ಈ ಸಂದರ್ಭದಲ್ಲಿ ರೈಲ್ವೆ ಖಾತೆ ರಾಜ್ಯ ಸಚಿವ ಕೆ.ಎಚ್.ಮುನಿಯಪ್ಪ ಸಹ ಈ ಬಾರಿ ರಾಜ್ಯಕ್ಕೆ ಗರಿಷ್ಠ ಆದ್ಯತೆ ದೊರೆಯಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದರು. ಆ ನಿಟ್ಟಿನಲ್ಲಿ ಬಹುತೇಕ ನಿರೀಕ್ಷೆಗಳು ಹುಸಿಯಾಗಿದ್ದರು ಕೂಡ ರಾಜ್ಯಕ್ಕೆ ಕೆಲವು ಕೊಡುಗೆ ದೊರೆತಂತಾಗಿದೆ.
ಬೆಂಗಳೂರಿನಲ್ಲಿ ಅಚ್ಚು ಮತ್ತು ಗಾಲಿ ವಿನ್ಯಾಸ ಅಭಿವೃದ್ಧಿ ಕೇಂದ್ರ, ವಿಶೇಷ ಕಾರಿಡಾರ್‌ನಲ್ಲಿ ಕರ್ನಾಟಕ ಸೇರ್ಪಡೆ, ಬಳ್ಳಾರಿ-ಗುಂತ್‌ಕಲ್ ಮಾರ್ಗ ವಿದ್ಯುದ್ದೀಕರಣ, ನಡೆಸಲಾಗುವುದು ಎಂದು ಘೋಷಿಸಿದರು.
PTI
* ಬಾಗಲಕೋಟೆ, ಚಿಕ್ಕಬಳ್ಳಾಪುರ, ದೇವನಹಳ್ಳಿ, ದೊಡ್ಡಬಳ್ಳಾಪುರ, ರಾಮನಗರ, ಯಲಹಂಕ ಜಂಕ್ಷನ್ ರೈಲ್ವೇ ನಿಲ್ದಾಣಗಳು ಸೇರಿದಂತೆ ದೇಶದ 94 ನಿಲ್ದಾಣಗಳನ್ನು ಮೇಲ್ದರ್ಜೆಗೇರಿಸುವ 'ಆದರ್ಶ ನಿಲ್ದಾಣ'ಗಳ ಪಟ್ಟಿಗೆ ಸೇರಿಸಲಾಗಿದೆ.
* ರೈಲ್ವೇ ಇಲಾಖೆಯಿಂದ ನಿರ್ಮಾಣಗೊಳ್ಳುವ ಬಹುಮಳಿಗೆಗಳ ಸಂಕೀರ್ಣಗಳಿಗೆ ಕರ್ನಾಟಕದ ಬಳ್ಳಾರಿ ಜಂಕ್ಷನ್, ಗುಲ್ಬರ್ಗಾ, ಶಿವಮೊಗ್ಗ ನಗರ, ತುಮಕೂರು, ಯಶವಂತಪುರ ಮತ್ತು ಕಾಸರಗೋಡು (ಕೇರಳ)ಗಳನ್ನು ಆಯ್ಕೆಗೊಳಿಸಲಾಗಿದೆ.
* ಬೆಂಗಳೂರು ನಗರ, ಬಂಗಾರಪೇಟೆ, ಬಳ್ಳಾರಿ, ಭದ್ರಾವತಿ, ಬೀದರ್, ಹೊಸಪೇಟೆ, ಹೊಸೂರು ನಗರ, ಮಂಡ್ಯ, ರಾಯಚೂರು, ತುಮಕೂರು, ಯಾದಗಿರಿ, ಯಶವಂತಪುರಗಳಲ್ಲಿ ಹೊರರೋಗಿಗಳ ವಿಭಾಗ ಮತ್ತು ಪರೀಕ್ಷಾ ಕೇಂದ್ರಗಳ ಸ್ಥಾಪನೆ.
* ಧಾರವಾಡ, ಹುಬ್ಬಳ್ಳಿ ಎರಡನೇ ದರ್ಜೆಯ ಜನರಲ್ ಸ್ಪೆಷಾಲಿಟಿ ಆಸ್ಪತ್ರೆಗಳು.
