Deve gowda | Hassan | BJP | JDS | Yeddyurappa | Kumaraswamy | ಹಾಸನ ಅಭಿವೃದ್ಧಿ ಕುಂಠಿತ; ದೇವೇಗೌಡರಿಂದ ಉಪವಾಸ

ಹಾಸನ ಅಭಿವೃದ್ಧಿ ಕುಂಠಿತ; ದೇವೇಗೌಡರಿಂದ ಉಪವಾಸ

ಬೆಂಗಳೂರು, ಬುಧವಾರ, 22 ಜೂನ್ 2011( 12:11 IST )

PTI

ಹಾಲಿ ಮತ್ತು ಮಾಜಿ ಮುಖ್ಯಮಂತ್ರಿಗಳ ಆಣೆ-ಪ್ರಮಾಣದ ರಾಜಕೀಯದ ನಡುವೆಯೇ ಬಿಜೆಪಿ ಸರಕಾರ ಅಧಿಕಾರದ ಗದ್ದುಗೆ ಏರಿದ ನಂತರ ಹಾಸನದಲ್ಲಿ ಅಭಿವೃದ್ಧಿ ಕಾರ್ಯ ಕುಂಠಿತವಾಗಿದೆ ಎಂದು ಆರೋಪಿಸಿರುವ ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡ, ಬುಧವಾರ ಹಾಸನ ಜಿಲ್ಲಾಧಿಕಾರಿ ಕಚೇರಿ ಎದುರು ಒಂದು ದಿನದ ಸಾಂಕೇತಿಕ ಉಪವಾಸ ಸತ್ಯಾಗ್ರಹ ಆರಂಭಿಸಿದ್ದಾರೆ.

ಜೆಡಿಎಸ್ ಕಚೇರಿಯಲ್ಲಿ ಸುದ್ದಿಗಾರರ ಜತೆ ಮಾತನಾಡಿದ ಅವರು, ಬೆಳಿಗ್ಗೆ 9ಗಂಟೆಯಿಂದ ಸಂಜೆ 5 ಗಂಟೆವರೆಗೆ ನಿರಶನ ಮಾಡುವುದಾಗಿ ತಿಳಿಸಿದ್ದಾರೆ. ಇದರಲ್ಲಿ ಯಾವುದೇ ರಾಜಕೀಯ ಇಲ್ಲ. ಹಾಸನ ಜಿಲ್ಲೆ ಪ್ರಗತಿ ಆಗಬೇಕು ಎನ್ನುವುದಷ್ಟೇ ನನ್ನ ಕಾಳಜಿ ಎಂದರು.

ನೀರಾವರಿ ಮೂಲ ಸೌಕರ್ಯ ಸೇರಿದಂತೆ ಯಾವ ಕ್ಷೇತ್ರದಲ್ಲೂ ಅಭಿವೃದ್ಧಿ ಕೆಲಸ ಜಿಲ್ಲೆಯಲ್ಲಿ ನಡೆಯುತ್ತಿಲ್ಲ. ಕೇಂದ್ರದ ಯೋಜನೆಗಳೂ ಅನುಷ್ಠಾನಗೊಳ್ಳುತ್ತಿಲ್ಲ. ಈ ಭಾಗದ ಶಾಸಕರ ನಿಧಿಯೂ ಬಿಡುಗಡೆ ಆಗುತ್ತಿಲ್ಲ. ಮುಖ್ಯಮಂತ್ರಿ ಯಡಿಯೂರಪ್ಪ ಸೇರಿದಂತೆ ಸಂಬಂಧಪಟ್ಟ ಎಲ್ಲರಿಗೂ ಹಲವು ಪತ್ರ ಬರೆದಿದ್ದರೂ ಪ್ರಯೋಜನ ಆಗಿಲ್ಲ ಎಂದು ದೂರಿದರು.

ಜಿಲ್ಲೆಯಲ್ಲಿ ಬಾಕಿ ಉಳಿದ ಕೆಲಸಗಳ ಕುರಿತು ಯಡಿಯೂರಪ್ಪ ಅವರಿಗೆ ವರದಿ ಸಲ್ಲಿಸುತ್ತೇನೆ. ವಾರದ ಒಳಗೆ ಸ್ಪಂದಿಸದಿದ್ದರೆ, ಮುಂದೆ ಏನು ಮಾಡಬೇಕು ಎಂಬುದನ್ನು ಚರ್ಚಿಸುತ್ತೇವೆ ಎಂದು ಈ ಸಂದರ್ಭದಲ್ಲಿ ಹೇಳಿದರು.

ಇವನ್ನೂ ಓದಿ

ಹಾಲಿ-ಮಾಜಿ ಸಿಎಂ ಆಣೆ; ಕಾಂಗ್ರೆಸ್‌ ಗೋಲಿಯಾಟದ ಅಣಕ!

ಸಿಎಂ ಆರೋಪ ಸಾಬೀತು ಮಾಡಿದ್ರೆ ನೇಣಿಗೇರುವೆ: ಎಚ್‌ಡಿಕೆ

ಸಿಎಂ ಯಾವುದೇ ದಂಡಿಗೆ, ದಾಳಿಗೆ ಹೆದರಲ್ಲ: ರೇಣುಕಾಚಾರ್ಯ

ಅಪ್ಪ-ಮಕ್ಕಳು ನೆಮ್ಮದಿಯಿಂದ ಬದುಕಲು ಬಿಡ್ತಿಲ್ಲ: ಸಿಎಂ

'ಮಂಜುನಾಥ'ನ ಮುಂದೆ ಸ್ಫೋಟಕ ಸತ್ಯ ಬಿಚ್ಚಿಡ್ತೇನೆ: ಎಚ್‌ಡಿಕೆ

ಇದನ್ನು ಸಹ ಶೋಧಿಸು: ದೇವೇಗೌಡ, ಹಾಸನ, ಬಿಜೆಪಿ, ಜೆಡಿಎಸ್, ಯಡಿಯೂರಪ್ಪ, ಆಣೆ ಪ್ರಮಾಣ, ಕುಮಾರಸ್ವಾಮಿ