ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಮಾಜಿ ಪಿಎಂ ಆಗಿ ರಾಜಕೀಯ ಮಾತಾಡೋ ಮೂರ್ಖನಲ್ಲ: ಗೌಡ (Deve gowda | BJP | JDS | Congress | Siddaramaiah | Karnataka Crisis)
PR
ಮಂಗಳವಾರ ಜೆಡಿಎಸ್ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿ ತರಾತುರಿಯಲ್ಲೇ ರಾಜಭವನಕ್ಕೆ ದೌಡಾಯಿಸಿದ್ದರು. ಸುಮಾರು ಒಂದೂವರೆ ಗಂಟೆಗಳ ಕಾಲ ರಾಜ್ಯಪಾಲ ಹಂಸರಾಜ್ ಭಾರದ್ವಾಜ್ ಜತೆ ದೇವೇಗೌಡರು ಮಾತುಕತೆ ನಡೆಸಿದರು.
ರಾಜ್ಯಪಾಲರ ಭೇಟಿಯ ಅಂತ್ಯದ ನಂತರ ಸುದ್ದಿಗಾರರ ಜತೆ ಮಾತನಾಡಿದ ಅವರು, ನೋಡಿ...ನೀವೇ ಮಾಧ್ಯಮದವರೇ ಬೆಳಿಗ್ಗೆ ನೆನಪಿಸಿದ್ದೀರಿ. ಇಂದು ರಾಜ್ಯಪಾಲರ ಹುಟ್ಟುಹಬ್ಬ ಅಂತ. ಹಾಗಾಗಿ ನಾನು ಅವರನ್ನು ಅಭಿನಂದಿಸಲು ಆಗಮಿಸಿದ್ದೆ. ಆಗ ರಾಜ್ಯಪಾಲರು ಸೆಕ್ರೆಟರಿಯವರ ಜತೆ ಚರ್ಚೆ ಮಾಡುತ್ತಿದ್ದರಿಂದ ಸುಮಾರು ಅರ್ಧ ಗಂಟೆಗಳ ಕಾಲ ಕಾಯಬೇಕಾಯಿತು. ಆ ಸಂದರ್ಭದಲ್ಲಿ ಕಾಂಗ್ರೆಸ್ ಮುಖಂಡ ಸಿದ್ದರಾಮಯ್ಯ ಕೂಡ ಆಗಮಿಸಿದರು.
ನಾನೀಗ ಸುದ್ದಿಗೋಷ್ಠಿ ಮುಗಿಸಿ ಬಂದಿದ್ದೇನೆ ಅಂತ ಹೇಳಿದೆ, ಅದಕ್ಕೆ ಸಿದ್ದರಾಮಯ್ಯನವರು ಪ್ರತಿಭಟನೆ ನಡೆಸಿ ಬಂಧನಕ್ಕೊಳಗಾಗಿ ಬಿಡುಗಡೆಗೊಂಡು ಬಂದಿದ್ದೇನೆ ಎಂದರು. ನಂತರ ರಾಜ್ಯಪಾಲರಿಗೆ ಶುಭಾಶಯ ಹೇಳಿದೆವು, ಅಷ್ಟು ಬಿಟ್ಟರೆ ಬೇರೇನೂ ಇಲ್ಲ. ಬೇರೆ ಯಾವ ವಿಚಾರದ ಬಗ್ಗೆಯೂ ಚರ್ಚಿಸಿಲ್ಲ ಎಂದು ಗೌಡರು ಹೇಳಿದರು.
ಇವನ್ನೂ ಓದಿ