* ಬಂದರು ಉದ್ಯಮ ಚಟುವಟಿಕೆಗಳಿಗೆ ಬೆಂಬಲ ನೀಡುವ ನಿಟ್ಟಿನಲ್ಲಿ ಕಾರವಾರ ಬಂದರಿಗೆ ಸೇವೆ ವಿಸ್ತರಣೆ.
* ಬೆಂಗಳೂರಿಗೆ ರೈಲ್ವೇ ಅಚ್ಚು ಮತ್ತು ಗಾಲಿ ನಿರ್ಮಾಣ ಮತ್ತು ವಿನ್ಯಾಸ ಕೇಂದ್ರ
* ವಿಶೇಷ ಕಾರಿಡಾರಿನಲ್ಲಿ ಕರ್ನಾಟಕ ಸೇರ್ಪಡೆ, ವಿಶೇಷ ಸೌಲಭ್ಯ.
* ಬೀರೂರು - ಚಿಕ್ಕಜಾಜೂರ್ ಡಬ್ಬಲ್ ಟ್ರ್ಯಾಕ್ ನಿರ್ಮಾಣ
* ಬಳ್ಳಾರಿ-ಗುಂತಕಲ್-ಹೊಸಪೇಟೆ-ವಾಸ್ಕೋ ಡಿ ಗಾಮಾ ಮಾರ್ಗ ವಿದ್ಯುದೀಕರಣ.
ಕರ್ನಾಟಕಕ್ಕೆ ಹೊಸ ರೈಲುಗಳು...
* ಯಶವಂತಪುರ - ದೆಹಲಿ ತುರಂತೋ ಎಕ್ಸ್‌ಪ್ರೆಸ್ (ವೀಕ್ಲೀ, ಎಸಿ)
* ನಾಗರಕೊಯಿಲ್- ಮಧುರೈ - ಹೊಸೂರು - ಬೆಂಗಳೂರು ಎಕ್ಸ್‌ಪ್ರೆಸ್ (ವೀಕ್ಲೀ)
* ಮಂಗಳೂರು - ತಿರುಚ್ಚಿರಾಪಳ್ಳಿ ಎಕ್ಸ್‌ಪ್ರೆಸ್ (ವೀಕ್ಲೀ)
* ಶಿವಮೊಗ್ಗ - ಮೈಸೂರು ಇಂಟರ್ಸಿಟಿ ಎಕ್ಸ್‌ಪ್ರೆಸ್ (ಡೈಲೀ)
* ಬೆಂಗಳೂರು - ಬಂಗಾರಪೇಟೆ - ತಿರುಪತಿ ಇಂಟರ್ಸಿಟಿ ಎಕ್ಸ್‌ಪ್ರೆಸ್ (ವಾರಕ್ಕೆ ಮೂರು ಬಾರಿ)
* ಬೆಂಗಳೂರು-ಹುಬ್ಬಳ್ಳಿ- ಹಂಪಿ ಎಕ್ಸ್‌ಪ್ರೆಸ್ ಮತ್ತು ಬೆಂಗಳೂರು-ನಾಂದೇಡ್ ಎಕ್ಸ್‌ಪ್ರೆಸ್‌ಗಳೆಂದು ಓಡುತ್ತಿದ್ದ ಲಿಂಕ್ ರೈಲುಗಳನ್ನು ಪ್ರತ್ಯೇಕಿಸಿ ಬೆಂಗಳೂರು - ಹುಬ್ಬಳ್ಳಿ ಮತ್ತು ಬೆಂಗಳೂರು -ನಾಂದೇಡ್‌ಗಳೆಂದು ಸ್ವತಂತ್ರವಾಗಿ ಓಡಿಸಲಾಗುತ್ತದೆ.
* ಬೆಂಗಳೂರು - ನೆಲಮಂಗಲ ಪ್ಯಾಸೆಂಜರ್
* ಬಾಗಲಕೋಟೆ - ಗದಗ್ ಪ್ಯಾಸೆಂಜರ್
* ಹೊಸಪೇಟೆ - ಹರಿಹರ ಪ್ಯಾಸೆಂಜರ್ (ಗೇಜ್ ಪರಿಪರ್ತನೆ ಮುಗಿದ ಮೇಲೆ)
* ಶಿವಮೊಗ್ಗ-ಮಂಗಳೂರು-ರಾಯಗೊಂಡಂ ನಡುವೆ ರಾಜ್ಯದ ಸಹಭಾಗಿತ್ವದಲ್ಲಿ ಹೊಸ ರೈಲು
* ಹೊಸಪೇಟೆ-ಹುಬ್ಬಳ್ಳಿ-ಲೋಂಡಾ-ಗೋವಾ ನಡುವೆ ರೈಲು.
