Widgets Magazine

ಐಪಿಎಲ್: ಕೂದಲೆಳೆಯ ಅಂತರದಲ್ಲಿ ಫೈನಲ್ ಛಾನ್ಸ್ ಕಳೆದುಕೊಂಡ ಕೆಕೆಆರ್

ಕೋಲ್ಕೊತ್ತಾ| Krishnaveni K| Last Modified ಶನಿವಾರ, 26 ಮೇ 2018 (09:06 IST)
ಕೋಲ್ಕೊತ್ತಾ: ಈ ಐಪಿಎಲ್ ಆವೃತ್ತಿಯ ಮೊದಲ ಪಂದ್ಯದಿಂದಲೂ ಅದ್ಭುತವಾಗಿಯೇ ಆಡಿದ್ದ ಕೋಲ್ಕೊತ್ತಾ ನೈಟ್ ರೈಡರ್ಸ್ ತಂಡ ಫೈನಲ್ ಗೆ ಇನ್ನೇನು ತಲುಪಿಯೇ ಬಿಟ್ಟಿತು ಎನ್ನುವಷ್ಟರಲ್ಲಿ ಜಾರಿ ಬಿದ್ದಿದೆ.


ಈ ಐಪಿಎಲ್ ಕೂಟದಲ್ಲಿ ಸೈಲಂಟ್ ಕಿಲ್ಲರ್ ಗಳಂತೆ ಮೆರೆದ ಸನ್ ರೈಸರ್ಸ್ ಹೈದರಾಬಾದ್ ಎದುರು 17 ರನ್ ಗಳಿಂದ ಸೋತು ಕೆಕೆಆರ್ ಫೈನಲ್ ಛಾನ್ಸ್ ಕಳೆದುಕೊಂಡರೆ ಹೈದರಾಬಾದ್ ಧೋನಿಯ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ನಾಳೆ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಪ್ರಶಸ್ತಿಗಾಗಿ ಸೆಣಸಲಿದೆ.


ಮೊದಲು ಬ್ಯಾಟ್ ಮಾಡಿದ ಹೈದರಾಬಾದ್ ಸಾಂಘಿಕ ಹೋರಾಟದ ಫಲದಿಂದ ನಿಗದಿತ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 174 ರನ್ ಗಳಿಸಿತು. ಇದರ ಬೆನ್ನತ್ತಿದ್ದ ಹೈದರಾಬಾದ್ ಉತ್ತಮ ಆರಂಭ ಪಡೆಯಿತಾದರೂ ನಂತರ ಕೆಳ ಕ್ರಮಾಂಕದಲ್ಲಿ ಸಾಥ್ ಸಿಗದೇ ಸೊರಗಿತು. ಆರಂಭಿಕ ಕ್ರಿಸ್ ಲಿನ್ 48 ರನ್ ಗಳಿಸಿದರು. ಹೈದರಾಬಾದ್ ಪರ ರಶೀದ್ ಖಾನ್ ಮೂರು ವಿಕೆಟ್ ಕಿತ್ತಿದ್ದಲ್ಲದೆ, ಒಂದು ರನೌಟ್ ಮಾಡಿದರು. ಇದರಿಂದಾಗಿ ಕೆಕೆಆರ್ ನಿಗದಿನ 20 ಓವರ್ ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 160 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಹೈದರಾಬಾದ್ ಫೈನಲ್ ಗೇರಿತು.


ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.




ಇದರಲ್ಲಿ ಇನ್ನಷ್ಟು ಓದಿ :