65 ವರ್ಷದ ಅಲನ್ ರಿಚರ್ಡ್ ಹಡ್ಸನ್, ಕಳೆದ ಜನವರಿ 27ರಂದು ಸದರನ್ ಕ್ರಾಸ್ ರೈಲ್ವೆ ಸ್ಟೇಷನ್ ಸಾರ್ವಜನಿಕ ಶೌಚಾಲಯದಲ್ಲಿ 85 ವರ್ಷದ ವೃದ್ಧೆಯ ಮೇಲೆ ಅತ್ಯಾಚಾರವೆಸಗಿದ್ದ.
ಈ ಪ್ರಕರಣದ ಕುರಿತು ವಿಚಾರಣೆ ನಡೆಸಿದ ನ್ಯಾಯಾಧೀಶ ಡಂಕನ್ ಅಲೆನ್, ವೃದ್ಧೆಯ ಮೇಲೆ ಅತ್ಯಾಚಾರ ನಡೆಸಿ ಆಕೆಯನ್ನು ಗಂಭೀರವಾಗಿ ಗಾಯಗೊಳಿಸಿದ ಹಡ್ಸನ್ನನ್ನು ತಪ್ಪಿತಸ್ಥ ಎಂದು ತೀರ್ಪು ನೀಡಿದ್ದು, ಇದೊಂದು ಆಘಾತಕಾರಿ ಕೃತ್ಯ ಎಂದು ಹೇಳಿದ್ದಾರೆ.
ಈ ದುಷ್ಕೃತ್ಯವು ವೃದ್ಧೆಯ ಜೀವನದ ಮೇಲೆ ದುಷ್ಪರಿಣಾಮ ಬೀರಲಿದೆ ಎಂದು ನ್ಯಾಯಾಧೀಶರು ಆರೋಪಿ ಹಡ್ಸನ್ಗೆ ಹೇಳಿದ್ದನ್ನು ಉಲ್ಲೇಖಿಸಿ ನ್ಯೂಸ್ ಡಾಟ್ ಕಾಂ ವರದಿ ಮಾಡಿದೆ.
ಆರೋಪಿಗೆ 8 ರಿಂದ 10ವರ್ಷಗಳ ಕಾಲ ಕಾರಾಗೃಹ ಶಿಕ್ಷೆ ವಿಧಿಸಬೇಕು ಹಾಗೂ 6 ರಿಂದ 8 ವರ್ಷಗಳ ವರೆಗೆ ಪೆರೋಲ್ ನೀಡಬಾರದು ಎಂದು ಪ್ರಾಸಿಕ್ಯೂಷನ್ ತಿಳಿಸಿದೆ.