* ಕಡೂರು-ಚಿಕ್ಕಮಗಳೂರು-ಅರಸೀಕೆರೆ ಹೊಸ ರೈಲು
* ಯಶವಂತಪುರ-ಬೆಂಗಳೂರು-ದೆಹಲಿ-ನಾಗರಕೊಯಿಲ್-ಬೆಂಗಳೂರು ಏಕ್ಸ್‌ಪ್ರೆಸ್
* ಬೆಂಗಳೂರು - ಪಾಟ್ನಾ ಹೊಸ ರೈಲು
* ಹೊಸಪೇಟೆ-ಹರಿಹರ ಹೊಸ ರೈಲು
ಪ್ರವಾಸೋದ್ಯಮವನ್ನು ಪ್ರೋತ್ಸಾಹಿಸುವ 'ಭಾರತ್ ತೀರ್ಥ'...
* ಹೌರಾ-ಚೆನ್ನೈ-ಪಾಂಡಿಚೇರಿ-ಮಧುರೈ-ರಾಮೇಶ್ವರಂ-ಕನ್ಯಾಕುಮಾರಿ-ಬೆಂಗಳೂರು-ಮೈಸೂರು-ಚೆನ್ನೈ- ಹೌರಾ
* ಪುಣೆ-ರತ್ನಗಿರಿ-ಗೋವಾ-ಬೆಂಗಳೂರು-ಮೈಸೂರು-ತಿರುಪತಿ-ಪುಣೆ
* ಮಧುರೈ-ಮೈಸೂರು-ಗೋವಾ-ಮುಂಬೈ-ಔರಂಗಾಬಾದ್-ಹೈದರಾಬಾದ್-ಮಧುರೈ
ವಿಸ್ತರಣೆ-ಬದಲಾವಣೆಯಾದವು....
* 2245/2246 ಹೌರಾ-ಯಶವಂತಪುರ ತುರಂತೋ ಎಕ್ಸ್‌ಪ್ರೆಸ್ ರೈಲು ವೀಕ್ಲೀಯಿಂದ ನಾಲ್ಕು ದಿನಕ್ಕೆ.
* 2295/2296 ಪಾಟ್ನಾ-ಬೆಂಗಳೂರು ಸಂಘಮಿತ್ರಾ ಎಕ್ಸ್‌ಪ್ರೆಸ್ ಆರು ದಿನಗಳಿಂದ ಡೈಲೀ.
* 2251/2252 ಕೊರ್ಬಾ - ಯಶವಂತಪುರ ಎಕ್ಸ್‌ಪ್ರೆಸ್ ವೀಕ್ಲೀಯಿಂದ ಎರಡು ದಿನಕ್ಕೆ
* 6605/6606 ಮಂಗಳೂರು - ಕೊಚ್ಚುವೇಲಿ ಇರ್ನಾಡ್ ಎಕ್ಸ್‌ಪ್ರೆಸ್ ಮೂರು ದಿನಗಳಿಂದ ಡೈಲೀ.
* 2777/2778 ಯಶವಂತಪುರ - ಕೊಚ್ಚುವೇಲಿ ಎಕ್ಸ್‌ಪ್ರೆಸ್ ಹುಬ್ಬಳ್ಳಿಯವರೆಗೆ ವಿಸ್ತರಣೆ (ವೀಕ್ಲೀ)
* 623/624 ಮಂಗಳೂರು - ಕಣ್ಣೂರು ರೈಲು ಕೋಯಿಕ್ಕೋಡ್‌ಗೆ ವಿಸ್ತರಣೆ
* 353/354 ಧಾರಡಾಡ - ಗದಗ ಪ್ಯಾಸೆಂಜರ್ ಸೋಲಾಪುರಕ್ಕೆ ವಿಸ್ತರಣೆ
ಹೊಸ ರೈಲು ಮಾರ್ಗಗಳಿಗಾಗಿ ಸರ್ವೆ....
