ಚಿತ್ರಕಥಾ: ಚಿತ್ರದಿಂದೆದ್ದು ಕೊಲ್ಲಲು ಹವಣಿಸೋ ಅಘೋರಿ!

ಬೆಂಗಳೂರು, ಗುರುವಾರ, 11 ಜುಲೈ 2019 (14:03 IST)

ವಿಶಿಷ್ಟವಾದ ಕಥೆಯನ್ನು ಹೊಂದಿರುವ ಚಿತ್ರಕಥಾ ಚಿತ್ರ ಈ ವಾರ ತೆರೆ ಕಾಣಲು ಸಜ್ಜುಗೊಂಡಿದೆ. ಯಶಸ್ವಿ ನಿರ್ದೇಶನದ ಈ ಚೊಚ್ಚಲ ಚಿತ್ರದ ಮೂಲಕವೇ ಸುಜಿತ್ ರಾಥೋಡ್ ನಾಯಕನಾಗಿಯೂ ಎಂಟ್ರಿ ಕೊಡುತ್ತಿದ್ದಾರೆ. ಆರಂಭ ಕಾಲದಿಂದಲೂ ಪೋಸ್ಟರ್ಗಳ ಮೂಲಕವೇ ಜನರನ್ನು ಸೆಳೆಯುತ್ತಾ ಬಂದಿರೋ ಚಿತ್ರವಿದು. ಆ ನಂತರ ರೋರಿಂಗ್ ಸ್ಟಾರ್ ಬಿಡುಗಡೆಗೊಳಿಸಿದ್ದ ಟ್ರೈಲರ್ನಿಂದ ಚಿತ್ರಕಥಾ ಮತ್ತಷ್ಟು ರಂಗು ಪಡೆದುಕೊಂಡಿತ್ತು.
chitrakatha
ಹೀಗೆ ಪ್ರತೀ ಹಂತದಲ್ಲಿಯೂ ಗಾಢ ಕುತೂಹಲವನ್ನು ಹರಡುತ್ತಾ ಸಾಗಿ ಬಂದಿರೋ ಚಿತ್ರಕಥಾ ಸಸ್ಪೆನ್ಸ್ ಥ್ರಿಲ್ಲರ್ ಜಾನರಿನ ಚಿತ್ರ. ಆದರೆ ಇದು ಆ ಜಾನರಿನಲ್ಲಿಯೇ ವಿಶೇಷವಾದ ಚಿತ್ರವೂ ಹೌದು. ಅದರಲ್ಲಿಯೂ ಈ ಸಿನಿಮಾದ ಕಥೆಯೇ ಸೊಗಸಾಗಿರೋ ಸುಳಿವನ್ನು ಚಿತ್ರತಂಡ ಬಿಟ್ಟು ಕೊಡುತ್ತದೆ. ಈ ಸಿನಿಮಾ ನಾಯಕ ಹರಸಾಹಸ ಪಟ್ಟು ಗುರಿಯ ನೇರದಲ್ಲಿರುವಾಗಲೇ ಅಪರಿಚಿತ ಕಲಾವಿದ ಬಿಡಿಸಿದ ಚಿತ್ರವೊಂದು ಕಣ್ಣಿಗೆ ಬೀಳುತ್ತೆ. ಆ ಚಿತ್ರ ಅಂತಿಮ ರೂಪ ಪಡೆಯುತ್ತಲೇ ಅಲ್ಲೊಂದು ಅಘೋರಿಯ ಚಿತ್ರ ಜೀವ ಪಡೆದಿರುತ್ತೆ.
 
