ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಮೇಲ್ಮನೆ: ಗೆದ್ದರೂ ಬಿಜೆಪಿಗೆ ಬಹುಮತ ಇಲ್ಲ (Karnataka legislative council | BJP | JDS | Congress | Yeddyurappa)
Feedback
Printಮೇಲ್ಮನೆ: ಗೆದ್ದರೂ ಬಿಜೆಪಿಗೆ ಬಹುಮತ ಇಲ್ಲ 
ಬೆಂಗಳೂರು, ಸೋಮವಾರ, 21 ಡಿಸೆಂಬರ್ 2009( 19:30 IST )
PTI
ವಿಧಾನಪರಿಷತ್ ಚುನಾವಣೆಯ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಮತ್ತು ಜೆಡಿಎಸ್ ಮೈತ್ರಿಯೊಂದಿಗೆ ಅಖಾಡ ಇಳಿದಿತ್ತು. ಆ ನಿಟ್ಟಿನಲ್ಲಿ ಕಾಂಗ್ರೆಸ್ ಜೆಡಿಎಸ್ ಒಟ್ಟು 15ಸ್ಥಾನಗಳಲ್ಲಿ ಗೆಲುವಿನ ನಗು ಬೀರಿದೆ. ಬಿಜೆಪಿ 10ಸ್ಥಾನ ಗೆಲ್ಲುವ ಮೂಲಕ ಮೇಲ್ಮನೆಯಲ್ಲಿ ಬಿಜೆಪಿ ಬಲ 37ಕ್ಕೇರಿದೆ.
ಆದರೆ ಪ್ರಮುಖ ವಿರೋಧಪಕ್ಷವಾಗಿದ್ದ ಕಾಂಗ್ರೆಸ್‌ಗೆ ಮಾತ್ರ ಭಾರೀ ಹೊಡೆತ ಬಿದ್ದಂತಾಗಿದೆ. 10ಸ್ಥಾನಗಳಲ್ಲಿ ಜಯ ಸಾಧಿಸಿರುವ ಕಾಂಗ್ರೆಸ್, ಈ ಮೊದಲು ಮೇಲ್ಮನೆಯಲ್ಲಿ 19ಸ್ಥಾನ ಹೊಂದಿತ್ತು. ಅಲ್ಲದೇ, ಜೆಡಿಎಸ್ 5ಸ್ಥಾನ ತನ್ನ ಬಗಲಿಗೆ ಹಾಕಿಕೊಂಡು ಹೆಚ್ಚಿನ ಲಾಭ ಗಳಿಸಿದೆ.
25ಸ್ಥಾನಗಳಿಗೆ ನಡೆದ ಚುನಾವಣೆಯಲ್ಲಿ, ಈಗಾಗಲೇ ದಕ್ಷಿಣಕನ್ನಡ ಮತ್ತು ಉಡುಪಿ ಕ್ಷೇತ್ರದಲ್ಲಿ ಅವಿರೋಧವಾಗಿ ಆಯ್ಕೆ ನಡೆದಿತ್ತು. ಆ ನಿಟ್ಟಿನಲ್ಲಿ ಡಿ.18ರಂದು 23ಸ್ಥಾನಗಳಿಗೆ ಚುನಾವಣೆ ನಡೆದಿತ್ತು.
75ಸದಸ್ಯ ಬಲ ಹೊಂದಿರುವ ಮೇಲ್ಮನೆಯಲ್ಲಿ ಅಸೆಂಬ್ಲಿ ಮತ್ತು ಸ್ಥಳೀಯ ಸಂಸ್ಥೆಗಳಿಂದ ತಲಾ 25ಮಂದಿ ಆಯ್ಕೆಯಾಗುತ್ತಾರೆ. ಪದವೀಧರ ಕ್ಷೇತ್ರದಿಂದ 7 ಹಾಗೂ ಪದವಿಯೇತರ ಕ್ಷೇತ್ರದಿಂದ 11ಮಂದಿ ನೇಮಕಗೊಳ್ಳುತ್ತಾರೆ. ಇದರಲ್ಲಿ ಪ್ರತಿ ಎರಡು ವರ್ಷಕ್ಕೊಮ್ಮೆ ಶಾಸನಬದ್ದ ನಿಯಮಾವಳಿಯನ್ವಯ 3/1ಅಂಶ ಸದಸ್ಯರು ನಿವೃತ್ತಿಯಾಗುತ್ತಾರೆ. ಸೋಮವಾರದ ಫಲಿತಾಂಶದ ಬಳಿಕ 75ಸದಸ್ಯ ಬಲ ಹೊಂದಿದ್ದ ಮೇಲ್ಮನೆಯಲ್ಲಿ ಬಿಜೆಪಿ 37, ಕಾಂಗ್ರೆಸ್-20, ಜೆಡಿಎಸ್-07 ಸದಸ್ಯ ಬಲ ಹೊಂದಿದಂತಾಗಿದೆ.