* ಪಡುಬಿದ್ರಿ-ಕಾರ್ಕಳ-ಬೆಳ್ತಂಗಡಿ-ಧರ್ಮಸ್ಥಳ-ನೆಟ್ಟಣ
* ಬೈಂದೂರು-ಕೊಲ್ಲೂರು-ಹಾಲಾಡಿ-ಹೆಬ್ರಿ-ಕಾರ್ಕಳ-ಮೂಡಬಿದ್ರಿ-ವೇಣೂರು-ಬೆಳ್ತಂಗಡಿ-ಧರ್ಮಸ್ಥಳ-ನೆಟ್ಟಣ
* ಅಲಮಟ್ಟಿ-ಯಾದಗಿರಿ
* ಮೈಸೂರು-ಮಡಿಕೇರಿ-ಮಂಗಳೂರು
* ಗದಗ - ಹರಿಹರ
* ತುಮಕೂರು - ದಾವಣಗೆರೆ
* ತಲಶ್ಯೇರಿ - ಮೈಸೂರು
* ಬಿಜಾಪುರ-ಅಥಣಿ-ಶೆದ್ಬಾಲ್
* ಚಿಕ್ಕಬಳ್ಳಾಪುರ - ಗೌರಿ ಬಿದನೂರು
* ಬೇಲೂರು - ಶೃಂಗೇರಿ
* ಕೃಷ್ಣಗಿರಿ-ಚಾಮರಾಜನಗರ
* ಮೈಸೂರು-ಕುಶಾಲನಗರ-ಮಡಿಕೇರಿ
* ಬೆಳಗಾವಿ-ಬಾಗಲಕೋಟೆ-ಮಡಿಕೇರಿ
* ಬೆಳಗಾವಿ-ಸಾವಂತವಾಡಿ
* ಬೋದಾನ್-ಬೀದರ್
ಒಂದೆರಡು ವರ್ಷಗಳಲ್ಲಿ ಮುಕ್ತಾಯವಾಗುವ ಮಾರ್ಗಗಳು...
* ಕೊಟ್ಟೂರು-ಹರಿಹರ
* ಕಡೂರು - ಕನ್ನಿಹಳ್ಳಿ-ಸಕಲೇಶಪುರ
* ಗದ್ವಾಲ್ - ಪಾಂಡುರಂಗಸ್ವಾಮಿ - ರಾಯಚೂರು
* ಖಾನಾಪುರ-ಹುಮ್ನಾಬಾದ್ (ಬೀದರ್) -ಗುಲ್ಬರ್ಗಾ
* ಬಾಗಲಕೋಟೆ - ಕುಡಾಚಿ
2010-11ರಲ್ಲಿ ನಡೆಯುವ ಗೇಜ್ ಪರಿವರ್ತನೆಯ ಮಾರ್ಗಗಳು...
* ಆನಂತಪುರ-ಶಿವಮೊಗ್ಗ-ತಾಳಗುಪ್ಪ
* ಚಿಂತಾಮಣಿ-ಕೋಲಾರ-ಚಿಕ್ಕಬಳ್ಳಾಪುರ
2010-11ರಲ್ಲಿ ಹಳಿ ದ್ವಿಗುಣಗೊಳ್ಳುವ ಮಾರ್ಗಗಳು...
* ಬೀರೂರು-ಶಿವಾನಿ
* ಹೊಸದುರ್ಗಾ ರೋಡ್ - ಚಿಕ್ಕಜಾಜೂರ್
* ಹೊಸಪೇಟೆ-ಹುಬ್ಬಳ್ಳಿ-ಲೊಂಡಾ-ವಾಸ್ಕೋ ಡಿ ಗಾಮಾ
ಕರ್ನಾಟಕ ಸರಕಾರದ ಸಹಭಾಗಿತ್ವದೊಂದಿಗೆ ನಡೆಯುತ್ತಿರುವ ಯೋಜನೆಗಳು...
* ಹಾಸನ - ಬೆಂಗಳೂರು ಹೊಸ ಮಾರ್ಗ.