ಹಾಗೆ ನಾಯಕ ಕ್ಯಾನ್ವಾಸಿನ ಮೇಲೆ ಚಿತ್ರವಾಗಿ ನೋಡಿದ್ದ ಅದೇ ಅಘೋರಿ ಅದೊಂದು ದಿನ ಎದುರಿಗೆ ಪ್ರತ್ಯಕ್ಷನಾಗಿ ಕೊಲ್ಲಲು ಹವಣಿಸುತ್ತಾನೆ. ಆ ನಂತರದಲ್ಲಿ ನಾಯಕ ಎಲ್ಲೇ ಹೋದರೂ ಈ ಅಘೋರಿ ನಾನಾ ರೀತಿಯಲ್ಲಿ ಕೊಲ್ಲಲು ಪ್ರಯತ್ನಿಸುತ್ತಲೇ ಸಾಗುತ್ತಾನೆ. ಆ ಅಘೋರಿ ಯಾರು, ಆತನೇಕೆ ನಾಯಕನನ್ನು ಕೊಲ್ಲಲು ನೋಡುತ್ತಾನೆ ಎಂಬುದರಿಂದ ಮೊದಲ್ಗೊಂಡು ಎಲ್ಲವೂ ಇಲ್ಲಿ ಕೌತುಕಗಳೇ. ಇಂಥಾ ಚಿತ್ರವಿಚಿತ್ರವಾದ ಪಾತ್ರಗಳೊಂದಿಗೆ, ಗಟ್ಟಿತನ ಹೊಂದಿದ ಕಥೆಯೊಂದಿಗೆ ಈ ಚಿತ್ರ ಪ್ರೇಕ್ಷಕರನ್ನು ಆವರಿಸಿಕೊಳ್ಳಲು ರೆಡಿಯಾಗಿದೆ. ಇಷ್ಟೂ ಕಾಲ ಈ ಚಿತ್ರದ ಬಗ್ಗೆ ಎದ್ದಿರೋ ಪ್ರಶ್ನೆಗಳಿಗೆಲ್ಲ ಇದೇ ಹನ್ನೆರಡನೇ ತಾರೀಕಿನಂದು ಉತ್ತರ ಸಿಗಲಿದೆ.



ಇದರಲ್ಲಿ ಇನ್ನಷ್ಟು ಓದಿ :  

ಸ್ಯಾಂಡಲ್ ವುಡ್

news

ಚಿತ್ರಕಥಾ ಮೂಲಕ ಮತ್ತೆ ಬಂದರು ಸುಧಾರಾಣಿ!

ಯಶಸ್ವಿ ಬಾಲಾದಿತ್ಯ ನಿರ್ದೇಶನದ ಚಿತ್ರಕಥಾ ಈ ವಾರ ಬಿಡುಗಡೆಯಾಗಲಿದೆ. ಹೊಸಬರ ತಂಡ, ಹೊಸತನ ಹೊಂದಿರೋ ಕಥೆಯ ...

news

ರಚಿತಾ ರಾಮ್ ಮೇಲೆ ರಕ್ಷಿತಾ ಪ್ರೇಮ್ ಮುನಿಸಿಕೊಂಡಿದ್ದಾರಾ? ಕ್ರೇಜಿ ಕ್ವೀನ್ ಹೇಳಿದ್ದೇನು?

ಬೆಂಗಳೂರು: ಸಹೋದರ ರಾಣಾನನ್ನು ಸ್ಯಾಂಡಲ್ ವುಡ್ ಗೆ ಪರಿಚಯಿಸುತ್ತಿರುವ ರಕ್ಷಿತಾ ಪ್ರೇಮ್ ಏಕ್ ಲವ್ಯಾ ಎಂಬ ...

news

ಅಭಿಮಾನಿಗಳ ಅಸಮಾಧಾನ ತಣಿಸಲು ಹೊಸ ಟ್ರೈಲರ್ ಬಿಡುಗಡೆ ಮಾಡಲಿರುವ ಕುರುಕ್ಷೇತ್ರ ಸಿನಿಮಾ ತಂಡ

ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಬಹುನಿರೀಕ್ಷಿತ ಕುರುಕ್ಷೇತ್ರ ಸಿನಿಮಾದ ಅಡಿಯೋ ರಿಲೀಸ್ ದಿನ ...

news

ವಿದೇಶಗಳಲ್ಲೂ ಕಮಾಲ್ ಮಾಡಲಿದೆ ಕಿಚ್ಚ ಸುದೀಪ್ ‘ಪೈಲ್ವಾನ್’

ಬೆಂಗಳೂರು: ಕಿಚ್ಚ ಸುದೀಪ್ ನಿಮಗೊಂದು ಗುಡ್ ನ್ಯೂಸ್ ಕಾದಿದೆ ಅಂದಿದ್ದರು. ತಾವು ಹೇಳಿದಂತೆಯೇ ಗುಡ್ ನ್ಯೂಸ್ ...