ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್‌ » ಸುದ್ದಿ/ಗಾಸಿಪ್ » ಹಿಂದೆ ಬಿದ್ದ ಬಿಪಾಶಾ ಬಸು 'ರೇಸ್'ನಲ್ಲಿಲ್ಲ! (What If I am Out Of Race?)
ಮನರಂಜನೆ » ಬಾಲಿವುಡ್‌ » ಸುದ್ದಿ/ಗಾಸಿಪ್ » ಹಿಂದೆ ಬಿದ್ದ ಬಿಪಾಶಾ ಬಸು 'ರೇಸ್'ನಲ್ಲಿಲ್ಲ! (What If I am Out Of Race?)
Feedback
Print
ಹಿಂದೆ ಬಿದ್ದ ಬಿಪಾಶಾ ಬಸು 'ರೇಸ್'ನಲ್ಲಿಲ್ಲ! 
ಶುಕ್ರವಾರ, 15 ಮೇ 2009( 20:28 IST )
 | ||
|
ಈ ಹಿಂದೆ 'ರೇಸ್' ಚಿತ್ರದಲ್ಲಿ ಬಿಪಾಶಾ ಅಭಿನಯಿಸಿದ್ದರು. ಆದರೆ ಈಗ 'ರೇಸ್ 2' ಬರುತ್ತಿದೆ. ಆದರೆ ಇದಕ್ಕೆ ಬಿಪಾಶಾಗೆ ಆಫರ್ ಬಂದಿಲ್ಲ. ಅಷ್ಟೇ ಆಲ್ಲ 'ಮಿ.ಫ್ರಾಡ್' ಚಿತ್ರವೂ ಅರ್ಧಕ್ಕೇ ನಿಂತಿತ್ತು. ಈ ಎಲ್ಲವುಗಳಿಂದ ಬಿಪಾಶಾ ಮಾತ್ರ ವಿಚಲಿತಳಾಗಿಲ್ಲ. ''ರೇಸ್ ಚಿತ್ರದಿಂದ ನನಗೆ ಆಹ್ವಾನ ಬಂದಿಲ್ಲ ನಿಜ. 'ರೇಸ್-1'ರಲ್ಲಿ ಅಭಿನಯಿಸಿದ ಮಾತ್ರಕ್ಕೆ 'ರೇಸ್-2'ನಿಂದ ಆಫರ್ ಬರಬೇಕೆಂದೇನೂ ಇಲ್ಲವಲ್ಲ. ಬರದಿದ್ದರೂ ಅಂಥದ್ದೇನಿದೆ ಇದರಲ್ಲಿ ದೊಡ್ಡ ವಿಚಾರ?'' ಎಂದು ಬಿಪಾಶಾ ಗತ್ತಿನಿಂದಲೇ ಕೇಳುತ್ತಾಳೆ.
''ಮಿ.ಫ್ರಾಡ್ ಚಿತ್ರ ಮತ್ತೆ ಗರಿಗೆದರಿದೆ ಎಂಬ ಸುದ್ದಿಯೂ ಬಂದಿದೆ. ಚಿತ್ರದಿಂದ ನನ್ನ ಡೇಟ್ಸ್‌ಗಾಗಿ ಕರೆ ಬಂದರೆ ನಾನು ಖಂಡಿತ ನನ್ನ ಡೇಟ್ಸ್ ನೀಡಲು ಕುಷಿಪಡುತ್ತೇನೆ'' ಎಂದು ಘಂಟಾಘೋಷವಾಗಿ ಹೇಳುತ್ತಾಳೆ ಬಿಪಾಶಾ.
 | ||
|
''ಮಿ.ಫ್ರಾಡ್ ಚಿತ್ರ ಒಂದು ಕಾಮಿಡಿ. ಇದರಲ್ಲಿ ಮುಂದುವರಿಯುತ್ತೇನೆ. ಇದರಲ್ಲಿ ಅಜಯ್ ಹಾಗೂ ಸಂಜಯ್ ನನ್ನ ಸಹನಟರು. ಆಲ್ ದಿಬೆ ಸ್ಟ್ ಕೂಡಾ ನಾನು ನಟಿಸುವ ಇನ್ನೊಂದು ಕಾಮಿಡಿ ಸಿನಿಮಾ. ಇಷ್ಟವಾಯಿತು. ನಟಿಸುತ್ತಿದ್ದೇನೆ. ಇಂಥದ್ದೇ ಬರಬೇಕು, ಅಂಥದ್ದೇ ಬರಬೇಕು ಎಂದೆಲ್ಲ ಅಂದುಕೊಳ್ಳುವುದಿಲ್ಲ. ಯಾವುದಾದರೂ ಸರಿ. ಸಿಗದಿದ್ದುದಕ್ಕೆ ಅಳುತ್ತಾ ಕೂರುವ ಜಾಯಮಾನ ನನ್ನದಲ್ಲ'' ಎನ್ನುತ್ತಾಳೆ.
ಅಂದಹಾಗೆ, ಈ ವರ್ಷ ಬಿಪಾಶಾ ಸಹಿ ಮಾಡಿದ್ದು ಕೇವಲ ಒಂದೇ ಸಿನಿಮಾಕ್ಕೆ. ಹಾಗಾದರೆ ಅವಕಾಶ ಸಿಗುತ್ತಿಲ್ಲವೇ ಎಂದು ಕೇಳಿದರೆ, ''ಅವಕಾಶ ಸಿಕ್ಕರೆ ಸಿಗಲಿ. ನಟಿಸುತ್ತೇನೆ. ಇಲ್ಲದಿದ್ದರೆ ನನಗೆ ಬೇಸರವೇ ಇಲ್ಲ. ನನಗೆ ನೂರಾರು ಇತರ ಕೆಲಸಗಳಿವೆ. ನಾಲ್ಕು ಜನರಿಗೆ ಒಳ್ಳೆಯದಾಗುವ ಕೆಲಸ ಮಾಡುತ್ತೇನೆ. ಸ್ಟೇಜ್ ಶೋ ನೀಡುತ್ತೇನೆ. ಬ್ಯುಸಿಯಾಗಿರಲು ಇನ್ನೇನು ಬೇಕು?'' ಎಂದು ಹುಬ್ಬುಹಾರಿಸುತ್ತಾಳೆ. ಆದರೂ ಮನದ ಮೂಲೆಯಲ್ಲೆಲ್ಲೂ ಹೊಸಬರ ದಾಳಿಗೆ ತನ್ನ ಖದರ್ ಕಳೆದುಹೋಗುತ್ತರುವ ಬಗ್ಗೆ ದುಃಖವಿತ್ತಾ... ಗೊತ್ತಾಗಲಿಲ್ಲ. ಎಷ್ಟಾದರೂ ಬಾಲಿವುಡ್‌ನ ಪ್ರತಿಭಾವಂತ ನಟಿಯಲ್ಲವೇ!
 | ||
|