* ಕಡೂರು - ಚಿಕ್ಕಮಗಳೂರು - ಸಕಲೇಶಪುರ ಹೊಸ ಮಾರ್ಗ
* ಅರಸೀಕೆರೆ - ಬೀರೂರು ಹಳಿ ದ್ವಿಗುಣ
* ಕೋಲಾರ - ಚಿಕ್ಕಬಳ್ಳಾಪುರ ಗೇಜ್ ಪರಿವರ್ತನೆ
ಕರ್ನಾಟಕದ ಸಹಭಾಗಿತ್ವದೊಂದಿಗೆ ಪ್ರಸ್ತಾವಿತ ಯೋಜನೆಗಳು...
* ತಾಳಗುಪ್ಪಾ - ಹೊನ್ನಾವರ
* ಶಿವಮೊಗ್ಗ - ಹರಿಹರ
* ವೈಟ್‌ಫೀಲ್ಡ್ - ಕೋಲಾರ
* ಗದಗ - ಹಾವೇರಿ
* ತುಮಕೂರು - ದಾವಣಗೆರೆ
* ಬಿಜಾಪುರ - ಶಾಹಾಬಾದ್
* ಧಾರವಾಡ - ಬೆಳಗಾವಿ
ಈಡೇರದ ಬೇಡಿಕೆ: ಯಲಹಂಕ ಮತ್ತು ಬೆಂಗಳೂರು ನಡುವೆ ಸಂಚರಿಸುತ್ತಿರುವ ಮುಕ್ತ ರೈಲಿನ ಮಾರ್ಗ ಸುಮಾರು ಹತ್ತು ವರ್ಷಗಳ ಹಿಂದೆ ನ್ಯಾರೋಗೇಜ್ ಬ್ರಾಡ್‌ಗೇಜ್ ಆಗಿ ಪರಿವರ್ತನೆಗೊಂಡಿತ್ತು. ಆದರೆ ಈ ಕಾರ್ಯ ಆಮೆ ಗತಿಯಲ್ಲಿ ಸಾಗುತ್ತಿದೆ.
ಕಳೆದ ರೈಲ್ವೆ ಬಜೆಟ್‌ನಲ್ಲಿ ಈ ಮಾರ್ಗದ ರೈಲು ಹಳಿಯಯನ್ನು ಬ್ರಾಡ್‌ಗೇಜ್ ಮಾಡಲು ಪುಟ್ಟಪರ್ತಿಯ ಪ್ರಶಾಂತಿ ನಿಲಯದ ತನಕ ಸರ್ವೆ ಕಾರ್ಯ ಆರಂಭಿಸುವ ಬಗ್ಗೆ ಪ್ರಸ್ತಾವನೆ ಇತ್ತು. ಈ ಬಾರಿ ನಡೆದ ಬಜೆಟ್‌ನಲ್ಲಿ ಆ ಪ್ರಸ್ತಾವನೆಗೆ ಹಣಕಾಸು ನಿಗದಿಗೊಳಿಸಲಾಗಿದೆ.
ಚಿಕ್ಕಬಳ್ಳಾಪುರದಿಂದ ಚಿಂತಾಮಣಿಯ ತನಕ ರೈಲ್ವೆ ಹಳಿ ಅಗಲೀಕರಣ ಆಗಬೇಕಾಗಿದೆ. ಅಲ್ಲದೆ, ಕೋಲಾರ ಜಿಲ್ಲೆ ಚಿಕ್ಕಬಳ್ಳಾಪುರಕ್ಕೆ 96.5ಕಿ.ಮೀ.ನ್ಯಾರೋಗೇಜ್ ಮಾರ್ಗ ಹಲವಾರು ವರ್ಷಗಳಿಂದ ಬ್ರಾಡ್‌ಗೇಜ್ ಆಗಿ ಪರಿವರ್ತನೆಗೊಳ್ಳುವ ಕಾಮಗಾರಿ ನಡೆಯುತ್ತಿದೆ. ಆದರೆ ಈ ಬಾರಿಯ ರೈಲ್ವೆ ಬಜೆಟ್‌ನಲ್ಲಿ ದಶಕಗಳ ಹಿಂದಿನ ಯಾವುದೇ ಪ್ರಸ್ತಾಪಕ್ಕೆ ಈ ಬಾರಿಯೂ ಮಹತ್ವ ಸಿಗದಂತಾಗಿದೆ.